رواية الهجرس الفصل الرابع والعشرين 24 بقلم رواء هادي
من شفته صافن بينه هو وصاحبتها لماحبها أبد وهي حاجيه لهباوي عن خيانة صاحبتها الها حبيت احرك قلبها وقلب صاحبها اللي يحبها ويريدها
جريت ايدها.وبستها بهدوء هي فكت عيونها بصدمة من حركتي السريعة مانطت رد فعل بقت مصدومه وهاي هي من يوم يومها تنصدم من افعالي
نزلت ايدها بهدوء وگتلها “
لا تديريلهم بال واقهريهم مثل
مايقهرونج لعابتي
لزمت ايدها بيدها الاثنين خجلانة كلمة وحدة ماطلعت عافتني وراحت دخلت جوه بسرعة اباوعلها واضحك رجعت باوعتلهم خزرتهم بعيوني
وصعدت بالسيارة
نزلت اغراضي لان راح تبات عدهم قفلت السيارة ورجعت باوعت الهم بعدهم واكفين بنفس المكان ويباعون مانطيتهم بال وأهمية دخلت
جوه انطيت اغراضي
لخاله ام محمد وكعدت وره الاذان صلينا وكعدنا تعشينا سلي ماكو على السفرة ومالها حس
سأل عليها عمي ايهم ..
ايهم _سلي وينها ؟
ام محمد _ ماتشتهي تأكل
ايهم _ هاي هن البنات دومهن مايشتهن ياكلن من ينصب الاكل وره ماينشال الاكل بساعة يجن
للمطبخ يبحبشن مثل البزازنين
هجرس_ماكلت غير الصدك عمي هههه
بارق_ كلهن هيج ههه
كملنا اكل وكعدنا نشرب جاي ادور عليها بعيوني ماكو مالها طك ولا حس تمنيت عمي ايهم يدز عليها بس مادز بقى يسولف وي ابو مصطفى على السيارات
عمي يريد يغير سيارته .
بارق بصفي داك رجوه “
لعابتك حليانة شوكت تفرجها وتجيبها لبيتك
_ماتجوز مني
_تعرف شوكت اجوز من ازفك عليها بهذلك
الوكت گول بارق جاز مني
_احلامك جبيرة
_كلش جبيرة وانه عندي يقين تام راح
تزوجها وتصير عروستك
_احنه شكلنا قبل ايام
_شكلنا كلت ماريدها وتعاركت وي جديتي يومين تلاث تصالحتوا وهاي انت موجديد ماعندك رأي ثابت هسه تجي عدنه يوميا تلاث تكب وتگول اريدها
_لاماريدها
_لعد تريد ختام ام ربع اردان هههه
_انجب هاي شنو
_ماطلعت وياك سلي ماريدها ختام ماريدها فلانه ماريدها لعد تريد منو رب الكعبة
_ماريد احد عوفني بالي مرتاح
_الرجال مايرتاح باله الا مستقر بحياته وانت مامستقر بحياتك فبالك مامرتاح
_منو گالت حياتي مامستقرة
_موجاي اشوف حالك كل يوم عركة شكل وامك بمكان وابوك بمكان ولعابتك بمكان نضم حياتك عزيزي وخلنه نفرح بيك وباستقرارك وخل نشوف
زعاطيطك شلونهم بلا هم مثلك ديناصورات
على گوله سلي ههههه
_ سلي تگول عليّّ ديناصور
_ههههه
_بارق هي تگول لو انت
_والله هي وهاا تگول شواربك يشبهن
شوارب ابو الزمير ههههه
_هاي شوكت گلتلك عليًّ ؟
_من جانت عدنه هذلك اليوم بس فدوة
لتگللها انه گلتلك
_بسيطة انه اعلمها شرشبيل
_دخيلك عوف البنية ترى من باب الشقه گالتها
_هي تعرف تشاقه دومها تحجي عليًّ وتنفزني تدري بي ماحب احد يتنمر على شكلي واطباعي
_عساني مكايل شورطني هسه وگلتلك
_تورطت
_الخاطري عوفها خطية
_هه
_هجرس
_اسكت صوتك عالي صار
_عوفها
_ماشي عفتها اگاك نعست اريد انام
_اي نام منو لازمك
_غير يفرشون
بارق_ عيني خاله ممكن تجيبولنه فراش اشو نعسنه
ام محمد _تدللون خاله هسه اجيبلكم فراش
كامت ام محمد كام وراها ابو مصطفى جاب الفراش فرشوا كملوا فرش رحت بفراشي تمددت تمدد بصفي بارق عمي ايهم طلع هو وياهم بره الاستقبال
يسوولفون عافونه براحتنا…
_من نرجع باجر بالليل نروح لمناوي
