فى فيلا مراد الاسيوطى
هبطت ألاء الى الأسفل وجلست برفقة سلمى يتناولون الإفطار .
تعحبت لعدم وجود مراد فهذه أول مرة يكون غير متواجد يتناول طعام الإفطار معهما ،ونظرت الى سلمى وجدتها تحتسي كوب الشاي خاصتها ،فقالت:
-غريبة يعنى أول مرة أونكل مراد ميفطرش معانا!
تركت سلمى الكوب الذى بيدها ونظرت لألاء تجيبها بإبتسامة:
-لإنه عنده شغل، ففطر بدرى ومشي، يالا إنتى كمان افطرى علشان نمشي.
فى معرض الموبيليا الخاص بعائلة نصار
كان الجد يتحدث بحدة شديدة وغضب قد تملك منه مع ولده الغائب فاروق، فقال :
– قلت إرجع يا فاروق، إرجع يابنى أنا نفسي أشوفك بقى، بقالك سنتين متزلتش مصر، إيه يا فاروق أبوك موحشكش؟ إرجع بقى وعيش معايا ،معدش فى العمر قد اللى راح .
جاءه الرد قائلاً :
-مقدرش يا بابا ،طول ما أنا شايف مديحة قدام عنيا هفتكر اللى عملته فى مراتى وبنتى ،وممكن أعمل فيها حاجة وأنا مش شايف قدامى.
صمت فاروق قليلاً ثم قال:
-كده أحسن يا بابا ،هاجى أزورك يوم واحد وأرجع تانى ،مش هقدر أقعد فى بلد وأنا مش عارف بنتى إذا كانت عايشة ولا ميتة ،مش هقدر!
إشتاق اليه والده وبشدة يراه كل سنة مرة واحدة فقط، ولكن طوال السنتين الماضيتين لم يراه مطلقاً، فحاول إثنائه عن قراره قائلاً :
-طيب حمزة ابن أخوك فؤاد الله يرحمه هيخطب بعد يومين ،مش هتيجى تحضر الخطوبة وتباركله بنفسك؟