رواية الهجرس الفصل العاشر 10 بقلم رواء هادي – للقراءة المباشرة والتحميل pdf
بالكاع سندت ظهري على البوفية وراي المخدة والباب الغرفة مفتوح دخلت مناوي ” سويتي فيس؟
سلسبيل _لا انطيني تلفون
راحت جابت تلفون لي وكعدت بصفي سويت حساب فيس بوك وهمي ودخلت على حساب هجرس طلعت ياسر السنجاب دزيتله طلب مصادقة
وانتظره يوافق .
مناوي_بس يوافق تراسلي
مناوي_شتكليله ؟
سلسبيل _كلشي بوقته حلو
مناوي_ راح اجيبلج الاكل هنا نأكل انا وياج
كمت شوي ورجعت بيدها صينية الأكل كعدت أكل أني وياها كملنا أكل كمت غسلت وهي شالت الصينية وطلعت وره شوي سمعت صوت
حنين تكول الفرقد
حنونه _صلاة ماصليت ورايح تشوفها ولك تعال
هجرس_ بس تجين وراي اكسر رجليج
حنونه_هاي تاليتي تعوفني علمود البربوك
هجرس_ منو عايفج بت الكلب اشو صايرة ماتعرفين تحجين وتشكين بي
حنونه_شسمي لعد تصرفاتك توك جيت من الصيد ورايح تشوفها بدل ماتسبح وتذكر الله
هجرس_صار أيام تارك الصلاة
حنونه _ليش تركت الصلاة
هجرس_لتدخلين ويله روحي منا
حنونه_حسبي الله ونعم الوكيل
بلعت ريجي تارك الصلاة وتوه جاء من الصيد ويريد يشوفني كمت بسرعة سديت الباب وقفلته بالمفتاح بقيت واكفه وراه ندك الباب ”
هجرس_ليش قفلتي الباب ؟
سلسبيل _شتريد مني ؟
هجرس_ماريد شي بس اشوفج واطلع