نظرت ألاء لها وعقدت حاجبيها قائلة :
-فى ايه يا بنتى؟
اقتربت منها سلمى بسرعة وهى تنوى إلقائها من النافذة، تلك الفتاة حتماً ستصيبها بذبحة قلبية يوما ما ،فجلست بجوارها على الفراش ،قائلة بضجر:
-ايه اللى إنتى لابساه ده؟
نظرت ألاء لملابسها، فهى تعلم ما تريد سلمى قوله، وهى لديها بعض الأعمال لا تريد التحدث بتلك الامور، التى بالنسبة لها مجرد اشياء غير مجدية، فقالت بسخرية:
-لابسة مايوه ،تحبى أجبلك واحد زيه!
تملك سلمى الغيظ من صديقتها ،فلكزتها بخفة وقالت :
-متخلنيش أتعصب بقي، قومى غيرى اللبس ده، الراجل يقول عليكى إيه، هيتجوز واحد صاحبه!
تأففت ألاء من حديث صديقتها الغير مجدى بالنسبة لها ،ولا يمثل لها أى شئ، فنهضت من فوق الفراش، ووقفت أمام المراة تتأمل شكلها، وقالت بحدة:
-بقولك إيه يا سلمى ،ده شكلى وإنتى عارفة إنى برتاح فى اللبس ده ،وإذا كنت لبست المرتين اللى فاتوا فساتين فده تغيير مش أكتر، وبعدين النهاردة هيتفقوا على كل حاجة ويحددوا ميعاد الخطوبة، يعنى وجودنا ملوش داعى أصلاً ،وأنا هحضر بس علشان أونكل مراد ميبقاش شكله مش لطيف قدامهم مش أكتر.
أنهت ألاء حديثها، وأمسكت هاتفها وطلبت رقم السيدة التى تسكن بجوار الممرضة، دون حتى أن تسمع رد سلمى على حديثها.