رواية الوجه الآخر للرحمة الفصل السابع 7 بقلم عبير ادريس – للقراءة المباشرة والتحميل pdf
فارس : بالنسبة الي من هسه اعتبروني لابسها اذا ما رجعنا حقنا
شهم : انه هم وياك شيلات حبوبتي هواي وتكفينا
طبت جدة تمسح وجهها بشيلتها سلمت على الكاعدين ، كاملها كميل سندها لحدما كعدت…
صدمة : اليوم لو باجر تفض السالفة بالزايد وبحيل الله منتصرين..
كميل : ياالله ياالله صدك جدة ؟
صدمة : دعيت وبعون الله الأستجابة قريبة
عبد الملك : من بختج يعلوية من بختج ان شاءالله
صدمة : اي والله ييمة دعيت ويمه الأستجابة ضلت..
نوح : دعيتيلي جدة ؟
صدمة : اي والله جدة دعيت للكل ما بقيتلي واحد وان شاءالله دعوتي مستجابة وتعرف انه مبخوتة من زمان ودعائي بالمچان
كميل : ماشاءالله عليج جدة مجربينج
صدمة : اسمعوا البارحة ردت انامن عيوني ما قمضت من ورا السالفة هاي ، كمت جددت وضوئي ، وصحت على طماطة تفرشلي السجادة جوا السما وطلعت صليت ركعتين ودعيت من ك
گلبي وچن نور جبير طلع ضوا المچان واشوفن ملج من الملايجة يكول سالفتج يحجية تنحل وسمعت الاستجابة بأذني معناها سالفتكم انحلت..
فارس همس : شكد جذابة
ألتفتله يوسف : ترة عيب عليك تجذبها ، جدة من اهل الله ونيتها صافية احتمال صحيح صار وياها شي بس مو حرفياً مثل ما حجت..