رواية اوتار احد من السيف الفصل الثالث 3 بقلم زهرة الربيع – للقراءة المباشرة والتحميل pdf
فاطمه ردت وقالت باستغراب…احنا بخير يا اخوي بس استعوقناك ..فينك لحد دلوك مرجعتش
فياض اتنهد وقال…انا بخير بس خطاب بيه باعتني مشوار …ويمكن اطول فيه ليلتين ولا تلاته ..ويمكن ارجع على طول على حسب تساهيل ربنا
فاطمه قالت بقلق…مشوار ايه ده اللي ياخد ليلتين تلاته..طمني عنك يا فياض فيه حاجه ولا ايه
فياض ضحك بخفه وقال…يابت ما انا بكلمك وبخير هتعمليلي زي امك…مفيش حاجه والله مشوار شغل…خدي بالك من امك ولو احتاجتو اي حاجه قولي لعقبه ..انا قولتله وهو هيشق عليكم
بان الضيق على ملامح فاطمه وقالت…انا كبيره يا فياض واقدر اقضي مصالحنا لحد ما ترجع ملوش لزوم تقول لصاحبك المقفل ده
فياض قال بعتب..فاطمه عيب كده… الجدع اول ما قولتله متأخرش بلاش الكلام ده …وبعدين من ميته بخليكي تقضي مصالح….يا بت النسوان ملهمش طلوع من البيت…دول ماس غالي لازمن نحافظ عليه.. الغالي مطمع يا بت ابوي
فاطمه ضحكت وقالت…اممم…ده اللي بناخده منك ..كلام وبس …ماشي ترجع بالسلامه يا فياض
فياض ابتسم وقال…الله يسلمك يا حيل فياض وقوته