_مو قبل جم يوم عدهم
_امي تريد تروح تگول اريد اشوف وضعها شلونه
بعد ماجابت اخاف كايمة تشتغل والثكل
موزين على الجايبة جديد
_ومنو يشغلها العود مايخلونها تشيله بالبيت
_ وانه شمدريني غير امي
_تعال گلي اخاف موزينين وياها اعيالها ؟
_والله مادري
_شنو ماتدري گلي خوما موزينين وياها ؟
_والله مادري شبيك ماتصدك تلكه زله علمود تتعارك
_هسه اتصل ياسر وافتهم منه سالفة
_اي اتصل
جريت التلفون واتصلت بياسر رد بسرعة
سلام وكلام عادي بالبداية وراها
دخلت بنص الموضوع
_ياسر اجي وياك من البداية خوما تشغلون مناوي
_شغل شنو ؟
_شغل بالبيت
_لاوين اكون
_احجي الصدك اي لو لا
_وغلات يوسف عندي العود ماتخليها تشيله امي مدارينها مثل الماي البل صينية وثاني شي احنه شعدنه شغل هو كنس ومسح
وطبخ الطبخ على امي والتنظيف
اخواتي ينظفون
_دير بالك عليها خل يطلع اربيعينها
يلا تخلوها تشتغل بالبيت
_عمي صار تدلل عود ماخليها تشيله وحتى اكل اجيبه الها للغرفة شتريد بعد
_هذا اللي اريده
_صار تدلل انت وين هسه
_بغداد
_خير ان شاءالله شعندك بغداد
_اجيت احول السيارة
_هاا وين بتو بالفندق
_بيت عمي ابو محمد
_بيت الغالية ههههه
_انجب والك شنو هالكلام
_اروح فدوة للكلام غير جنها العافية واهل العافية بت عمك ابو محمد شنو جان اسمها .. مناوي شنو اسم بت ابو محمد هاي الرسامة
بقيت ساكت وعفته يحجي ويهمناوي ردت مناوي “
سلسبيل ليش تسأل ؟
ياسر _هذا اخوج عامود الكهرباء عدهم هسه ههههه
مناوي _والله
ياسر _اي والله
مناوي_انطينياه لعد خل احجي ويا
ياسر_هاج احجي وي اخوج الهيبة ههههه
مناوي_الوو هلأ فرقد شلونك
فرقد_هلأ مناوي ماشي الحمدلله بخير أنتِ
شلونج يوسف شلونه
مناوي_الحمدالله بخير اي سمعت بيت
عمو ابو محمد هسه
فرقد_اي
ياسر_فرحان الحبيب بشوفه الحبيبة هههههه
فرقد_مناوي من يمج ضربي على حلكه
مناوي_ههههه يشاقه وياك ههههه
ياسر_احبك امممح
هجرس _خررر…بيك ياسر ولك جوووز منيييي
ياسر_احبك هواي فرقودي ههههه
مناوي_ياسر كافي عيب شنو هاي
هجرس_هو يعرف العيب طايح الحظ
ياسر_والله احنه الضباط مانعرف العيب شنو ولا تبيع ثكل براسي ملازم فرقد وائل هههههه
هجرس_لا اله الا الله في امان الله
فصلت الخط بوجه مناوي منورة ياسر الحقير وانه اعلمه بالمركز الا اطيح حظه وحظ الخلفوه
باوعلي بارق
_شبي النسيب ؟
_طايح الحظ مثلك
_خلف الله عليك كلنا طايحين
الحظ بس انت بيك الحظ
_انجب بارررق
_شكد غثيث رب الكعبة صاير شبيك ماتعرف تشاقه
_شقاكم لعبان نفس
_مو لعبان نفس انت اطباعك لعبان نفس خل انام اشرفلي من الحجي وياك
لف راسه ونام بقيت اباوعله رجعت راسي للمخدة أفكر بدلشاد وصديقتها شنو بالهم يدور وشيردون منها ؟ بالضبط والمشكلة بيها هي
عوبة وجبانة وتسكت
وماتجيب طاري برغم تحرشت بيها اكثر من مرة ومنعده بالكلام هي ساكته وماتجيب طاري شخصيتها جدا مستفزة وجبانة
وانه اكره هيج شخصية
تذكرني بأمي تحملت كلشي وتمت ساكته وماجابت طاري لمادمرت حياتها وحياتي من وره سكوتها المهم ساعتين رجع عمي ايهم لف راسه ونام
بقيت اتكلب بفراشي يمين شمال وعركان منورة الحلم لشفته عن سلسبيل جانت واكفه بنص مقبرة وداير مدايرها كلها قبور مفتحه أبوابها
وهي ملابسها مشككة .
