و تفاجي بوجود الجميع
و اول من استقبلته اخلاص
اخلاص بابتسامه : اهلا يا شاهين يا ابني
ايه خلاص نسيت امك
** فهي امه في الرضاعه **
شاهين حاول ان يبتسم فالصدمه كفيله بان تلجمه : ابدا يا حجه
هو احنا لينا بركه الا انتي
اخلاص بتساؤل : مراتك و عيالك عاملين ايه
شاهين برضا و حمد : الحمدلله بخير
نحمد ربنا
اخلاص : الحمدلله
ثم اكملت بعتاب : و ياتري انت ساكت علي اللي بتعمله عائشه حتي مش بتديني خبر انا معرفش
ان كل ده حصل
شاهين بحيره : والله مش قصدي يا حجه
بس انا مش فاهم اقولك ايه
هي عائشه عملت ايه هي مجرد انها ماسكه شغل ابوهااا
مش شايف انها عملت حاجه غلط
اخلاص بغضب مكتوم : واضح ان اللي سمعته صح
و انك انت اللي مقويهاا
شاهين بحرج : بصي يا حجه انا و لا بقوي حد و لا بضعف حد ديه املاكها و هي حره فيه انا ما الا واقف معاها
لانها وصيه ابوهاا بالنسبالي اني اكون في ضهرها لكن غير كدا انا مليش اي راي و لا اي كلمه كله قراراتها و انا مش شايف انها عملت جريمه بالعكس ديه لو بنتي هفتخر بيها انها واقفه وسط الرجاله
و بتشتغل و بيعملوا ليها حساب
اخلاص : والله عال اوي يا شاهين
“” جائت عائشه “”
عائشه بتجاهل لهاا : ياله يا خالو علشان عيزاك في موضوع
اخلاص بغيظ : ما تتكلمي قدامي ايه المشكله