حجه وياي” راح ترحون هسه لبيت الحبيب
رواية الهجرس الفصل السابع عشر 17 بقلم رواء هادي – للقراءة المباشرة والتحميل pdf
التفتت عليه ”
ياحبيب ؟
_اي ابوج موجود وينتظرج
_مو كال نبات هنا ثلاث ايام يله نروح
_هاي العايزة تنامين على قلبي ثلاث ايام هو يوم ماتحمل وجودج انوب ثلاث أيام
_شمسويتلك اني وهيج تكرهني
_من الله ما احبج
_هو هذا انت تحب بس اليذيك وليهينك
_وقابل مجذبه تحب الإهانات والضربات
ماتحب الأحترام .
_لسانج طولان شرشبيل
_لعد تريدني اسكتلك ابو الهجارس والشياطين
_ربي راح تخليني اكفر بيها كفران
_اييي خطية تايهة لايدك تكفر بي كفران
_ماتجي منو لازمك
_اسوي شي مايعجبج
_وشكد خايفة عاد
بقيت اباوعله وامثل القوة واني العكس راح اموت بمكاني من الخوف جر نفس طويل من الجكارة وشمرها بالكاع ونفخ الدخان من خشمه وحلكه بلعت ريجي
تقدم ناحيتي رجلي صاروا يطخون بعض اني وين هو وين ماشاءالله علية طوله بطول عامود الكهرباء واني ايدي تكسر رجلي على كوله هباوي راشدي واحدة
منه مايلحكون بي للمستشفى هو صار قريب مني طفرت بسرعة للطرمة صاح وراي “وين طارت الهيبة
_مو تكولين ماخاف تعاي ارجعي خل اعلمج شلون توكفين بنص وجهي
_اوكف بنص وجهك ودش بعيونك الاثنين
_وااااو قوية شرشبيل