بعد فترة من البحث قد أهلكت فيها ألاء ،فسلمى لم تختار شيئاً الى الآن .
توقفت ألاء مرة واحدة ونظرت لسلمى بضيق، وعقدت ساعديها أمام صدرها قائلة :
-شوفى بقى، أنا تعبت بقالنا كتير بنلف ،أنا إختارت الفستان والجزمة وكل مستلزماته، إنما انتى لسه مش لاقية حاجة ،أنا تعبت من اللف يا سلمى!
نظرت لها سلمى بضيق وزمت شفتيها ،ونظرت للجانب الاخر وتحدثت بعبوس قائلة :
-أعمل إيه يعنى يا ألاء؟ مفيش حاجة شدتنى ودى خطوبة ،لو مكنتش مقتنعة باللى لابساه مش هبقى فرحانة ولا ومرتاحة.
عضت ألاء على شفتيها بضيق، فما ذنب سلمى إن لم تجد ما يناسب ذوقها الى الآن ،فاقتربت منها ووضعت يدها على كتفها بإبتسامة ،وأدارتها لتلتفت إليها ،فالتفتت سلمى إليها ومازالت عابسة بشدة، فضحكت ألاء عليها وقالت :
-إضحكى يا سلمى، شكلك بيبقى وحش وإنتى مكشرة ،وتعالى ندور تانى مش هنروح النهاردة الا لما نشترى حاجتك كلها.
ابتسمت سلمى لها ،وسارت معها مرة أخرى الى أحد المولات لعلها تجد مبتغاها.
كانوا ما زالوا يبحثون فى المول ،دق هاتف سلمى وكان مراد سألهم عن أحوالهم وعن اسم المول المتواجدين فيه، فأجابته سلمى وأغلق الهاتف.
نظرت سلمى لهاتفها بدهشة وقالت:
-بس كده!
التفتت لها ألاء التى كانت تمسك إحدى الفساتين وتحدثت بإستغراب قائلة:
-هو إيه اللى بس كده؟