رواية الوجه الآخر للرحمة الفصل الخامس 5 بقلم عبير ادريس – للقراءة المباشرة والتحميل pdf

سمر : المهم جان يعرف احبه وعنده شك انتحاري بسبب هذا الموضوع ..

سمر : اخذني لنهاية البستان وكعدنا على الدچة الطين ..

سمر : وسم شبيج تتمضحكين كل شوية ، حاستج تستهزأين بكلامي

رفل : لا والله فد من ذكرتني دچة الطين بنهاية البستان ضحكت

نبأ : لازم عندج قصة هناك على نفس الدچة

رفل : لا قصة ولا هم يحزنون هي مخصوصه بولد عبد الملك ياهي المايحبوها ويحسون بيها عندها مشاعر ناحيتهم ياخذوها لهاي الدچة يكعدوها وها انتِ مثل اختي طيبة وانتِ مثل اختي مدري منو

ضحكت سمر وكالت …

سمر : يا عزة انتِ هم اخذج يوسف لنفس الدچة وكالج انتِ مثل اختي

سمر شالت ايدها وتضاربن كف بكف وضحكن على خيبتهن ..

رفل : جلبة ما حاجيتلي على سالفة الدچة

سمر : توني بديت احجي ولصمتيني

رفل : لا كبل مو هسه

سمر : مو بعد تزوجني عليش اكلب بالماضي واتوجع منه…

نبأ : كملي سمر وشصار من اخذج لنهاية البستان

سمر : كبر لا عبالج دمعت عيونه وحضني لا حبيبتي هاي فد بالأفلام نشوفها

نبأ : چا شني ما تحجين موتينا

سمر : عود يريد يهون علية سالفة الانتحار وكذا عاينلي وعيونه بيهن لمعة حسيتها حب خصوصاً من كالي انتِ حبيبتي هنا طرت لسابع سما وراها كالي واختي مثل طيبة وغاليتي مثل تبارك الصغيرة ، اخذت كف ايده وضربت بيه وجهي صفن علية سحب ايده و كال