رواية انتقام القدر الفصل الرابع عشر 14 بقلم ولاء حامد (الرواية كاملة)

رواية انتقام القدر الفصل الرابع عشر 14 بقلم ولاء حامد 

رواية انتقام القدر الفصل الرابع عشر 14

 البارت الرابع عشر

لينا نازله شايله شنطه سفرها وبتبص على البيت بحسره هزت راسها بياس  ومشيت بدون ولا كلمه ودموعها سابقاها

 يزن بضيق  انا سبق وحذرتك يا بيجاد ان كل داه ممكن يحصل وعملت اللي في دماغك بردوا واصريت عليه وادي النتيجه خراب على الكل ونار ولعت واول ما اكلت اكلت بيتك وابنك اللي  لسه مصيره في علم الغيب وادي كمان خسرت اختك وحياتك والشغل مش بس الشغل كل حاجه يا بيجاد حياتك ادمرت من كل نحيه وبيتك للاسف المرادي  غلطك اكبر من انه  يغتفر او يمر مرور الكرام للاسف انا كمان حاسس بالذنب لان انا شريك فيه حتى لو غصب عني سكت ومخدتش موقف ووقفت اتفرج ومستني النتيجه اللي هي كانت معروفه اساسا من البدايه 

بيجاد بعصبيه ذنب ايه هو انا كنت ماشي معاها ولا انا كنت مرافقها دي كانت مراتي فاهم يعني ايه وثم  هي كانت تحلم ان انا اتجوزها او ابصلها أساسا انتوا عاطيين الموضوع حجم اكبر من حجمه ليه انا مغلطتش كل شيخ وليه طريقه مش بيقولو كده ودي كانت الطريقه الوحيده قدامي علشان اقدر احافظ على شغلنا ثم تعالي هنا هي كانت تحلم انها تتجوز بيجاد الكيلاني اللي بتهزله رجاله ليهم ووزن واسم في البلد تطلع مين دي 

يزن انت عارف الغلط ان انت ما تعترفش بغلطك انت لسه بتكلم وكان الموضوع عاظي بالنسبالك عارف يا بيجاد اللي اصعب واكبر من الغلك اللي حصل ايه انك متعترفتش وتكابر برغم انك عارف ومتاكد من جواك انك غلطان انتا هتندم صدقني ويخوفي لما ييجي الوقت داه تكون خسرت اكتر من اللي خسرته يارب تفوق يا بيجاد قبل فوات الاوان وتلحق اللي باقي من حياتك اللي فيت خراب ودمار يزن بصله بضيق انا ماشي وسايبك مع نفسك.

 بيجاد بعصبيه في داهيه الدنيا ما بتقفش على حد انا ما بتكسرش ومابقفش عند حد بكره تيجي مزلوله ولو قفلت هاتجوز ست ستها واحده بنت ناس وعيله ترفعني وتكبرني 

 قدر  بدات تهتم بغزل ومبتفارقهاش لحظه

 مريم قاعده بتبص لبناتها بحسره واحده راقده في لسه مصير شفاها في علم الغيب والثانيه حياتها قبل ما تستقر بتتخرب واقدر بتحاول تبان قدام الكل ان هي كويسه ومش فارق معاها حد وان اللي حصل مهزهاش برغم ان مجواها متدمره نفسها حد يطمنها ويقولها ان اللي جاي هايبقى احسن

مريم كل ما عنيها تيجي في عين قدر تشوف كم المعاناه اللي فيها بتدعي بحرقه ربنا يهدي بالك ويطمن قلبك يارب ويجبر بخاطرك يا قدر يابنت مريم قادر يا كريم 

مريم قربت من قدر وضمتها لحضنها عيطي يا قدر عيطي وطلعي اللي جواكي لهو عيب ولا هو غلط

