رواية الوجه الآخر للرحمة الفصل الثاني 2 بقلم عبير ادريس – للقراءة المباشرة والتحميل pdf
وزعت للباقين ابوية رفع استكانه وكال
عبد الملك : الريوك اذا مو عل كاع ما يشبع
فارس همس : احسنت اعد
تدنيت منه همست بأنه
طيبة : عليك الله لا تعكر الكعدة
حجاها وشفط من الجاي انتبهوا عليه خزروه بعيونهم ..
يعقوب : الدنيا جانت بسيطة تتذكرون هالمچان ؟ هين جنا نغني وهين نلعب واحنا جهال
فار : ديلا اللي يشوفك مكعدنا بالمريخ هي نفس الكعدة ونفس السعفات قصص وروايات عراقية كرار صلاح واذا حبينا نلعب نلعب بالطين فوكاها يغني شجنت تغني جدي اكيد كلها نعاوي ما تشوف حالنا ردي..
صدمة : حلچك سده ما اسمعلك نفس
فارس : واموت ؟ ترضيها ؟
صدمة : عليك الوسفة واذا متت ينكص منه شي؟
فارس : بعدني ربع عمرج بيش طالبتني صدمة
صدمة : ما تناوشوني النعال اهفنه
آخذ النعال وحطه بيدها
صدمة : يا حيوان مو النعمة جدامك انت ما تحترم ؟
سكتهم كميل من كال
كميل : فارس لا يجوز الكلام على الطعام اكل وانت ساكت
خلصنا الاكل وكمت حتى ألم السفرة ، شهم حط ايده على رجلي منعني اكوم وجه كلامه لأخواتي
شهم : يلا حبيبات اخوهن نشيل السفرة انه وياجن ونخلي طيبة ترتاح
طيبة : لا يخوي شنو السالفة
شهم : ارتاحي حبيبة ارتاحي