رواية الوجه الآخر للرحمة كامله وحصريه بقلم عبير ادريس – للقراءة المباشرة والتحميل pdf
شهم : سمر لا لا اوكفي ليش هيج تسوين بروحج ؟
ألتفتت عليه نصف ألتفاته حتى اودعه وتكون النظرة النهائية ردت آخر وجه اشوفه وجهه
سمر : مودع بالله شهم
شهم : لحظة لحظة بس كوليلي منو وياج ؟
اخ لو تدري محد وياي محد مأذيني غير اهمالك لمشاعري طول عمرك ما تشوفني ولا تحس بية ..
سمر : عوفني اريد اموت
شهم : منو مأذيج اكص راسه
شهم : والله احاسبه بس لا تسوين بنفسج شي
رجع كرر كلامه بجيت بحركة آخرها كال
شهم : ليش هيج تسوين حبيبتي بعدج صغيرة وحلوة والحياة كدامج
سمر : هاي الحياة ما اريدها تعبتني
شهم : ولج كولي منو وياج اذا عرفت واحد بيهم ماسج بكلمة لو جايس شعره منج اضيعه والله اضيعه
من كال هيج ألتفتت شفت الخوف بعيونه رجعت خطوة ركض لزمني من خصري وسحبني ومن بعدها بدت عندي الحياة …
فزيت على اصواتهم رجعت للواقع نزلوا من السيارات تسالموا جنت واكفة ورا النخل اشوفهم ما يشوفوني تحاضنوا ويوسف ابتسمله و كال
يوسف : ولك شهم وتنذب برگبتي وتصير ذمة
واضيع بدرب وانه بعيني لمّة
احسب خطاي خطوة خطوة
وادري الجرح ما ينسى ذمة
شهم : اذا انذبت برگبتي خلها خلها
يامحلاة الخل من ايطيح اعله خله
يوسف : ولك مشتاقلك هيج صارت ماتجاوب على اتصالاتي ؟