الهالات تحت عيونه اقدم من مناوبته بهذه المستشفى ..
رواية الوجه الآخر للرحمة الفصل الثامن 8 بقلم عبير ادريس – للقراءة المباشرة والتحميل pdf
تقرب مني صبح علية بحماسه المعهود وسألني عن وضعي..
نادر : صباح الخير ريحانة شلونج اليوم
تنهدت ومارديتله السلام
وكف بعيد عني تارك مسافة محسوبة بيني وبينه
نادر : نمتي زين ؟
سؤال روتيني حقير ومستفز محسسني كاعدة بفندق ومتنعمة بالهدوء والخدمة الخمس نجوم ..
رفعت راسي باوعتله بتعب ، رديت بدون نفس
ريحانة : انت شنو تشوف ؟
نادر : ما اعرف اني اسأل
ريحانة : ماتعرف على اساس
نادر : انتِ احجيلي
ريحانة : انت شايف هذا المكان يصلح للنوم العميق ؟
نادر : ممممم الصراحة ؟ في بعض الأحيان لا
ريحانة : إذن ماكو داعي لسؤالك السخيف
دنك يكتب ملاحظته ، بعدها رجع سألني
نادر : ليش ما أكلتي ؟
ريحانة : اكلكم وسخ ومطيب مابيه نكهة وأغلب الأحيان تقدموه بارد وجفيان شر ، رفع عتب بين قوسين
رفع عينه عن الدفتر باوعلي وكال
نادر : ليش وسخ ؟ ماشفت بيه شي ؟
ريحانة : اكلت منه ؟
ريحانة : إذن تنجب وما تسأل اسألة سخيفة مثل وجهك
تقدم خطوة وهمس
نادر : عيب نتجاوز تمام ؟ و اليوم لازم نسوي فحص
ريحانة : ما احتاج
نادر : مو انتِ تقررين احنا نقرر
ريحانة : ومنو انت حتى تقرر عني ؟
ريحانة : على نفسك طبيب مو علية