انا مش ابنك وانتو مش كباار غير علي نفسكم، ده انا لما سافرت وسيبت امي وبنت خالتي امانه عندكم رجعت لقيت الكلب ده دايس عليهم ومبهدلهم وانتو ولا حس ولا خبر ايه بقيتو كبار في الباااطل وبس
سكتو كلهم وهاني قال بغيظ
اسمع بقي جنه مراتي ولسه علي ذمتي عدتها ما خلصتش وانا هردها
سعيد
يا حج هاني انت مطلقها بالتلاته يعني مش هتقدر ترجعها غير برضاها وهي رفضاااك
فؤااد
هاا يا كبار الحته بنت خالتي رفضاااه ومش عايزه ترجعله هينفع يردها ما تقول حاجه يا شيخ ابراهيم ياللي بتقف وبتخطب في الناااس
بصله هاني بغيظ وقاام ابراهيم وقال
حقك علينا يا فؤاد بيه، الصوره كانت واصله لينا غلط يلا بينا يا رجاله
فؤاد
يا حضرة المأذون هبقي ابعتلك وقت تاني بعد 25 يوم تكون العده بتاعت بنت خالتي خلصت عشان تكتب كتب كتابي عليها
المأذون بص لهاني بتوتر وقال
ان شاء الله يا ابني ان شاء الله السلام عليكم ورحمة الله وبركاته
_تفتكرو بقي هاني هيعمل ايه؟
نتقابل الحلقه الجايه
“دي مجرد بدايه لسه الروايه فيها احداااث كتير وهتبقي البارتات صغيره عشان اقدر انزلها بسرعه دلوقتي هيبقي معاد نزولها ‘يوم السبت والتلات بعد الساعه 10 بالليل’ ، وبعد كده ان شاء الله هحاول انزلها اسرع من كده تبقي يوم ويوم”