قدر بثبات اعيط اعيط ليه وعشان ايه ومين يستحق

مريم عشان نفسك عشان ترتاحي

قدر صدقيني يا امي االي زي بيجاد خسارتي ليه مكسب ليا لانه دخل حياتي بطريقه غلط وانا عالم ربنا وشاهد عليا اني رعيت ربنا واتقيته فيه وفي حاله وماله وعرضه وشغله وحياته كلها وهو للاسف مرعاش ربنا فيا لانه كل اللي كام بيدور وبيسعى ليه هو المال والجاه والشغل مدورش على البني ادمين اللي بيعيشو معاه 

مريم بحزن هاقول ايه يا بنتي ربنا يصلح الحال بنتي انا عارفه ان دماغك جزمه لا هاتسمعي راي حد ولا ولا كلام حد طالما انت مقرره 

بيجاد سخر كل وقته وجهده في الشغل وأصبح شبه مقيم في الشركه بيحاول ينقذ ما يمكن انقاذه

يزن بجمود خير جبتني على ملا وشي 

بيجاد بص بقى انا الايام اللي فاتت درست السوق ككل ولقيت الحل بما ان قدر بتضرب الأسعار انا كمان هارد الضربه كده ولا كده داه مش وقت سيزون انا شوفت المعروض وشوفت البضاعه اللي موجوده في المخازن

يزن تمام وبعدين

بيجاد بإصرار انا رتبت حمله دعايه كبيره وباقي نبداء التسويق لاني هاعمل حملت خصومات كبيره وseal في كل الفروع واركز الشغل اكتر في فرع دبي والفروع اللي بره مصر لان دي قدر مقدرتش توصلها 

يزن بس كده مش هتيبقى خساره ليك

بيجاد تؤ خالص اولا فرق السعر اللي بنشتري بيه وبين اللي هانبيع بيه كويس يعني البضاعه هاتلم حقها وزياده يعني تقدر تقول هاتغطي مصاريفها اما المكسب هايعتمد على الفروع اللي بره مصر مع اختلاف العمله يبقى ضربت اكتر من عصفور بحجر واحد

يزن تمام طيب انتا حليتها عايز مني ايه دلوقتي

بيجاد عايزك تشرف على كل حاجه الأهم دلوقتي الاقي نتائج على وجه السرعه 

يزن هز راسه وسكت

بعد ساعات طويله في المناقشات والشغل وسط فريق الماركتنج وكل واحد بيعرض أفكاره اللي ممكن يضيفها لافكار بيجاد اللي طرحها على الكل 

اخيرا خلص ورجع البيت وهو شارد الخدم حطوا الاكل وبيجاد بيقاوح مع نفسه بداء ياكل ويتجاهل الحرب اللي دايره جواه

خد معلقتين وعينه جات على طبق المخلل ابتسم وافتكر قدر وهي بتحط طبق المخلل 

قدر بإبتسامه يا ابني الطرشي داه حلويات السفره الاكل من عيره ميحلاش ولا اللقمه تتبلع الا بيه السفره من غيره تبقى ناقصه محسش الا وهو بيمد ايه وبياخد حته أكلها وهو مبتسم هز راسه وكأنه وعي على تصرفاته ساب السفره وقام دخل المكتب وقفل الباب عليه وبداء يشغل نفسه تاني في دوامه الشغل قطع تركيزه دخول الشغاله بالقهوه وهي بتحطها قدامه

شرد في قدر وهي بتحط القهوه قدامه

قدر بتريقه اول مره اشوف حك بيشرب قهوه نص الليل الناس يا ابني تشرب لبن 

بيجاد بسخريه لبن اظن اني اتفطمت من زمان 

قدر بضحكه عاليه من نحيه انك اتفطمت فداه صحيح انتا اتفطمت من قرن 

بيجاد بصدمه قرن قرن يا شبر واقطع ليه عندي 500 سنه اشحال مكنتش لسه في التلاتين من عمري

قدر وهي بتشوح بإيديها ياعم بلا تلاتين بلا أربعين زوقني كده القهوه اللي انتا عاملها عموله مخصوص عشانك دي 

قبل ما يستوعب كانت قدر خدت الفنجان وشربت بوق كشت وشها بمنظر مضحك اخيييييي دي عموله دي يا ستار يارب مالها قهوه فكاكس

