رواية الوجه الآخر للرحمة الفصل الخامس 5 بقلم عبير ادريس – للقراءة المباشرة والتحميل pdf
طيبة : صوجج سمر السويتيه وية شهم وزوجته مو قليل
سمر : شنو سويت ؟ احجي ليش ساكتة ؟
طيبة : اسرار اخوي ما احب احجيها للعلن
طيبة : انتِ احجي مو صارلج ساعة تحجين وتذمين بيه احجي السبب الحقيقي اللي خله شهم يبتعد عنج هيج..
سمر : لا ذكريني ناسية
طيبة : محد ينسى شي سواه خصوصاً اذا جان بيه جانب من الشر
نبأ : هاي شنو راح تتعاركون سدوا الموضوع يله
سمر : لا تسكتيها خليها تحجي شنو سامعه
طيبة : ما سامعة الكعدة وياكم حلوة اروح اشوف امي خافن محتاجتني
تركتهم وطلعت …
نبأ: سمر مو انتِ
وسكتت ما كملت ..
سمر : احجيها يا نبأ احجيها مو انه شنو ؟
جان كاعد بالمكتب اجاه تليفون جاوب… ابوه
يوسف : هله حجي شلونك ، قبل شوي اجيت على بالي ردت اتصل انت سبقتني..
عبد الملك : مو مشكلة ابني اتصلت اسمع حسك وهم رايد منك شغلة
يوسف : أأمرني يابه
عبد الملك : حبيبي ما اريد اي انفعال احجيلك حتى تجي ويانا ..
يوسف : وين اجي ؟ خليت بالي ، امي بيها شي ؟ اخواني ؟
عبد الملك : شوف يابه اريدك تنتظرنا عند بيت اهل سارة زوجة نوح
وحجاله السالفة كلها ختمها من كال
عبد الملك :والكعدة وية هذول الناس تمت ودفعنا الفصل فد ابوها ما رضى يتنازل إلا نعقد على البنية