رواية انتقام القدر الفصل الثالث عشر13 بقلم ولاء حامد (الرواية كاملة)

رواية انتقام القدر الفصل الثالث عشر13 بقلم ولاء حامد

 

رواية انتقام القدر الفصل الثالث عشر13

الحلقه الثالثه عشر

قدر راحت المحل عند عم حسين تتابع الشغل

وهي واقفه حست بدوخه سندت على الكرسي 

عم حسين مالك يا بنتي

قدر مفيش شكلي بس علشان مطحونه في الشغل دوخت شويه

عم حسين قعدها على الكرسي طيب اقعدي وريحي رجليكي ان لبدنك عليك حق يا بنتي

قدر بتنهيده عن الوجع اللي جواها اعمل ايه بس يا عم حسين مهو على يدك

عم حسين مد ايده بساندوتش طيب بسم الله فول بالزيت الحار من عمك صبحي ولا كبرتي عليه 

قدر ابتسمت رغم همها محدش بيكبر على أصله يا راجل يا طيب قربت وحست بقرفه سدت بوقها وميلت على الباسكت رجعت لحد ما حست ان أنفاسها بتروح سندت ضهرها على الحيط وهي بتحاول تاخد نفسها

عم حسين بخوف مالك بس

قدر بشرود شكلي تعبانه ومحتاجه ارتاح بص انا هاروح وبكره نكمل ماشي

عم حسين طيب ما بلاش تسوقي وانتي تعبانه

قدر سيبها على الله طلعت وركبت العربية وهي الشك ماليها معقول لالا انا اكيد مش حامل مش وقته مش وقته خالص انا مش هاسمح اني اخلف منه عيال احنا الحياه بينا بتنتهي مش هاربطها بعيل يمرمطني مش هاعيد حكايه مريم تاني ولو على رقبتي

رجعت وهي شارده 

مرن الأيام والحياه متوتره بينها وبين بيجاد والمشاكل بتزيد يوم عن يوم بسبب ظهور الشركه اللي كلت السوق واصبحت مبيعات شركات بيجاد كل يوم والتاني في النازل عن اللي قبلها 

بيجاد وهو داخل شايط 

لينا مالك يا بيجاد

بيجاد بعصبيه مالي بيضيع والهانم ولا على بالها

قدر ببرود وانا بإيدي ايه اعمله ومعملتوش ولا انتا بتدور على حد تعلق عليه مشاكلك بس للاسف انا مش هاقبل اني اكون شماعه لمشاكل غيري مادام انا شايفه شغلي على أكمل وجه

بيجاد لو شايفه شغلك تقدر تعرفيني الشركه دي جابت البضاعه منين

قدر  سبق وقولتلك ان  البضاعه مش حكر علينا مهي موجوده في كل مكان ومرطرطه

قبل ما بيجاد ينطق قدر اغمى عليها 

بيجاد بخوف قدر

لينا قربت بسرعه قدر قدر حبيبتي مالك فيكي ايه قدر ردي عليا وبصت لبيجاد شيلها بسرعه على ما اطلب دكتوره

شالها بيجاد وطلع بيها الجناح بتاعهم حاول يفوقها ومعرفش دقايق وكانت وصلت الدكتوره ولينا سحبتها من ايدها على اوضه قدر 

طلعت لينا وهي مبتسمه وفرحانه مبروك يا بيجاد هابقى عمتوو هايبقى عندنا بيبي في العيله واقعد العب بيه 

بيجاد بصلها بصدمه وهو مش مستوعب الخبر لانه مكانش حاطه في الحسبان دلوقتي خالص :ايه

لينا بإستغراب مالك يا بيجاد شكلك مش فرحان 

بيجاد لا خالص بس الموضوع كله اني عندي مشاكل كتير في شغلي

لينا مش فاهمه ايه علاقه مشاكل شغلك بالحمل دي حاجه ودي حاجه ولا انتا مكنتش عايز تخلف من قدر يا بيجاد 

