رواية الوجه الآخر للرحمة الفصل السادس 6 بقلم عبير ادريس – للقراءة المباشرة والتحميل pdf
فارس : عليش تباوعلي هيج ؟ ماسويت شي صارلك هواي ما جاي…..وضحك
يوسف : شنو سالفتك انت ؟
فارس : ما عندي كل سالفة
شهم : فارس اثكل ، وخلينا حايرين بمصيبتنا وكت فواكه هسه
كعدوا ، فارس يكعد راحة ، شلون ما يحشش ما يكدر تدنى من شهم وكاله
فارس : شوفها شلون كاعدتله تكول زليخة هيج تحبه ..
قصده على رفل
شهم : راح اطيح حظك كافي
فارس : دشوفها من دخل يوسف لسه ما شالت عينها عنه
سكت وراها فات جدي
يعقوب : السلام عليكم
ردينا وعليكم السلام
لف عباته وكعد ، صاح
يعقوب : وين الباقين ؟
كميل : هسه جايين
اجوا عمامي وبلشوا يحجون بسالفة الكعدة مال اهل البنية ، يحجون ويوسف وشهم النار تطلع من وجوههم ما عندهم تفاصيل عمي ما حاجيلهم كلشي مبين من ملامحهم ..
نوح : جدي مع احترامي الك بس اتسرعت من حسمتها وقبلت تنطيهم الفصل كامل
يعقوب : احسن ما تصير ثارات مالنا خلكها ، هاهي انحسمت هيج المهم ماكو دم
عبد الملك : بوية نطينا الفوگانا والجوانا ، وحلالنا راح من وين نعيش بعد ؟
يعقوب : بساتينا خير من الله اكل منها واشتغل بيها بين ما نرجع كلشي مثل ما جان
فارس : خوب انت لا للصدة ولا للردة ولا لعثرات الزمن هيج ماخذيك للكعدة بس خساير ..