_ ارجوك عاوزة اشوف جوزى
لحق بها أبيها بينما الممرضة تحاول أن تهدأ من فزع هبة وهى تسحب كفيها منها ببطء بعد تعلقها بهما
_ انا آسفة جدا ممنوع دخول الرعاية بأي شكل بس انا هطمنك عليه هو جه امته ؟
_ جه يا بنتى فى حادثة الطريق الصحراوي
توترت ملامح الممرضة ليزداد فزع هبة وتعلقها بها
_ ده بنحاول نظبط مؤشراته الحيوية علشان هيدخل عمليات أول ما الدكتور يوصل، إن شاء الله هيبقى كويس
ينفى التوتر الذى ظهر عليها ما ادعته لتعاود هبة رجاءها
_ طيب اشوفه مرة واحدة ارجوكى
_ هو مين اللي جوه جاد ولا ياسر ؟
ابتلعت هبة أنفاسها بعد تساؤل أبيها الذى تجهل الفتاة إجابته لتعتذر مجدداً
_ حضرتك دى مستشفى طوارئ بننقذ المريض وبعدين نشوف بياناته تقدر حضرتك تشوف الحالة التانية مادام ماجاش العناية يبقى كويس
_ هو اتوفى
صمت تام خيم على ثلاثتهم فور تصريح عبدالقادر لتضم هبة أذنيها رفضا للاستماع وهذا يبدو مؤشراً غير جيد فى موقف مشابه بينما تابع هو بانكسار ترق له القلوب
_ انت شايفة حالتها، ارجوك هبص عليه بس من بعيد واتحقق من ملامحه، هى مستحيل تتحمل تشوف جثة