بيجاد ليه بتقولي كده

لينا مش عارفه بس حاسه ان الحياه بينكم الفتره الاخيره مبقتش تمام قدر اللي قدامي مش هي قدر اللي انا عرفتها الأول كانت طول الوقت معايا تقعد ترغي ونتكلم ونناقر في بعض اما دلوقتي واغلب الوقت قافله عليها اوضتها  ولو طلعت طول الوقت قاعده ساكته عامله زي الإنسان الآلى تروح تجيب البضاعه للشركه وترجع تقفل عليها تاني باب اوضتها 

بيجاد بتهرب مش عارف بش شكل هرمونات الحمل كانت شغاله عندها بدري اووي واحنا مش واخدين بالنا متشغليش بالك انتي

لينا بصتله بعدم اقتناع مش عارفه بس احساسي بيقولي ان فيه حاجه بينكم مخبيينها عليا 

بيجاد بصلها وسكت

لينا انسحبت ودخلت اوضه قدر بإبتسامه الجميل ماله سرحان في ايه في حد يسمع الخبر الخلو داه ويبقى قاعد شارد كده

قدر لاء انا بس متفاجاه 

لينا قعدت جمبها على السرير بحب مالك يا قدر هو انا عملت حاجه زعلتك مني 

قدر بنفي لا ليه بتقولي كده

لينا مش عارفه يمكن علشان انتي بقالك فتره واخده جمب مني 

قدر بتهرب لا والله انا بس مرهقه من الشغل وشكلي مش متظبطه

لينا بصراحه اه انا كنت بقراء وبسمع كتير ان هرمونات الحمل بتعمل كده 

قدر هزه راسها وهي شارده في الفراغ

مريم قاعده بتبص لصوره غزل اللي معلقه على الحيطه وبتعيط

فتون جت من وراها يا ماما لما انتي قلبك واجعك عليها ودمعتك منشفتش من يوم ما مشيت سيبتيها ليه متخيلها ترجع تاني وسطنا

مريم وهي بتمسح دموعها لا مترحعش اللي زي اختك دي عامله زي الشيطان ماشيه بتسعى للخراب صدقيني يا بنتي هي راحت للي شبها وهي نفس عينت ابوها علشان كده هايقدروا يتكيفوا مع بعض وهاتجني تمن طمعها داه دين يا بنتي والدين لازم يتسد

فتون بصتلها وهي مش عارفه تعمل ايه الحياه قلبت عليهم كلهم مره واحده 

غزل عاشت ايام مدلله وفاكره ان الحياه فتحت درعاتها ليها ابوها كان معيشها في حلم كل طلباتها مجابه وبتخرج براحتها وبترجع براحتها محدش بيسالها رايحه فين ولا راجعه امته

ومرت الأيام وكان اليوم الصدمه لغزل لما رجعت بدري

منعم قاعد وسط شله أصحابه في الشقه وحواليهم ازايز خمرا ورجاله كتير قاعدين بيلعبوا قمار 

غزل بابا بتعمل ايه 

منعم بسلي روحي

غزل ايه انتا بتلعب قمار وبتقولي بتتسلى جايب رجاله سكرانه وبتقولي بتتسلى طيب خاف عليا اني عايشه معاك

منعم يووووه عليكي بت نكد طالعه لأمك فقريه وبوذ نكد غوري من وشي طيرتي الكاسين اللي الواحد شاربهم غوري كتك الهم

غزل انا مستحيل اعيش معاك تاني انا هامشي

منعم هأو هاتروحي فين ما خلاص بح مش هايقبلوكي يعني مبقاش ليكي متوى غير هنا وانتي الشهاده لله دماغك طلعالي بس في النكد والزن طالعه لأمك فبحبحيها كده علشان الدنيا تفتحلك درعاتها 

غزل زقته ودخلت اوضتها 

ومرت الأيام وغزل بقت خايفه تطلع 

منعم جه وخبط على باب اوضتها 

غزل بخوف مين

منعم انا بابا يا غزاله بابا

فتحت الباب خير 

منعم كل خير يا وش الخير 

غزل قصدك ايه 

منعم المعلم صبحي صاحبي شافك ودخلتي مزاجه وعايزك 

غزل عايزني ازاي

منعم عايزك هي ليها معني تاني

غزل بصدمه عايزني امشي في الحرام

منعم هو انتي ليه محسساني انك كنتي مقطعه السجاده من الصلاه دانتي روحتي عرضتي روحك على صاحب جوز اختك ببلاش اقلو داه هايدفع فيكي 