بيجاد وهو مبرق ايه

قدر فكاكس قهوه بس حاجه ليها طعم وتتشرب هي صحيح بتبقى عامله زي رواق الحلل اللي في قعر الحله بس تقضي الغرض

بيجاد حط الفنجان مكانه وهو بيهرش في راسه 

غمض عنيه وهز راسه كذا مره بيحاول يطرد ذكرياتها اللي أصبحت بتطارده طول الوقت 

بيجاد اطلعي من دماغي كفايه بقى كفايه 

فشل انه يركز في الشغل تاني قرر انه ينام ويريح جسمه طلع اوضته وهو بيتلفت على قدر في كل مكان ملقاش غير سكات خلع الشوز واترمى على السرير اتلفت جمبه وكأنه شايف قدر

قدر بغيظ تاني تاني يا بيجاد انا نفسي اعرف ايه التاريخ اللي بينك وبين انك تشوف المكان متروق 

بيجاد في ايه بس يا قدر

قدر فيه اني تعبت اني ادور الم الهدوم والجزم من وراك هو الجزمه قصرت في حاجه دانتا عندك اوضه لبس تفتح محلين متحط حاجتك فيها قوم قوم يا بيجاد محدش بينام بالبدله

بيجاد محسش وهو بيقوم اخد الشوز وحطه مكانه وسحب تريننج وقف قدام الدريسنج 

قدر وهي بتشاور على هدومه وهدومها شايف يا ابني الألوان المبهرجه ايشي احمر واخضر وفسدقي مش اسود وفي اسود هو يا اخويا المرحوم كان غالي عليك للدرجادي 

بيجاد ابتسم على الذكري اللي مرت في خياله اتفلت حواليه لما اتأكد انه لوحده سحب تريننج وطلع بيحاول ينام ولكن فشل انه يغمض عنيه وكأنه في تار بينه وبين النوم 

فضل يتقلب على جمر والذكريات بتهاجمه بشراسه وكأنها أعلنت عليه الحرب 

محسش الا والنهار بيفرد ضوئه في كل مكان قام غير هدومه وراح الشركه دخل الشركه ووقف قدام السكيورتي  كانوا قاعدين بياكلوا طعميه بصلهم وهز راسه و طلع مكتبه غمض عينه وافتكر قدر

 فلاش باك.

قدر بقولك ايه يا  بيجاد بلاش بقى الجبنه الرومي اكل الفئران والفرافير داه

بيجاد فيران انا باكل اكل فران

قدر بصراحه اه اكدب عليك ولا اغشك يعني مهي الفيران عايشه على الجبنه والانشون وانا معدتي اتهرت منهم الصراحه ونفسي هفاني على اكله حرشه 

لينا بحماس ياريت يا قدر ايدي على كتفك هاتودينا فين 

قدر لا فين دي خليها مفاجأه 

ركبوا العربيه وقدر أصرت تسوق وصلوا عند عربيه فول في الحسين 

بيجاد بص للمكان بصدمه ايه داه 

قدر بفخر دي عربيه فول وطعميه اكل الشعب المصري 

بيجاد فول وطعميه يا قدر

قدر طبعا يا ابني داه الكباب الشعبي 

بيجاد بصلها وبص للينا اللي الفرحه ماليه عنيها استسلم قدام قرارهم

نهايه الفلاش باك

ابتسم بيجاد اتمحت الابتسامه لما افتكر خيانتها ليه هز راسه ورجع لصرامته تاني مر اليوم وهو بيهلك نفيه في الشغل علشان يفصل دماغه عن اي حاجه تفكره بيها

يزن خلال انا تعبت انتا كمان محتاج تريح منظر عنيك بيقول انك منمتش

بيجاد متشغلش بالك بيا لو تعبت روح

يزن برفض مش هامشي الا ورجلي على رجلك يلا بقى 

روح ومصيره زي كل يوم بيتقلب على نار الشوق والذكريات لحد ما رحمه سلطان النوم وسحبه تحت جناحه  قام من نومه متأخر لبس بسرعه ونزل علشان يلحق الشغل وقف قدام الشغالين اللي كانو بينضفوا الفيلا

