يبقي كده فيكي حاجات عندك مش عند غيرك شاف فيكي حاجه مش موجوده عند بنات تانيه كتير
و اكبر دليل انك مميزه انه طلبك انتي و فضلك عن كتير اووي
عائشه بعدم اقتناع : و هو عرف كل ده امته هو شافني منين اصلااا
وله اتعامل معايا ازاي
انتي بتقولي كده لانك عرفاني و عايشه معايا فمن حقك تقولي اكتر من كده
لكن هو يفكر كده ليه
سيده : بصي الراجل عموما ليه حسابات
مختلفه تماما بيقيس بيها حاجات كتيره في حياته
و احنا برضو كده الستات و لينا حسابات مختلفه عنهم
هي ديه الدنيا
اولا اللي زي محمود مش علشان يعرفك هيجي يتساير معاكي و يحكي و يتحاكي علشان يعرفك
عائشه بسخريه : اومال هيعرفني ازاي يعني بلاسلكي
سيده : بطلي لماضه يا هبله هو اكيد ليه حسابات تانيه عرف عنك بيها كل اللي هو محتاج يعرفه مقدما
عائشه بتساؤل : طب و انتي تفسري بايه انه مش بيحاول يتكلم معاياا و شفته مرتين بس لما جه يتكلم مع الرجاله وسلم عليا و خلاص
كاني انا اللي طلبته
سيده : هو هادي شويه و اكيد انتي هتاخدي علي طبعه بعدين و بالعكس ده راجل دوغري طلبك علطوول
عائشه : انتي ليه عجبك الموضوع دلوقتي
سيده :لاني بفكر زيك في كل الحاجات ديه بس
انا شايفه ان حياتك الجايه احسن
عائشه بعدم اقتناع : طيب اقوم انا بقاا علشان البس و اروح الشغل