غزل علشان بحبه

منعم هأو او او الكلمتين الحمضانين دول تروحي تقوليهم لأمك يبلو ويشربوا معاها مهي مرا هبله وبرياله وبتصدق تروحي تضحكي بيهم على اختك  جايز تصدقهم انما انا وانتي يابت شبه بعض يعني حله وغطاها يعني متعشيش الدور عليا 

غزل يعني ايه قصدك ايه

منعم قصدي ان هنا تبحبحي وتفتحي مخك عشان تاكلي الشهد 

غزل برفض لا لا انا مش هابقى كده ولا هاسمحلك تخليني كده

في اللحظه دي احساس الندم سيطر عليها وحست اخيرا بقيمه النعمه اللي كانت عايشه فيها وحنان مريم اللي كان محاوطها زقت ابوها انا مش هاعيش معاك ولو فيها موتي اكرملي اعيش في الشارع ولا أعيش مع واحد قواد زيك

طلعت تجري على الباب 

منعم لا مبدهاش بقى مادام مش جايه بالزوق سحبها من شعرها وضربها وحسبها في اوضتها اتفو عليكي بت فقر خليكي مرميه كده زي الكلبه لما تعرفي ان الله حق 

مرت الايام وغزل شايفه الوان العذاب كل ما تسمع صوت صحاب ابوها تتحمل على وجع جسمها وتزق كل اللي في الاوضه ورا الباب علشان محدش يقدر يفتحه

غزل بندم يارب انا عارفه اني كلي ذنوب خليك معايا يارب استرني يارب يارب بكت بحرقه وندم صادق  ياريتني ياريتني سمعت كلامك يا قدر انتي كنتي صح ياريتني كنت سمعت كلامك يا امي ياريت يارب انا عارفه اني غلطت والشيطان غواني بس دفعت التمن يارب معترفه بغلطي يارب متخلنيش امشي في الطريق داه زي زي اي بنت ليل يارب انا عارفه اني عملت زنب لما اغريت يزن بس كنت طمعانه اعيش عيشه كويسه والله يارب عايزه فرصه فرصه وانا هاتشعبط فيها مش هاضيعها من ايدي انا فعلا كنت محتاجه القلم داه علشان افوق بس قلم صعب اوووي عرفني قيمه الدنيا وقيمه الحياه اللي كنت كرهاها 

 فضلت تبكي وتدعي ربنا بحرقه وندم

تاني يوم منعم فضل يخبط على الباب غزل خافت ومنعم فضل يزق الباب لحد ما قدر يحرك العفش اللي وراه دخل بناره وشراره سحبها من شعرها فاكره يابت ان شويه الكراكيب دول هاينجدوك من ايدي كان غيرك اشطر اعملي حسابك يابت ان فؤاد باشا جاي الليله وهياخدك وعشان متستشيخيش عليا هايكتب عليكي عرفي كام شهر ويبقى يطلقك 

غزل انتا اكيد مجنون عايز ترميني لراجل اكبر منك وعرفي 

منعم وماله الراجل ميعيبوش الا جيبه والراجل هايدفع فيكي كتير اوووي كمان 

غزل دانا بنتك 

منعم وماله ميضرش وهو انا كنت ربيتك علشان ابكي عليكي إذا كان اللي ربتك انتي بذات نفسك مبكتيش عليها ورميتيها انا هاسعرك اللي ييجي منك احسن منك 

غزل بجنون مش هايحصل ولو فيها موتي ابقى جوزني ليه جثه وفضلت تصرخ بجنون الحقوني الحقوني يا نااااااس غيتوني 

منعم وهو بيحاول يسد بوقها امتي يا بت هاتفضحينا

غزل عماله تعافر تحت ايديه وزقها علشان يدخلها اوضتها وقعت على الارض وحواليها بركة دم 

