_ أنت قولتها أهو في منهم و دول بقى حبوا بعض فهموا و حسوا ببعض و إحترموا بعض .. لكن الباقي مبيكملوش و حتى لو كملوا بيكونوا عايشين تقضيت واجب مش أكتر ..
_ طب ما انا هحترمها و هقدرها إيه المانع بقى؟!
_ هقولك نفس اللي قولته حياتك هتكون ممله مفيهاش روح
تحدث متين بسخريه..
_ ما أنت حلو في الكلام اهو .. مبتعملش كدا في حياتك ليه
تنهد حمزه قائلا بهدوء..
_ أنا غيرك .. أنا بعشق صبا و في نفس الوقت بحب حريتي
_ بس حريتك ديه بتأذيها
تنهد حمزه بضيق قائلاً..
_ سيبك مني دلوقتي .. المهم أنت راجع نفسك تاني
_ أنا خلاص قررت و الموضوع إنتهى
تنهد حمزه قائلاً بنبرة يشوبها السخريه..
_ و مين هى سعيدة الحظ؟!
_ لارا الشناوي
أومأ له حمزه قائلاً بهدوء و هو يربت على كتفه..
_ ربنا يوفقك .. هروح أنا بقى أحضر الأجتماع اللي مش عجبك ده بدلك
أومأ له متين لــ يخرج حمزه تاركاً إياه غارقاً في أفكاره .. ربما حديث حمزه صحيح و لكن هذا لن يغير قرار هو لا يريد سوى الإستقرار ليس إلا..
أذكر الله
دخل الى المنزل لــ يجد السكون يعم المكان و توجه مباشرة نحو غرفته .. كاد أن يدخل إلا إنه إستمع لــ صوت بكائها الخافت لــ يغمض عينيه بأرهاق و هو يحرك رأسه بأسى .. أصبحت تبكي كثيراً في الفتره الأخيرة من دون سبب يبدوا أن فترة الحمل تلك ستمر عليه كالجحيم ..