رواية الهجرس الفصل السابع عشر 17 بقلم رواء هادي – للقراءة المباشرة والتحميل pdf
_منو انت وانفذ كلامك
تعصب مني وقترب مني بسرعة لزمني من زندي قوي وحجه من بين اسنونه ” تنفذين المطلوب وغصب على راسج
وراس الخلفوج افتهمتي
جريت زندي من قبضته بسرعة وكلتله ”
ماكو شي غصب وياي
_سلسبيل لتختبرين صبري نفذي المطلوب بدون كلان خر… تره اشوفج شي بعمرج كله ماشايفته
_هه مو سلسبيل لتمشيها على مرامك ومزاجك
_فوكها تلاسنين
_كلتلك هاي أني ومستحيل اتغير علمودك لو علمود غيرك
_ تتغيرين وغضب على راسج اريد
_لاعزيزي ماتغير وإذا مايعجبك تكدر تنسحب لو تتغير علمودي أنت
_شو عيدي شكلتي
_تتغير علمودي وتصير مثل اهلي شكوللهم يكولون صار تدللين وتعوفني على مزاجي
_والله جابك لي تعال خل اكولك شنو اني ومنو
_شنو انتي بله ؟
_أني رسامة وتعلم الرسم ويه رجال وثاني شي عندي أصدقاء زلم واحجي وياهم واروح لبيتهم وثالث شي صديقي المقرب اللي اربعة وعشرون ساعة احجي وياه وابات بيتهم هو فرقد ابن عمو وائل
_اي والله صديقي الضابط فرقد ابن عمو وائل تعرفه مو
_لاربحت علية الضباط
_اموت على الضباط
_أنتي شنو بس فهميني ماتستحين على نفسج
مصاحبه الزلم
_وليش استحي هاي اني من يوم يومي كلشي عندي عادي يعني بالخط العريض حياتي تشبه حياة الأجانب كلشي عدهم عادي وإذا تزوجتك باجر لتكول ماكلتلك تره ماكطع علاقتي بيهم ابد وابقى على تواصل وياهم