رواية الهجرس الفصل السابع عشر 17 بقلم رواء هادي – للقراءة المباشرة والتحميل pdf
الساقي ” النهر “ويباوعولي خفت منهم وقررت أرجع رجعت بسرعة بس مادخلت للحوش بقيت بره واكفه واباوع للكاع واشم بالريحة الطيبة
أنتبهت على صوت مرت عمو وائل ”
شلونها الحلوة
التفتت عليها أضحك ”
زينة عمه أنتي شلونج ؟
_بخير حلوة الأجواء
_الظاهر تحبين أجواء الريف
_واني هم أحبها بيها راحة
_ شوكت تكطعين مهر
_والله ياريت …
سكتت من شفت هجرس طلع وشايل كسرية بجتفه وحزام الفشك شاده على خصره وراه بارق باوعلي
وابتسم رجع بارق صاح بي
بارق_شكم مرة كايل ماتطلعين بره بهذا لبسج
سلسبيل _وانت شعليك
سلسبيل _لاوالله ماعليك بي اهلي قابلين انت شكو بعد تحجي من يمك
بارق_ ياربي شكد حلوة من تتعصب
سلسبيل _بارق كافي
مرت عمو وائل _ بارق موعيب
بارق_انعل ابو العيب ابنية جنها لعابة طالعة الوحدها بره وهناك قرود سودة واكفه على راس الساقي
” النهر ” ترديني اسكت
سلسبيل _عندي تماسيح زاحفة واكله للحوم البشر ماخاف منها عاد تريدني أخاف من قرود واكفه
على راس الساقي “النهر ”
بارق_ منو هذولة ولج ؟
سلسبيل _ عالم ماتعرفها
باوعت الهجرس علك جكارة ومشى قبل بارق اشر لبارق بيده وكال ” تجي لو تبقى تناقش
بارق_اجي بس انتظر شوي..اي كملي
سلسبيل _مالك دخل