رواية الوجه الآخر للرحمة الفصل الثامن 8 بقلم عبير ادريس – للقراءة المباشرة والتحميل pdf
نادر : اذا تعاندين ، راح نضطر نتعامل وياج بطريقة ما تحبيها …
ريحانة : جرب وشوف
تقدم خطوة كمزت من فراشي وكفت كباله رافعه اصبعي بوجهه مهددة ..
ريحانة : لا تقترب ، ولا تحاول مجرد محاولة بسيطة تلزمني ، ولا تحجي وياية كلمة ، صوتك ما اسمعه
دخلت ممرضة على صوتي تقربت من الطبيب وكالتله
_ دكتور خليها لا تتقرب منها
نادر : شلون ما اتقرب صارلها يومين بدون أكل وما تقبل تاخذ علاجها ونومها مخربط هاي كلها تتسجل علية مو عليها
حجاها وتقرب يريد يلزمني ، صرخت بصوت عالي وضربت الميز بيدي بقوة …
ريحانة : كلت لا تتقرب حذرتك أكثر من مرة تنتبه لتصرفاتك وانت ماتستجيب إلا أأذيك يلة ترتاح ؟
نادر : هو منو لازم يستجيب الدكتور لو المريض ؟
صرخت بصوت عالي وكمت اهوس بالغرفة
ريحانة : بالكوة تسووني مريضة بابه مابية شي مو مريضة اني كوة هي خوما كوة
نادر : مو مريضة بس لازم تاكلين وعلاجج تاخذيه وضروري تفحصين
ضحكت بهستيريا ، تقربت منه ضربت دفتره
ريحانة : سجلوا يلة سجلوا ، تقرير اليوم يثبت للمرة اﻷلف صحة كلام الدكتور نادر ، بأن ريحانة مريضة بربع عقل ولازم تعالجوها..يلة اكتب شكو صافن بوجهي ؟
بلع ريكه تراجع خطوة ورا وكال