اه ، هى طنط مش هتنزل شقتها
يعنى انتى مش شايفه انها تعبانه قوي، معقول هتنزل الشقه لوحدها ، وعلى العموم قبل اى كلام انا اللى هخدم امى اطمنى ونامى عندى شغل بدرى
انا مش قصدى والله يابهاء بسسسس
نامى يامنار عندى شغل كتير قوى ، وحط راسه على المخدة افتكر جهاد ابتسم وغمض عيونه
وعدى اربع شهور كان قاعد فى مكتبه ، رن تلفونه
ايوه مين
اناااا جهاد
معلش جهاد مين
حضرتك استاذ بهاء
ايوه
انا جهاد اللى كنت فى عيادة دكتور الأسنان
اه اه رجع براسه لورا وهوقاعد على كرسى المكتب ازيك عامله ايه
انا تمام والله الحمد لله، انا بكلمك علشان خاطر الوظيفه اللى كلمتنى عليها فاكر لو ممكن يعنى
حك دقنه ، اه ممكن تعدى عليا فى شركه……..بكرة الساعه ١٢ الضهر وتجيبى معك كل الأوراق دى اكتبى عندك ……..
وروحت تانى يوم فى الميعاد ومعى كل الأوراق المطلوبه وتم توظيفى فى الحسابات ، وكانت الحياة بدأت تضحك لى ، بهاء كنت بشوفه كل يوم ونتقابل وكان قلى انه متجوز وانا نسيت صراحه انه متجوز شاب طموح شيك ، دمه خفيف وبنتقابل كل يوم فى الشغل لحد لما قربنا خالص
وفي يوم، وأنا بكلمه في التليفون…
بابا سمعني.
– مين اللي بتكلميه ده؟
اتلجلجت.
– زميل في الشغل.