منعم بصلها بصدمه وهو خايف قرب منها ورفع ايديها اللي اترمت على الارض افتكرها ماتت همس لنفسه برعب يا سنه سوده دي ماتت اعمل ايه واروح فين اتلفت حواليه ونزل جري ومن خوفه ولهفته انه يهرب نسي يقفل باب الشقه

الجيران كانوا اتجمعوا على الصوت وشافوه وهو نازل بيجري دخلو وشافو منظر غزل البواب بلغ البوليس بسرعه واتنقلت غزل المستشفى بين الموت والحياه 

ومن تليفون غزل بلغوا أهلها ومريم بلغت قدر والكل طلع يجري على المستشفي 

مريم بحرقه بنتي طمني يا ابني الله يطمن قلبك

الدكتور والله الحاله ماتطمنش هي  عندها كسر في الجمجمة ونزيف داخلي في المخ احنا عملنا اللي علينا والباقي على الله أن شاء الله لما تفوق هانشوف مدي تأثير النزيف ايه الظبط 

مريم يارب خليك معانا يارب 

مر يومين والكل مترقب صحيان غزل 

وقدر ملازمه المستشفى 

مريم يا بنتي روحي ريحي جسمك شويه انتي حامل واللي عملاه في روحك داه غلط انتي لازملك الراحه علشان اللي في بطنك

قدر ريحي نفسك مش هامشي الا لما اشوفها قدام عيني واكلمها واطمن انها بقت كويسه 

مريم سكتت من التعب والمناهده قصاد قدر

تالت يوم فاقت غزل 

قدر ايه الاخبار يا دكتور هي بقت كويسه صح

الدكتور هي فاقت بس للأسف الوقعه عملت تجمع دموي على العصب البصري

قدر يعني ايه مش هاتشوف تاني

الدكتور لا طبعا الطب اتطور هي بس هتحتاج فتره علاج طويله شويه قبل ما نقرر نعمل العمليه علشان نضمن انه مياثرش على مراكز الأبصار 

قدر هزت راسها ينفع نشوفها

الدكتور اه الزياره مسموحه بس ياريت متجهدوهاش في الكلام 

دخلت قدر وهي بتجر رجليها وقعد قدامها ومسكت ايديها عامله ايه

غزل الحمد لله عمري ما كنت بخير زي دلوقتي

قدر بدموع هاتخفي وهاتبقى كويسه وهاجيبلك العربيه اللي كان نفسك فيها يابت والله العظيم هاجيبهالك بس شدي حيلك وخفي بسرعه متعودتش عليكي راقده كده

غزل بتعب الحمد لله يا قدر يمكن ربنا عمل كده علشان يخفف ذنبي انا عارفه اني غطلت معترفه ان غلطي كبير اووووي ولأول مره من سنين على عزل تمر بلحظات الصدق والسلام النفسي مع روحها صدقيني  انا عمري ما كرهتك انا كنت كارهه الفقر كان نفسي اعيش زيي زي اصحابي اكل واشرب واللبس واعيش حياتي زيهم كان نفسي لما يروحو محل متكسفش وامشي كان نفسي يبقى معايا زيهم واقدر اقعد وسطهم مش ابص من بعيد لبعيد وانا بطني بتقرص من الجوع كان نفسي محدش يبص ويتريق على جزمتي المقطوعة في المدرسه كان نفسي ماروحش الدرس والكليه على رجليا مشي كنت بسأل نفسي هى الناس دي احسن مننا في ايه علشان هما يعيشوا ويجيبوا كل اللي نفسهم فيه من غير تعب ولا مجهود واحنا يادوب نقف نتفرج عليهم ونتمني من سكات ونتحسر 

قدر برضى لان دي ارزاقهم وكل واحد وليه رزقه ولازم نرضى بالمقسوم والا هايبقى طمع

غزل ونعم بالله بس هما بيتعبوا ويشتغلوا وانتي كمان بتتعبي وتشتغلي هما بيروحوا وييجو وانتي كمان كنتي بتروحي وتيجي بس الفرق ان هما رزقهم كان بالملايين وانتي رزقك كان بالملاليم 

