وهو قال إنه مستعد يطلق مراته، ويتجوزني.
ولأول مرة… حلمت.
بس الحلم مكملش.
عرفنا إنها حامل.
الخبر نزل عليّ زي الموت.
وقفت مكاني، مش عارفة أفرح، أعيط، أهرب، ولا أعمل إيه.
عرفت في اللحظة دي إن مفيش نهاية سعيدة للطريق ده.
حاولت أبعد.
والله حاولت.
مرة ورا مرة.
كل مرة أضعف، وكل مرة أرجع.
المشكلة إننا كل ما نحاول نبعد… نقرب أكتر.
وكل ما أحاول أنساه… أحتاجه أكتر.
أنا عارفة إن الغلط غلط.
وعارفة إن المفروض أمشي.
بس في الحقيقة؟
قلبي مش راضي يسمع.
بقيت واقفة بين طريقين:
طريق عقل بيقولي “انقذي نفسك”
وطريق قلب بيصرخ “من غيره أنا ولا حاجة”
وأنا؟
تايهة…
معلّقة بين ذنب، وحب، وخوف، ومستقبل مش واضح.
يمكن القصة دي ملهاش نهاية دلوقتي.
يمكن نهايتها لسه قدّام.
بس اللي متأكدة منه إن في قلوب أحيانًا بتتحط في امتحانات أصعب من طاقتها…
وأنا قلبي واحد منهم.
ودى مشكلتى انا جهاد …….
من تلات سنين كنا انا وماما عند دكتور الأسنان
انا مش قادرة يابهاء سنانى وجعاني قوى ، لسه هنستنى الدور
ياماما فيه نظام هنا وكله بالدور ، قوم قول للمرضه امى مش متحمله الانتظار
مش ينفع هاقوم
لوسمحتى ، هو ممكن ماما تدخل دى تعبانه قوى ، والصراحه مش قادرة تتحمل
والله هنا كله بالدور بس ممكن تستأذن من اللى عليه الدور