رواية الوجه الآخر للرحمة الفصل السادس 6 بقلم عبير ادريس – للقراءة المباشرة والتحميل pdf

طيبة : تحبها يشهم عليش تجذب على نفسك ؟ وهي هم تحبك..

شهم : طيبة الحب وحده ما يكفي ..

شهم : الحب من غير مبادئ ما يسوة شي عندي

طيبة : يعني مابيها مجال ترجعون والله خطية سمر

شهم : اللي سوته ما ينغفر ولا ينسي ، خلها تضوك كسرة ضحى وما اموت اذا ما رجعتلها نفس الاحساس الخلتها تحس بيه..

طيبة : انت گلبك طيب ما تسويها اعرفك

شهم : لا والله ما شفتيها طيبة صورتها ماتروح من بالي وهي تكمز مفرفحة روحها ماتدري شتسوي صوتها مايروح من راسي وهي تكول ، شسوي شهم فهمني شسوي انتقم منك لو انساك ؟ وراح اكدر انساك اكدر

الحجي اتكسر بصوته وسكت ، عافني وراح…

رحت للمطبخ اشرب مي وراها لمحت واحد خطف من يم الباب طلعت اعاين ماكو احد ، مشيت اقفل باب البيت لكيت باسل ، اخترعت گلبي راح..

طيبة : كلها نامت عليمن چاي بهليل ؟

باسل : وين يوسف ؟

طيبة : نايم بالغرفة ؟

باسل : بيا غرفة ؟

طيبة : هناك آخر الممر ..

فات للبيت ومشى لغرفة يوسف مشيت وراه ، من تقربنا عند الباب وكفنا من سمعنا صوت يوسف يعيط على رفل ويكوللها..

يوسف : اريد افتهم من شربوج ممة ما حطولج چيلة كرامة وية الحليب ؟

رفل : فد اسمعني ونصي صوتك الله يخليك

يوسف : جاية بنص الليل ولغرفة شاب اعزب شنو تنتظرين يسوي ؟ ها جاوبي ؟