لمح طيف قدر

فلاش بالك

بيجاد وهو راجع من الشغل فتح باب الجناح واتصدم من منظر الاوضه بيجاد بتعملي ايه ايه اللي قلب الاوضه كده

قدر بفخر انا بنضفها 

بيجاد والشغالين قصروا في حاجه

قدر اخيييي والني اسكت متفكرنيش دول مش ينظفوا دول بيلحوسو 

انما النضافه متبقاش نضافه الا لما تجيب من تحت وفوق شايف الشرشوبه مطلع روهريط من الأرض ازاي

بيجاد بصدمه رو ايه 

قدر روهريط حاجه كده زي الطين بس أشد شويه

بيجاد ابتسم

نهايه الفلاش باك 

بيجاد بتعلمو ايه

الشغاله بإحترام معلش يا فندم بنضف المكان 

افتكر قدر وكأنها أصبحت شبح بيهاجمه طول الوقت

قدر بحده خليك عندك اوعي تتحرك

بيجاد ليه في ايه

قدر لسه ماسحه 

بيجاد ماسحه ليه هما الشغالين ممسحوش الاوضه ولا ايه

قدر تاني يا بيجاد يا حبيبي انا سبق وقولتلك دول مبينضفوش دي البت دخل عملت كدهو كدهو بحتت بتاعه في ايدها لا نفضت سجاد ولا كنست ارض داه باين عليهم ليلتهم معايا غبره 

هز راسه بضحك للذكريات اللي فقدها ومشي من قدامها  راح على شغله وهو الابتسامه لسه مرسومه على وشه راح الميتنج وقاعد مبتسم 

يزن بصبه بإستغراب مالك قاعد مبتسم ليه كده

بيجاد ها بتقول حاجه

يزن انا قولت حاجات بس شكلك كنت سرحان 

بيجاد بتهرب بص في ساعاته طيب يلا يادوب نلحق الميتنج اللي ورانا متنساش انهم عملا تقال

يون يلا 

وصول مكان الميتنج

بيجاد بيتلفت غريبه اوووي

يزن ايه اللي غريب مش فاهم

بيجاد المكان ليه اختاروا مكان مفتوح المكان عامل زي الجنينه العامه

يزن يمكن لأنهم بيفضلو الطبيعه على العموم ملناش دعوه خلينا في اللي جايين علشانه

بيجاد عندك حق 

بداء يتلفت حواليه ورجع ابتسم تاني بشرود

يزن لا بقى والله الضحكه دي وراها حاجه هو انتا اتصالحت انتا وقدر

بيجاد بنفي لاء انا اصلا لا روحت ولا اتكلمت لسه مع قدر

يزن طيب اومال ايه وايه سبب الضحكه الغريبه اللي على وشك دي من الوزن للودن 

بيجظا لا ولا حاجه افتكرت حاجه كده 

يزن اممم شكلها كده حاجه تخص قدر صح

بيجاد اشمعني 

يزن شكلك سرحانك المهم قولي افتكرت ايه بقى 

بيجاد ابدا شويه حاجات اتجمعت مع بعض 

يزن ايوه اللي هما ايه قول ضحكني معاك اهو الواحد ينسى هم الشغل شويه

بيجاد مفيش حاجه مستدعيه دي حركه مجنونه من حركات قدر 

يزن ايوه اللي هي ايه يعني اخلص بقى انا من السبح عمال التحايل عليك اخلص بقى 

بيجاد عملتلنا موقف حلو في شم النسيم 

يزن بفضول عملت ايه خلاك عينك بتلمع وتضحك في نفس الوقت

بيجاد المجنونه فرشت ملايه في الجنينه واصرت اننا نقعد فيها ولما طلعنا لقيتها جايبه فسيخ ورنجه وبصل اخضر وحاجات غريبه