قدر ليه مبصتيش ان ربنا عطى لكل بني ادم اربعه وعشرين قيراط كاملين كل واحد واخدهم مش ناقصين قيراط متقسمين ما بين مال وعيال وراحه بال وصحه ليه مبصتيش او فكرتي مع نفسك ان اللي بتصرف فلوس بالهبل تكون صاحبه مرض او عندهم حد مريض يعني خد من قيراط الصحه قصاد المال احنا كلنا الحمد لله صحتنا زي الفل مقولتيش ليه انهم عايشين بين اب وام مقطعين بعض في المحاكم 

غزل طيب ما ابوكي وامك منفصلين 

قدر فعلا بس طول عمرك عايشه حياه كويسه مستوره عمر ما حد بهدلك ولا ضربك ولا دخلنا محاكم كل اللي كان في وسعي وجهدي انا وامك كنا بنعمله وزياده بس انتي اللي مكنتيش بتحمدي ربنا 

غزل بندم والله ابدا انا كان نفسي اعيش زيهم مكنتش بتمني اكتر من كده لا طمعت ولا كان قصدي امد ايدي جايز تعبيري خاني او اتصرفت من غير عقل او تفكير

قدر هووووش خلاص اللي حصل حصل وجايز يكون حصل واتحطيتي في الاختبار الصعب داه علشان تفوقي وتعرفي قيمه الدنيا وحياتك وتكمليها صح المهم تاخدي بالك من صحتك علشان تخفي وترجعي احسن من الاول واهو درس يعلمك لبعدين 

غزل بنحيب درس صعب اووي يا قدر ابوكي كان عايز يبيعني 

قدر وهي بتضمها لحضنها خلاااااص كل حاجه خلصت 

بيجاد اتنحنح يلا يا قدر انتي بقالك تلات ايام بايته في المستشفى وتعبانه وغلط عليكي

قدر بصت لغزل خفي بسرعه علشان يابت هاتبقى خالتو وانا لو خلفت بنت هاسميها غزل علشان بدل ما يبقى في حياتي بلوه يبقوا بلوتين 

غزل ابتسمت بوجع على خسارتها وهمست لنفسها معقوله انا كنت بالغباء داه ومحستش بكل الحب اللي قدامي داه كله 

بيجاد كررها تاني يلا بقى يا قدر انتي تعبانه ومحتاجه راحه شوفي شكلك بقى مرهق ازاي 

قدر معلش هاقعد مع ماما لحد ما اطمن على غزل مش هاينفع اسيبهم وأفضل كل يوم رايحه جايه البيت قريب من المستشفى 

بيجاد بإستسلام ماشي براحتك بس خدي بالك من نفسك اتفقنا

قدر من غير ما تبصله وهي باصه على غزل هزت راسها اتفقنا

خرج بيجاد من المستشفى  وساب قدر لوحدها مع اهلها في الوقت نفسه  اللي كان  مكلف شخص يجيبله معلومات عن صاحب الشركه المنافسه اللي ظهرت فاجاة بين يوم وليله 

ركب  عربيتة وراح على الشركه دخل المكتب وقلع جاكت البدلة باهمال ورفع كمام القميص وقعد علي المكتب بعصبيه وبعد وقت رن الموبايل 

بيجاد رد بسرعه ولهفه ها عملت اي قدرت تعرف حاجه عن صاحب الشركه ولا لا طمني

الشخص لا طبعا يا باشا قدرت اعرف كل حاجه  عنه وبعتلك كل المعلومات علي الوتس كمان

بيجاد اخد نفس طويل براحه هو ده الكلام لما تيجي عدي علي الحسابات ليك مكافأة كبيرة 

الشخص خيرك سابق يا باشاا مفيش داعي

بيجاد اسمع الكلام داه حقك يلا سلام 

قفل معاه  وفتح الفايل اللي وصل علي الوتس بسرعه  عيونو برقت بصدمه  مع كل كلمه بيقرئها ومخه مش مستوعب اي اللي بيحصل معا ده الكلام داه بجد ولا هزار

