اقترب هانى وهو تحت تأثير رؤية ياسر بهذه الهيئة المثيرة
_ ياسر انا بحبك
_ طيب ما انا كمان بحبك يا هانى انت غير كل اصحابى افهم بقا احنا اخوات
_ لا إحنا مش اخوات
تعجب ياسر حدة هانى غير المبررة بنظره ليهز رأسه بأسف وهو يعجز عن فهمه متجها نحو خزانة ملابسه فيلحق به هانى ، التقط سترة وهم بإرتدائها ليسحبها هانى منه بنفس الحدة
_ بقولك بحبك افهم بقا
وقبل أن يتحدث ياسر تحكم تهور هانى ليقترب بغتة مغتنما قبلته الأولى بلهفة اعجزت ياسر لوهلة عن دفعه أو إدراك ما يقوم به، امتد ذراعه يحيط خصر ياسر الذى انتفض للخلف مع دفعه بنفس اللحظة ليفصل هذا التقارب المخزى
_ انت اتجننت؟؟ ايه اللى انت عملته ده!
_ عملت ايه! ما انت مش عاوز تفهمنى
_ افهم ايه انت عقلك فوت خلاص، هو ده الحب اللى عمال تقول عليه؟ ده مش حب يا هانى فوق لعقلك ده مرض واختلال
تراجع هانى خطوة واحدة وهو يعقد ذراعيه مدافعا عن نفسه
_ انا مش هرد عليك دلوقتي، انا مقدر موقفك مع الأفكار اللى اتزرعت جواك، بس قبل ما تحكم على مشاعرى حاول تقدرها، قبل ما تحكم على ميولى حاول تفهمها وتتقبلها، انا عارف كل اللى هتقوله ومش عاوز اسمعه انا اخترت حياتى وسعيد بها جدا، انا بحبك يا ياسر وانت حقى اللى مش هتنازل عنه