انتي متعرفيش عنه حاجه ما يمكن يطلع كويس
عائشه : مهوا ده اصل الموضوع انا معرفش عنه حاجه فعلا مهوا زي ما في احتمال انه كويس
في احتمال ان يخلي عيشتي سواد
سيده بضيق : حسني ملافظك يا جزمه تفائلي بالخير
سواد ايه
عائشه بتفسير : اصل واحد عنده في بنات العيله اللي يتمناه قلبه و عنده في البلد عموما بنات احسن مني بكتير و انسب مني ليه اشمعنا انا رغم ان اخوه اكيد قاله علي مشاكلي مه عيلتي واللي عمله ابن عمي
اكيد مش هيخبي علي اخوه
سيده بتوضيح : بصي سمعه عيلتهم طول عمرهاا حلوه و ده اخوا العمده و الكل بيحلف باخلاقهم و الرجل لو طبعه شديد مع الناس كلها طبعه مش هيكون شديد مع مراته لانها سره و عرضه و شرفه و شريكته اكيد مش هيعاملك بنفس
الحده اللي بيعامل بيها الرجاله
و الموظفين عنده طبعا
و بعدين انا مش عارفه انتي ليه مقلله من نفسك انتي مش شويه بالعكس
انتي فيكي مميزات انتي مش شيفاها في نفسك
انتي اولا من ناحيه الجمال حلوه اديكي شفتي يوم ما عيلته جت كانوا مبهورين بيكي ازاي
اولا انتي مش اى ست انتي ضهر انا شيفاكي سند لجوزك و الراجل المحظوظ اللي تكون مراته
دكر وسط الرجاله اللي بتشتغل معاهم
و من ناحيه اختارك ليه و مختارش حد غيرك ده انتي بتغني و بتردي علي نفسك