بيجاد بعصبيه وجنون يابنت الكلب  انا تعملي فيا كده ورحمه ابويا وامي ماهسيبك 

دخل يزن بخوف في اي يابني مالك حصل اي ليه متعصب كده صوتك جايب لاخر الشركه 

بيجاد بجنون الزبالة الواطيه اللي لمتها من الشوراع تعمل فيا انا كده انا اتوقعت الخيانه من الكل الا هي انا عملت كل حاجه علشان أمن نفسي 

يزن يابني اهدا عشان اعرف افهم منك حصل اي دلوقتي انا مش فاهم انت بتتكلم عن مين وايه اللي حصل واحده واحده واتكلم بصوت واطي

بيجاد الرمامه اللي اديتها اسمي اللي جبتها من الشارع ونظفتها وخليتها بقت هانم او ما تعض تعض الايد اللي اتمدتلها 

يزن باستغراب قصدك على مين قدر 

بيجاد بغضب جحيمي وهو في غيرها هي ست زفت الست هانم طلعت هي صاحبه الشركه المنافسه اللي عماله تضربني في شغلي وتوقعلي شركتي وعايزه تخسرني كل اللي تعبت وبنتيه في سنين عمري عرفت تلعبها صح وتضربني في مقتل انا كنت متوقعه الخيانه من الكل الا منها هي كنت فاكر ان انا لما اتجوزتها عشان بس اضمن ولائها بس اقسم بالله ما هسيبها ولعرفها مين هو بيجاد الكيلاني على حق

يزن  طيب اهدى وكل حاجه تتحل باذن الله لان بطريقتك دي كده الموضوع مش هيتحل وهايتعقد اكتر اهدا شويه علشان تتصرف بعمل بلاش عصبيه فاضيه 

بيجاد وهو بعد كل العك اللي حصل وبيحصل داه هايبقى لسه باقي فيا عقل وهايبقى ليها حل ازاي بس  هي كده خلاص خلصت لازم احط حد  ليها ولعميلها دي

زق يزن وخرج  يجري بجنون ويزن حاول يلحقه مقدرش بسبب سرعته

وفي الفيلا كانت قدر بتحضر هدوم ليها عبشان تغير وترجع المستشفى وتاخد كام غيار ليها  سمعت صوت بيجاد  بيصرخ بجنون امتي يا هانم انتي يا يت قدر

نزلت قدر مستغربه من اسلوبه وصوته العالي مالك كده يا بيجاد بتزعق كده ليه وداخل بزعبيب  امشير علينا ليه

بيجاد بعصبيه اهلا اهلا  بالست قدر ولا اقول البت قدر اللي لمتها من اللف علي  القهاوي وفي الشوارع ولا اقول احسن قدر هانم صاحبه الشركات والملايين

قدر اااااه انتا عرفت بقى علشان كده داخل عامل الهوليله دي كلها

بيجاد ليه هو انتي كنتي فكرة انك هتفضلي مستغفلاني كتير ولا اي شكلك نسيتي انتي متجوزه مين 

قدر  لا طبعا عارفه انك دلوقتي ولا بعدين كنت هتعرف مفيش حاجه تستخبي في السوق عموما وعليك خصوصا

بيجاد يخربيت بجاحتك يا شيخه  بعد كل اللي عملته عشانك  تعملي فيا كده اخرتي تبقا الخيانه جزائي منك

قدر الخيانه عمرها ما كانت من طبعي الخيانه من طبعك انت مش انا فمش هاسمحلك تتهمني بحاجه مش فيا خالص 

بيجاد انا برضو انا اللي جبتك من الشوارع نضفتك وعملتك هانم  ولبستك البرندات اللي عمرك ما كنتي تتخيلي انك تعدي من قدامها كان اخرك تتفىجي عليها في التلفزيون عشان متجروئيش تعدي من قدامها في يوم من الايام  وبقيني حرم بيجاد الكيلاني اللي مكنتيش تحلمي حتي انك تشوفي صورتو علي السوشيال ميديا 

قدر وانا عمري ما انكر اصلي  ولا عمري قلعت توبي ولبست توب مش ليا البت قدر اللي كانت بتلف  في الشوارع والناوصي عشان تكسب 100جنيه بلحلال عشان تعرف تاكل بيهم اهلها وكنت صبرة وحمده ربنا  لكن نقول اي بقا وبعدين قدر اللي مش عجابك دي هي اللي فتحتلك طاقة القدر والملايين  وانا بدات من الصفر يعني لا كنت صاحبه شركاتت ولا بتاع بيزنس وتخطيط داه شغلتك انتا 

