وصلت عينيه لقبر تقدم منه بثبات حيث كتبت بعض الأسماء وفى نهايتها الإسم الذى جاء إلى هنا من أجله.
وضع كف فوق كتفه لينظر إلى صاحبه بثبات
_ أي خدمة؟؟
_ حضرتك اللى اي خدمة؟ انا حارس المقابر هنا
إلتقى حاجبيه معبراً عن أسف لا يشعر بذرة منه
_ من فضلك انا ماقدرتش احضر دفنة ابن عمتى خلينى معاه شوية
رغم أن ملامح الرجل القاسية لا تعبر عن التأثر لكنه تراجع مفسحا له المجال وانتظر هو حتى غاب عن ناظريه لتعود ملامحه لطبيعة انفعالاته الداخلية
نظر نحو القبر بثبات واقترب منه ليضع كفه فوقه ويقرب رأسه منه هامسا
_ انت سامعنى يا ياسر ؟
صمت مطبق بعد سؤاله استمع خلاله لصوت الريح وكأنه ينتظر أن يحمل له صوت ياسر قبل أن يتلفت حوله بريبة قبل أن يتابع حديثه الهامس
_ فاكر لما هددتنى بالفضيحة قدام سكوتى على جوازك من هبة؟ انت ليه مت قبل ما أقدر انتقم منك ؟ تعرف انا فرحان أوى انك مت ولو كان عمرك طول شوية كنت قتلتك عارف ليه ؟؟ علشان انت ذلتنى وقهرتنى وانا هعوض كل ده فى حبيبتك وابنك استنى يمكن ابعت لك حد منهم قريب أو الاتنين.