يزن بإبتسامه فسيخ ورنجه في فيلا بيجاد الكيلاني عجبت لك يا زمن

بيجاد شوفت يا اخي سبحان الله 

يزن شكلك بتعيد حساباتك من تاني وشكل قدر قدر تستحون على قلبك وعقلك

بيجاد اتنهد نتكلم بعد الميتنج الناس وصولو

بيجاد حاول طول الساعتين يفصل عقله تماما 

يزن يا ساتر اخيرا خلصنا دش الميتنج الواحد عقله عامل زي الشواكيش من كتر الشغل 

يزن قولي بقى مالك

بيجاد صدقني مش عارف حاسس اني مشتت مش عارف احدد اذا كنت صح ولا غلط مش عارف احسم موقفي بس ذكرياتها دايما بتهاجمني زي وحش سعران بتنهش في عقلي ليل ونهار 

يزن صدقني يا بيجاد احنا اخوات وأصحاب قبل البيزنس وحقك عليا اني انصحك وافتح عينك الغلط حصل واللي كان كان ومادام اعترفت بغلطك هو داه الأهم انتا بيتك كان مليان دفا وحنان وكان حواليك كل حاجه حلوه وانتا بصيت للشكليات والكلام الفاضي بصيت لنص الكوبايه الفاضي مبصتش للنص المليان قدر كانت جميله في كل حاجه خلق و خُلقاً لو بصيت من وجهة نظر اي راجل هتلاقيها كامله مكمله اي راجل يتمناها ست بيت شاطره وفي الشغل ست بميه راجل اتربيت على قيمه وقدسيه الحياه الزوجيه والاسريه 

بيجاد عارف بس اللي وجعني ان مكان ما كنت مأمن اتخانت مكنتش متخيل ان الطعنه لما تيجني تجيني منها هي 

يزن انتا اللي طعنت الأول وهي كانت كانت الا رد فعل فمتلومش رده الفعل على الفعل لو حد هيتلام يبقى انتا اللي المفروض يلوم نفسه لاني من البدايه قولتلك ان وارد واكيد داه هايحصل مهما داريت او خبيت المستور مسيره يتكشف وجرح الست وجعه قد الراجل ميت مره لان الست اللي بيحكمها مشاعرها انما الراجل اللي بيحكمه عقله 

بيجاد بحيره طيب انتا شايف ايه الحل ايه لاني حرفيا بقيت بين نارين ومش عارف اخد قرار

يزن انا شايف انك تحاول تنقذ ما يمكن انقاذه دلوقتي انتا اعترفت انك غلطت وداه في حد ذاته مؤشر كويس المهم انك تخطط ازاي تصلح اللي جاي

بيجاد المشكله ان قدر دماغها جزمه

يزن عارف داه كويس المهم دلوقتي تحاول تشوف كله نقط ضعفها وحاول تدخلها منها الست بطبيعتها عاطفيه شويه حاول تلين دماغها زي ما زي ما لينتها اول مره حاول تاني وتالت ورابع مش غلط المحاوله والإصرار انا اللي هعرفك دانتا فب البيزنس حوت فخليك في حياتك كمان حوت انتا بتخبط دلوقتي عشان مصيرك وحياتك وبيتك وابنك اللي جاي في الطريق 

بيجاد طب ولينا

يزن صدقني لازم ترجع لينا لان هي الوحيده اللي هتساعدك ان انت ترجع قدر 

بيجاد تفتكر

يزن جدا جرب مش هاتخسر واهي محاوله يا صابت يا خابت وجراب الحاوي مليان ولا انتا ايه رائيك

بيجاد  هز راسه بتفكير هاشوف واقولك لازم احسبها صح علشان مخسرش لازم ابقى عامل حسابي على كل الاحتمالات

