رواية الوجه الآخر للرحمة الفصل الثامن 8 بقلم عبير ادريس – للقراءة المباشرة والتحميل pdf

فرح : بس هذا الشي مو صح يا ريحانة تدرين اصابته قوية ، خيطوله حلكه منا ومنا..

ريحانة : يافرح شسويلة هو يعاند كلتله لا تتقرب وتقرب اكثر من المسافة المسموحله بيها ..

ضحك يوسف من گلبه وكال

يوسف : ميانة وياج كله فرح وكذا

فرح : اي خلف الله عليها محترمتني وتصيحلي فرح

شحجيلك دكتور شحجيلك خبلتنا ما خلينا طريقة تعتب علينا ماسويناها وعجزنا ، ضلت يمك اذا ما اجيت تموت من الجوع اليوم الثالث بدون اكل

يوسف : ان شاءالله ارتب وضعي واجي بلكت باجر او بعده ، المشكلة اهلي بوضع ما اكدر اعوفهم بيه ..

فرح : والله دكتور كل المرضى تحت السيطرة الإ هي خبلت الكادر خلتهم يمشون ويسولفون وية نفسهم ، ودكتور نادر ، بعد الصار طلب اجازة مفتوحة ويريد يقدم نقل لو تنسيب ما يريد يكمل ويانا

يوسف : شدعواه كيوت ، هسه مو شككت وجهي ما سويت سوايته واخذت اجازة وتركت العمل ، هو من اشتغل بهيج مكان شنو جان متوقع ؟ ياخذوه بالأحضان مثلاً ؟

فرح : دكتور بس مو هيج ؟

يوسف : هاي بعد شغلنا هيج

فرح : تدري المشكلة وين ؟

فرح : هي مو مجنونة صاحية وتفتهم البارحة جنا نحجي اني وياها بشغلات تجاوبني بمصطلحات طبية وانكليزيتها قوية تحجي بطلاقة وجداً ذكية..

يوسف : غير دكتورة ودراستها باللغة الانكليزية وهذا سبب من اسباب تمردها ، حتى وان كانت تحتاج للعلاج فعلياً تشوف بهذا المكان دمارها مو صلاحها