رواية الهجرس الفصل السابع عشر 17 بقلم رواء هادي – للقراءة المباشرة والتحميل pdf
حلوة_ليش من حقج ؟
سلسبيل _ماعرفه واستحي
هجرس ضحك ردت جديتي حلوة ”
من شوكت تستحين جدة
سلسبيل _والله استحي اني شبيكم ماتصدكون
هجرس_اي خطية هههه
صاروا يضحكون علية اريد هجرس يحس بي احبه ماكو إحساس مثل كوم حجار بله مشاعر انزعجت وصعدت بالسيارة شوي وصعدوا اهلي باوعتله من
الجامة يباوعلي بنظرات عادية
طلعت لساني عيبت علية أبتسم بخفه ورفع حاجبه وغمزلي عين فرحت كلش وحسيت فراشات صاروا يطيرون فوك قلبي رجعت ظهري للخلف وخليت الوردة
على صدري فرحانة بي
_هاا يابة شبيج ؟
امي_شجاج وفرحتي توج كالبة خلقتج
ابوي_هاي هي ساعاتها ساعات هههه
بقيت اشم بالوردة وأفكر بهجرس طول الطريق سويت الطريق لبعقوبة قصة حب بيني وين هجرس المتحجر
ابو قلب الميت ابو الجكمات
بس وصلنا بيت عمي تعكر مزاجي تعكر ومن شفت غدير طلع بره هو وأهله ردت ابجي غدير وين فرقد وين ماريد غدير اريد فرقد صارلي سنوات صابرة على فرقد هسه اجي اخذ غدير على الحاظر لاوالله
ماريده نزلت سلمت عليهم غدير يضحك بوجهي امه واخواته وابوه الكل يضحك وفرحان على أساس واني ماشوف
الفرح بيهم احسهم يمثلون لا أكثر .