يزن بفرحه ايوه بقى هو داه الكلام والله وهاترجع ايام الشقاوه من تاني يا بيجو

بيجاد خبطه على كتفه يا اخي بقيت بكره اسمي بسبب دلعك 

يزن بصوت مايع كده بردوا يا بيجو يا خاين

بيجاد ضحك من قلبه قضوا لحظات صادقه بعيد عن كل الزيف 

روح بيجاد وهو بيفكر في كل طريقه وأي طريقه توصله لقدر وتقدر تلم شمل عيلته 

مسك الموبايل وحجز تذكره لتركيا وقام بسرعه جهزه شنطته

وتاني يوم كان في الطياره بيعد الوقت ثانيه بتجر ثانيه لحد ما تتم دقيقه ودقيقه ورا دقيقه لحد ما بقوا ساعه فضل طول الرحله على نفس الحال لحد ما اخيرا وصل مطار 

صبيحه كوكجن في اسطنبول 

خد تاكسي بسرعه وقاله العنوان 

اول ما وصل الفيلا شاف لينا قاعده في الجنينه سرحانه وكأنها منفصله عن الواقع

قرب منها وضمها وحشتيني اوووي 

لينا بخضه برقت بيجاد وهزت راسها كأنها بتسوعب اللي عنيها شيفاه صح ولا غلط

بيجاد بإبتسامه هز راسه اه بيجاد بشحمه ولحمه كمان

لينا حاولت تتصنع البرود خير جاي ليه اظن سيبتلك مصر بكل ما فيها جاي ورايا هنا ليه بيجاد 

بيجاد علشان وحشتيني وعلشان مينفعش تغيبي عن عيني وعلشان عايز الم شمل عيلتي ينفع كل الأسباب دي

لينا بحيره نفسي اصدقك بس خايف تطلع خطه جديده منك للاسف انتا عملت شرخ كبير في علاقتنا وهديت كل طرق الثقه قولي ازاي اصدق

بيجاد تبصي في عيني وانتي تعرفي اذا كنت صادق ولا لاء

لينا سبق وبصيت فيها وقدرت تضحك عليا 

بيجاد بحزن بس المرادي غير بجد 

لينا بتنهيده عايز ايه يا بيجاد

بيجاد عايز الم شمل عيلتي تاني عايز ابني يتولد في بيتي ويتربي في حضني وتحت عيني 

لينا مش فاهمه دخلي انا ايه

بيجاد انتي أكتر واحده عارفه قدر وليكي تأثير عليها ساعديني ارجوكي اني ارجعها ليا

لينا تاني تاني يا بيجاد

بيجاد لالا خالص انا فعلا عايزها عشان بحبها يا لينا والله مش علشان اي حاجه تاني

لينا واللي فات منتا برضوا قولت كده

بيجاد خد نفس هو كان مجهز نفسه ومستعد وعارف ان لينا هاتفتح كل الدفاتر القديمه من تاني بصي يا لينا مش هانكر اني فعلا في الاول اتجوزت قدر علشان اضمن الشغل وخفت من المنافسين يوصلو ليها كنت عايز أفضل محافظ على مكانه شغلي مكنتش عايز اي حد يوصلها ولو حد وصلها ابقى مالك أمورها في ايدي بس لما عاشرتها منكرش انها عجبتني حبيتها غصب عني عفويتها صدقها برائتها اللي برغم بهدلة الدنيا فيها فضلت محافظه عليها يمكن معرفتش اعبر عن مشاعري لان بطبيعتي دايما بتعامل بعقلي مش بقلبي وكنت بعبر بالأفعال مش بالكلام

لينا حست بالصدق في كلامه لكن تمالكت نفسها ولما عرفت انها حامل مفرحتش كنت مصدوم وحتى مقولتش كلمه ونسيت يا بيجاد ان الست بتحب بودنها وعنيها الكلام أبلغ والكلمه الطيبه صدقه

بيجاد فعلا يمكن لانه مكانش في حسباني كنت مشتت خايف ما بين الشغل وبهدلتها والحمل وتعبه 

لينا بإستسلام طيب عايز مني ايه دلوقتي

بيجاد عايزك تساعديني ينفع عايز حياتي ترجع كامله زي ما كانت عايز حبيبتي ترجع لحضني من تاني عايز الم حياتي اللي اتفككت واتبعترت في كل مكان من تاني 

