_ انا عاوزة أخرج من هنا ، شيلى اللى فى ايدى ده انا عاوزة اروح
_ طيب حاضر أهدى بس احنا ماصدقنا اعصابك هديت وانت حامل كمان
لم تلتفت لقول الممرضة وبدأت تحاول نزع الخرطوم عن كفها لتسرع إليها الممرضة قبل أن تؤذى نفسها بشكل أو بأخر .
………..
وصلت مرڤت للممر الذى تقع فيه غرفة الرعاية لينتفض قلبها مع صرخات جاد التى تشق سكون المكان فتهرول قدميها رغم إجهادها الشديد .
اقتحمت الغرفة وكان جاد يمسك به اثنين من الممرضات يحاولان تقيد ذراعيه ودفعه للاستلقاء وهو يصرخ ويحاول نفضهما عنه
_ سيبونى ، يا يااااسر ، اخويا فين بقولكم سيبونى ؟
_ جااد
صمت تماما مع صوت أمه الذى سيطر على حواسه جميعا لتتحرك رأسه بعشوائية فى اتجاهات مختلفة فزعا
_ ماما انا مش شايف حاجة ، ماما انت فين انا سمعتك انا مش شايف
ارتفع كف مرڤت يكلل فمها وهى تحاول التحكم في الصدمة الجديدة التى تلقتها للتو لتتابع التحرك نحوه حتى لمست ذراعه لينفض الممرضة عنه ويتمسك بها كصغير عادت إليه أمه بعد تيه طويل ، أطلت اللهفة من قسماته مع عجزه عن الحركة بشكل كامل فهو يحرك ذراعيه فقط وجزء من جذعه العلوى
_ ماما ياسر فين؟ إيه اللى حصل انا.. انا فاكر العجلة فرقعت والعربية كانت بتلف بجنوووون ، فين ياسر هو مش جمبى ليه؟ ماما ردى عليا