نظر حمزة الى مصطفى بحدة وأردف بخفوت:
-المرة دى مش عايز غلط يا مصطفى، والبت الصحفية مش عايزها تتدخل فى القضية دى!
نظر له مصطفى بخبث وأردف بهمس:
-قصدك ألاء الصاوى أنا مش شايفها فى المكان، شكلها معندهاش خبر بالقضية دى.
نظر له حمزة بسخرية فهو أدرى شخص بألاء الصاوى، يجمع عنها كافة المعلومات، فهى لا تترك قضية إلا وتتدخل بها، امسك الماء الذى امامه وشربه دفعة واحدة قائلا:
-بس أنا حاسس إنها هنا ألاء الصاوى مش سهلة ومش بتخاف.
أماء له مصطفى برأسه بمعنى أتفق معك ،وأردف بخفوت:
-معاك حق إنت تعرف كل حاجة عنها وعمرك مشوفتها!
نظر له حمزة بجمود فصديقه محق٬ لكنه لايريد أن يري صوراً٬ لها يريد أن يراها واقفة امامه٬ تلك الفتاة العنيدة التی سمع عنها الكثير عن قوتها وشجاعتها، فقال بخبث ظهر فى عينيه جلياً:
-لازم أعرف كل حاجة عن غريمتى، وموضوع مشوفتهاش ده أنا أقدر أجيب صور ليها، بس أنا عايز أقابلها وجهاً لوجه وأشوفها على الطبيعة.
نظر مصطفى لصديقه طويلا، منطقه غريب جدا فقال :
-إنت غريب آوى، المهم أنا خليت رجالتنا تحاوط المكان وينتظروا الإشارة بس من غير ما حد يحس.
اماء له حمزة بمعنى تمام ثم عاود مرة أخرى المراقبة بصمت.
بعد قليل
لاحظ حمزة حركة غير طبيعية من صاحب المكان وحراسته، فهمس لمصطفى قائلا:
-يالا بينا شكلهم بداوا التسليم!