لينا خايفه صدقني خايفه اساعدك تطلع خطه تاني وانا اللي هابقى وش المدفع

بيجظا اقسم بالله ورحمه ابويا وامي ما خطه اعمل ايه عشان تصدقيني انا ندمت وجاي معترف بغلطي البيت وحش اوووي من غيركم كل ركن زكرياتكم فيه عايشه معايا لما قربت اتجنن من الوحده والفضا دايما بشوفكم وبفتكر كل موقف حتى يوم الفسيخ فاكره اليوم داه 

لينا اه ويوم الفوم الطعمية

بيجظا بضحكه عاليه يااااه كان حته يوم ميتنسيش 

لينا اه طبعا قولونك قام عليك وكنت هاتموت

بيجاد اه منكم لله سفيت شريط برشام عشان يهدي بطني 

لينا اه فاكر يوم الشاي المغلي

بيجاد يا ساتر يارب داه كان حزن مغلي كانت هتولع في الجنينه الله يخربيت كده الغبيه عشان تولع فحم ولعت على الارض لاء وكله كوم والدره المشوي كوم تاني بنت المجانين نزلتنا الساعه 12 بالليل عشان تتمشي على الكورنيش 

لينا بصراحه كانت عفويه اوووي

بيجاد اووي يا لينا فهمت وعرفت داه دلوقتي اتمني يكون لسه فيه فرصه وميكونش فات الأوان

لينا ان شاء الله يكون لسه فيه وقت مادام ندمت واعترفت ان الله غفور رحيم 

بيجاد افهم من كلامك انك موافقه 

ليتل بحيره سيبني افكر 

بيجاد خدي وقتك بس متطوليش الله يخليكي 

لينا هزت راسها

بيجاد وهو بيقف 

لينا رايح فين

بيجاد هادخل انام بقالي كام يوم النوم مخاصمني مصدقت انك صفيتي محتاج ارتاح عقبال المجنونه التانيه

لينا ماشي ادخل ولما تصحي يحلها الحلال 

دخل ولينا قاعده تحسبها من كل اتجاه لحد ما حسمت قرارها ابتسمت بخبث ومسكت التليفون

لينا بحب ازيك يا قمر عامله ايه وحشتيني 

قدر الحمد لله تمام انتي اخبارك ايه

لينا انا كويسه مالك بتتكلمي ببرود ليه لسه واخده على خاطرك مني 

قدر لاء خالص والله لما قعدت وهديت راجعت نفسي وكل اللي حصل عرفت ان تصرفاتك كانت صادقه وعفويه مش تصرفات واحده بتخطط وتدبر وتنفذ انا بس موجوعه موجوعه من كل اللي حصلي كذا حاجه ورا بعض ملحقتش اخد نفسي 

لينا براحه الحمد لله انك فهميني وعلشان الاخوه والصدق اللي بينا عايزه اقولك على حاجه كده حصلت 

قدر خير في ايه

لينا بيجاد جه هنا تركيا وعندي دلوقتي 

قدر بهدوء طبيعي انه يجيلك لأنكم اخوات ومهما حصل بينكم ملكومش الا بعض واللي بينك مستحيل يتفرق 

لينا مش هانكر داه بس بيجاد جاي اساسا علشان عايز يرجعلك وعايزني اساعده 

قدر اظن اللي بيني وبينه اتكسر 

لينا بمقطاعه اللي اتكسر بيتصلح 

قدر بس بيسيب شروخ بتخلي شكلها بشع

لينا مع الزمن الشروخ بتخفي ولو ما راحتش بنحطلها ديكور يغير ويجمل شكلها احسن من الاول كمان ويهفي اي بشاعه كانت تحتها في يوم من الايام 

قدر مش فهماكي يا لينا بصراحه عايزه تقولي ايه او بالمعنى الاصح عايزه تعملي ايه

لينا احبك وانتي معايا على الخط بصي يا ستي خلينا نحط راسنا في راس بعض ونأدبه  نخليه يقول ان الله حق 

