رواية الوجه الآخر للرحمة الفصل السادس 6 بقلم عبير ادريس – للقراءة المباشرة والتحميل pdf
صدمة : شبيج يعيني اليوم مصفرة ؟
سمر : ها مابية ، يمكن لأن ما نايمة
صدمة : اي زين حسبالي مريضة
سمر : لا جدة مو مريضة
مددت على الفراش رجعت صاحتني
سمر : عيني جدة كولي
صدمة : ما تدنيلي الصوبة عليّ
سمر : صار ، شنو بردانة؟
صدمة : ماعرف البرد جاس گلبي وعظامي تركص وحدهن
سمر : هسه اغطيج
دنيت الصوبة يمها واخذت البطانية غطيتها بيها ، شالتها وشمرتها
صدمة : ما حبنها تكرصني ، ناوشيني القطوة
سمر : ماكو غطوة هنا بيبي فد بطانيات
صدمة : ما تحاجينهم يجيبون الشف اتقطى بيه …..الشف (غطوتها الخاصة )
سمر : جدة مثبورين منو يروح للبيت محد يرضى ، غطي رجلج ، وهاي الصوبة عندج هسه تدفين
صدمة : طفي الضوة واخذي بنيتج وخلني انامن ساعة زمن
سمر : صار جدة صار
اخذت فطوم وطلعت رحت يم البنات ، جابوا الجاي وألتمينا بالهول انه والبنات وزوجات عمامي كلنا كاعدين ، فات فارس باوعلنا ابتسم وكال
فارس : طيبة عندنا فواكه ؟
سمر : بلي اليوم حشناه جديد تريد اجيبلك ؟
زهرة : مو هسه راح يشرب جاي شيسوي بالفاكهة ؟
سمر : لمنو تريده ؟ ابوية كال العصر ناكله
فارس : مابيج كل فايدة لا والله