رواية الوجه الآخر للرحمة الفصل الخامس 5 بقلم عبير ادريس – للقراءة المباشرة والتحميل pdf
كميل : يارب رحمتك ، بوية مابيكم شي ؟ هاي انتم كدامي ؟ مو روحكم تفتر ؟
ألتفت على ابوي وگاله…
كميل : حجي شوفهم اتأكد عايشين لو انه اتخيل صورهم ؟
ابوي كام و مسح الدمع من لحيته ويهدأ بيه
عبد الملك : مابيهم شي ؟ الحمد لله عيالك طيبين وهذيج زوجتك واكفة شوفها ..
كام اخذ اولاده بحضنه وتقربت زوجته حضنها وياهم وبجى يعاتبها..
كميل : وين جنتي ؟ وينج ؟ ولج قريت فاتحتج و دعيتلج بالرحمة تدرين لو لا ؟
نبأ: سودة علية ماجنت ادري بالصار هسه يلا سمعت واجيت ..
كميل : وين جنتوا ؟
نبأ: تغدينا بالبستان مال عمي قادر قريب ما نحلص يلا لمحنا الدخان واجينا نركض..
كميل: اخ اخ يالحبيبة ما مصدك والله ما مصدك انتم كدام عيني وألزمكم بيدي ..
تحمحم نوح وحجى بصوت مهزوم كال ..
نوح : خابروا على اهل سارة وبلغوها بعزاء بنتهم وولدها
تركنا ومشى ، لحكه كميل وغابوا عن عيوننا ، ما راد يبجي كدامنا ويبين ضعفه ..
ياربي هي لحظات دمرتنا ما ضلت عندنا اعصاب ولا قوة ..
ابوي طلع جهازه واتصل على اهلها حتى يبلغهم ..
عبد الملك : السلام عليكم
_ هله بأبو كميل وعليكم السلام شلونك
عبد الملك : انه زين
_ الحمد لله اخباركم خوماكو شي ؟