رواية الوجه الآخر للرحمة الفصل الخامس 5 بقلم عبير ادريس – للقراءة المباشرة والتحميل pdf
شهم : ما اتحمل اشوف كسرتج ومن منو مني ؟
سمر : عوفك من هذا الحجي ، عندي طلب واحد و اذا تحبني وماتهون عليك العشرة البينا مثل ما كلت نفذه وما اريد غيره …
شهم : كولي واعتبريه تم
سمر : ما تجيبها كدام عيني وتحرك گلبي بيها
شهم : وشلون سمر وين نعيش وانه توني تعينت لا عندي اشتري ولا بمقدوري أأجر ..
سمر : هي مو كالت ما تحب تبتعد عن اهلها وتعيش هنا ؟
شهم : اي بس المرأة تتبع زوجها عليش حبتني اذا ما تريد كعدتي ، تضل يم اهلها
سمر : ما ادري حلها الله يخليك لا تجيبها كدام عيوني والله اموت وسبب موتي انت ياشهم وانه هواي اكرهك لدرجة ما تتخيلها
شهم : ولج انه ربيتج جابوج صغيرة والله صغيرة وحطوج بحظني ، جنت اخاف انام لا تختنكين بالحليب ابقى سهران يم راسج ومن يصير وكت المدرسة ابدل واروح ويبقى بالي يمج اخلص بساع بساع واجيج ، اشيلج وألعبج وعايف الجهال حاير بيج تالي تموتين بسببي ؟ وكارهتني ؟
ماجاوبته درت وجهي عنه تنهد وكال
شهم : هذا هو يسمر يجرالج ما نعيش هنا ولا تشوفيها …
سمر : هذا هو خلف الله عليك
دخل ليث صاحه وسكتنا
ليث : وينك يمعود جدي ثبرنا ثبر والمزيقة لسة تدك اطلع جلبت هنا ما يردن يجن لا يجن ابوي راح يضل يمهن