انا كنت بت علي الله حكايتي وكنت راضيه بنصيبي واشتغلت معاك بما يرضي الله وكانت النتيجه اي ادتني الضربة في نص قلبي قسمت روحي نصين لا بقيت عارفه اكمل ولا عارفه ارجع زي ما كنت  زمان انت  موتني بلحيا

بيجاد بجنون وده ليه ان شاءلله انا عايز افهم عملت ليكي اي عشان تعملي معايا كل ده ها ده انا اتوقعت الخيانه من الكل الا انتي كنتي عندي خارج اي حسبان كان معاكي جرين لاين لأي حاجه وكل حاجه 

طلعت لينا علي صوتهم وهي مستغربه من وقفتهم قدام بعض ويزن اللي واقف مش عارف يعمل ايه في اي يا قدر حصل اي ليه صوتكم علشان يبقى عالي بالشكل داه

قدر هههه لا بجد يعني علي اساس مش عارفه ان انتي  واخوكي متفقين عليا  في اللعبة دي 

لينا بإستغراب لعبه لعبه اي اللي انتي بتقولي عليها انا مش فاهمه اي حاجه  من الكلام اللي انتي بتقولي عليه 

قدر كان نفسي اصدق كلامك بس بعد اللي شوفته منكم مش هعرف اثق في حد تاني للأسف والبركه فيكم طبعا

لينا ياجماعه حد يفهمني انا والله ما بقيت فاهمه اي حاجه خالص انتوا بتتكلمو في ايه 

قدر يعني انتي عايزة تقنعيني انك متعرفيش ان انا كنت بنسبه لاخوكي مجرد صفقه وبس  وبصت ليزن اللي كان واقف والقلق باين على وشه وكملت  بعين قويه اصل اخوكي كان وخدني ضمان لان الحب ابشن مش موجود في حياته 

بيجاد ويزن بصو لبعض بصدمه

قدر ايوه بالظبط كده سمعت كل كلامكم انتو قولتوه  سمعتكم وانتوا بتتكلموا عليا كأني سلعه مش بني ادمه من لحم ودم بتحس في الوقت اللي كنت فيه مخنوقه  وقولت اروح  لجوزي وسندي يهون عليا  اخدو ونخرج سوا يمكن اقدر ارتاح افضفض معاه بس مع الاسف كل ده راح لما خدت الصدمه اللي لحد دلوقتي مش قادره استوعبها  وبكل بجاحه جاي زعلان علي شغلك علي فكره ده اقل رد مني علي كل اللي انت عملتو فيا  وان اللي اتجوزتني عشانو تخسرو يا بيجاد 

لينا بصدمه انتي بتقولي اي يا قدر انا مش مستوعبه 

قدر لا استوعبي وصدقي اخوكي شايف انه اتكرم عليا بجوازه مني شايف اني مستحقش اتحب واخري للشغل وبس 

لينا بصدمه انتي بتقولي ايه بصت لبيجاد الكلام داه صح يعني كنت بتشتغلني 

بيجاد أفهمي وبلاش الشو اللي ملهوش لازمه انا مقصرتش معاها 

لينا لاء قصرت لما تاخدها كوبري يبقى قصرت لما تستغفلني وتستغل علاقتي بيها يبقى قصرت لما العشره تهون عليك قصاد الشغل يبقى قصرت يا خساره يا الف مليون خساره يا بيجاد بجد انا ماشيه انتا مش بس خسرت مراتك وشغلك لاء. خسرت اختك وعيلتك كمان انا هاروح عند خالي في تركيا اعيش معاه وانتا افرح بالشغل والبيزنس والفلوس

قدر بوجع انا ماشيه وسيبالك حياتك وكفايه عليك اوووي اللي خسرته مني لحد كده عارف حتى هدومي انا مش عايزاها منم اي حاجه جات بمالك حد الله بيني وبينها وسابته في صدمته ومشيت وهي راسها مرفوع