قدر عروستي مش فاهمه

لينا بصبر بصي انا هاقول لبيجاد اني موافقه بس ميخبيش عني حاجه تاني واعرف منه هو ناوي يعمل ايه واقولك وانتي تتصرفي مش انا اللي هاقولك تعملي ايه 

قدر بضحك لاول مره شريره يا لينا ثم تعالي هنا هو المفروض مين فينا اللي اخوكي

لينا هو اخويا وغلط وانتي صحبتي واختي ومرات اخويا وأم ابنه فخلينا نأدب اخويا لحد ما يعرف غلطه ويقر ويعترف بيه لان بيجاد عايش طول عمره بعقله وبيحسبها بالورقه والقلم حتى في مشاعره خلينا ننحي عقله شويه ياخد اجازه ويرتاح فيها ونطلع مشاعره تتحكم شويه واهو نتفرج على بيجاد وهو رومانسي 

قدر اشطا معاكي شوفي وانا معاكي دي شكلها ايام عنب

لينا طبعا يا بنتي اومااال

قفلو وكل واحده بتخطط مع نفسها 

بيجاد صحي من النوم وراح للينا بلهفه ها

لينا ماشي موافقه بس هاتعمل اللي هاقولك عليه قولت ايه

بيجاد ماشي موافق لجل الورد ينسقي العليق

لينا ماشي بص بقى اول هام اتنحنح

بيجاد بصدمه اتنحنح 

لينا ايوه يعني اتلحلح طلع شويه رومانسيه للبت تخليها تلين

بيجاد اتلحلح داه شكل قدر سرها باتع ماعلينا اعمل ايه يعني

لينا بص هات خط جديد وابعتلها رسايل حب. رغام واشهار البنات بتحب الحاجات دي اوووي 

بيجاد هعاكس مراتي يا لينا 

لينا احنا قولنا ايه هااا

بيجاد بغيظ ماشي لما نشوف بس لما نرجع مصر مينفعش نقعد هنا ولا ايه

لينا ماشي اتصل احجز

تاني يوم كانوا في مصر 

وفعلا نزل بيجاد واشتري خط جديد وبداء يبعت رسايل لقدر 

قدر بصت على الرسايل بضحك 

فضل طول اليوم شغله الشاغل انه يبعت رسايل

بيجاد بعتنا ومردتش

لينا بإصطناع التفكير امممم طيب بقولك ايه نزل برنامج تغيير الأصوات وكلمها

بيجاد طيب ما اكلمها مني لنفسي الله

لينا يا ابني افهم مهي عارفه صوتك احنا هانشتغلها شويه 

بيجاد بصلها بحيره وتحت زن لينا وافق

من غير ما بيجاد ياخد باله بعتت رساله لقدر بالي هايحصل 

بيجاد عدل الصوت واتصل على قدر 

بيجاد الو

قدر ايوه

بيجاد نتعرف على القمر

قدر وهي بتكتم ضحكتها القمر دي تبقى امك يا روح امك هي ناقصه تلقيح جتت غور ياض كتك غوره ناقصه قرف رجاله فاضيه الهي يجيكم فره زي فره الفراخ تلمكم في شوال وتخلص البشريه منك 

وقفلت السكه وانفجرت في الضحك

بيجاد بص للتليفون اللي في ايده بصدمه

لينا ها طمني

بيجاد يخربيتك على بيت شورتكدانا لسه بقولها نتعرف شمتنتي ومسحت بكرامتي البلاط وقفلت السكه في وشي

لينا بضحك مش معقوله قدر بجد 

بيجاد انتي بتضحكي تصدقي انا غلطان اني سمعت كلامك

لينا مش قصدي بجد بس قدر محدش يتخيلها طيب هاتعمل ايه

بيجاد احسن وسيله للدفاع هي الهجوم

لبنا ناوي على ايه 

بيجاد بصلها بغموض وسكت

يتبع 

الرواية كامله من ( هنا )