رواية الوجه الآخر للرحمة الفصل السادس 6 بقلم عبير ادريس – للقراءة المباشرة والتحميل pdf
طيبة : مو هسه خليها شوي لاخ الله عليج ..
سمر : اف منج تعالي نفوت ..
دخلنا للغرفة راحت ورا البردة طلعت علاكة وشكهت ..
طيبة : شكو شبيج ؟
شغلت الضوة وفتحت البردة تدور
طيبة : شتدورين ؟
سمر : حلوياتي وين ؟
طيبة : تاهن خطفوهن ؟ يعني وين جنج جاهل
سمر : لا صدك وينهن يعني شي مو مالتكم ليش تاخذوه ؟
طيبة : شو مادري شلون تحجين هو منو بحال حلوياتج ؟ منو ما ماكل الجبس والنستلة حتى تدنى نفسه عليهن شبيج راح تبجين
سمر : اي ابجي ، تدرين منو جابهم الي لو ما تدرين ؟
طيبة : مو كلتي شهم جابهن
سمر : اي وانقهرت لان من شهم وضيعتهن هسه يزعل
طيبة : وهو شمدريه مضيعتهن ويزعل ؟
سمر : انتِ متعرفين شنو هاي الحلويات بالنسبة الية ..
تحجي وتدور عليهن ، لبست شالها وطلعت طلعت وراها ، عاينت بالمطبخ ماكو لا يوسف ولا رفل ارتاحيت ، مشيت ورا هاي الخبلة وين تروح بهليل ..
ما لحكتها وصلت عند الزلم ، وكفت على صفحة صاحت شهم ، كاملها عاكد حاجبه
شهم : شطلعج بهليل ؟
سمر : وشنو يعني ماكو واحد غريب
لزمها من متنها ومشى بيها قريب الباب وين ما جنت واكفة …
شهم : شكو شتريدين ؟
شهم : عليش تبجين ؟ ياهو ضوجج ؟ منو وياج سمر ! فاطمة بيها شي ؟
شهم : جدة بيها شي