رواية الوجه الآخر للرحمة الفصل السادس 6 بقلم عبير ادريس – للقراءة المباشرة والتحميل pdf
بنص دموعها ضحكت
سمر : عابتلك اسم الله عليه
شهم : شصاير وجايتني بنص الليل تبجين ؟
سمر : انقهرت حيل والله
شهم : غير تحجي عليش مقهورة ؟ شنو قاهرج
رجعت سكتت وتبجي ، نفخ بنفاذ صبر
شهم : لخاطر الله حاجيني مو فتيتيني فت
آخر شي هددها يلا حجت
شهم : بنت الكلب اذا مابيج شي عليش جاية تتبجبجين ؟ حلمانة بية ؟ مو جنتي نايمة شكعدج ؟
سمر : يعني مهتم وتسأل عني وتعرف اذا نايمة لو لا
شهم : اكيد لا اجيت اشوف فاطمة لكيتكم نايمين وطلعت
شهم : ما كلتي عليش تبجين ؟
سمر : مو كلتلك مهتم
شهم : ارجعي نامي ارجعي
تركها ومشى ، صاحت وراه
سمر : شهم حلوياتي ماكو ماكليهن
وكف ناطيني ظهره وفد اكتافه تهتز ، لابس دشداشته السودة وغترته ماعت روحي من ألتفت شفت بعيونه اللمعة القديمة ، نفس النظرة من جنت اجيه ابجي وماكلين حلوياتي لو لفتي بالمدرسة وياخذني يشتريلي غيرهن..
رجعلي يتمشى ..وكف عاينلي رخت ملامحه والعصبية اختفت ..
شهم : وعلى هاي تبجين ؟
هزيت راسي بأي ..
شهم : تجيج ابوها فد لا تبجين
سمر : جيبلي نفسهن
شهم : تجيج نفسهن الصبح تلكيهن بعلاكة يم راسج
سمر : لا هسه اريدهن
شهم : منو هسه كاعدلج كلها معزلة لازم انزل للمدينة