مزقة ‘ وسانده ظهرها وره قبر بناء طويل وقديم كله فطور وكدامها جلب أسود اعيونه حمرة دم وضخم وانيابة أطوال يحاول يتهجم عليها
هجم عليها وهي عاطت
وانه فزيت من الحلم كعدت مرتعب عليها وخايف لأن حالتها يرثا لها جانت وهواي متأذية وخايفة ومكسورة تعوذت الشيطان ” اعوذ بالله من الشيطان الرجيم بسم الله الرحمن الرحيم …
اللهم صل على محمد وآل محمد
كمت والعرك يصب بطولي صرت أمشي بالظلمة فتحت الباب وطلعت بوجهي بالصالة جانت الضوية مشعولة بوجهي للمغسله غسلت
وجهي وباوعت بالمراية
مخطوف لوني سديت الماي
ومشيت كم خطوة سمعت طكطكه بالمطبخ رحت امشي بحذر وكفت باب المطبخ شفت سلسبيل نازله بطرك التراك قصير
اسود ومخطط باللون الأحمر ….والشعر طويل نازل على كتوفها أسود وكاعدة تسوي لفة اكل دخلت
المطبخ وهي ماحست عليه .
_شسوين ؟
عافت من ايدها واندارت بسرعة مرتعبة “
اسم الله الرحمن منين
طلعت انت
_جنت كاعد وسمعت طكطكه بالمطبخ عبالي حرامي
_وين اكو حرامي يدخل بالمطبخ بدل غرف النوم
_محتمل دخل من المطبخ .. شسوين كاعدة ؟
_اجوز ماكعد
_لا بس شسوين نازلة
_هسه تحقيق فاتح وياي
_اي
_جوعانة ونزلت اكل
_اي اكلي من يمج انطيني كلاص ماي عطشان
_ماشي
راحت للبراد ترستلي كلاص ماي واجت مديت ايدي مانطته لي خلته فوك الميز وگالت
” اخذه بنفسك
_تخافين ؟
_اي مابيك أمان واحد متحرش
_هه
اخذت كلاص ماي بايدي شربته كله نزلت الكلاص هي بعدها تباوعلي شلت ايدي من الكلاص باوعتلها وابتسمت بخفه خافت كلش ورادت تطلع من المطبخ
بس ماتكدر انه كدام الباب واكف وساد طريقها “
عليك الله لايسوي شي ؟
_قابل شسوي ؟
_تتحرش بي مثل كل مرة
_وانتِ ليش تسكتيلي ؟
_اخاف
_هذا خوفج هو سبب دمارج وسبب تحرشي بيج ِ
_ماتخاف من الله تتحرش بي
_طبعاً اخاف من الله ومخلي بين عيوني بس أنتِ جبانة وضعيفة الشخصية وماعندج قوى الكافية علمود تحمين نفسج من غيرج وصايرة مثل
الفريسة السهلة ياهو اليجي ينهش بيج ويأكل بلحمج
_وانت اولهم
_اي
عفتها وطلعت عدل لفراشي أفكر بالحلم شنو تفسيره مقبرة واقبور مفتحه أبوابها وجلب أسود وهي خايفة ؟لصبح ماجاني نوم بس
افكر بالحلم وبيها .
ثاني يوم الصبح خلوا اغراضهم بالسيارة وكعدوا يتريكون انه مااكلت جنت ماشتهي او بالأحرى قلق نفسي صابني منورة الحلم لشفته
عن سلسبيل بالليل .
طلعت بره وديت غراضي للسيارة شفت سلسبيل واكفة وتباوع لصديقتها زهراء هي هم واكفه متخوصرة وتباوعلها فتحت السيارة
فزت وباوعتلي .
_وين ماروح الكاك كدامي
_مثل خيالج
_شتريد مني؟
_اريد اصحيج واقويج تعال اخذي المسدس من احزامي وارمي زهيرة الخاينة تعاي اخذي
شبيج صافن بي
_انت من كل عقلك دا تحجي؟
_اي والله روحي اخذي حقج منها ولا تخليها تگول دست على راس سلسبيل وضربتها ضربه قويه وخليتها تتوجع خليها هي تگول اكلت ضربه قويه
من سلسبيل وصرت اتوجع صيري القاتل
ولا تصيرين المقتول
_تريد تسويني مثلك
_لو تموتين ماتصيرين مثلي بس حاولي تاخذين شوي من اطباعي وتصيرين قوية وتوكفين بوجه كل
شخص يوكف بوجهج ويعاديج
_دا تحرظ بي
_للأسف ماكو فايدة وياج الجبان
يبقى جبان لو شسويله
عفتها ومشيت للسيارة خليت… الغراض ونزلت نفس المكان واكفه صاحبتها نظراتها كتلتني كتل صحت بيها من مكاني بصوت عالي
_يابة ماعدنه سينما تتفرجين عليها ولي مناا
_عزززة دا تسوي
_جاي ازيح الانظار عني اخاف من الحسد انه ماتمشين شبيج واكفه لو تردين اجي لعندج وافكس عيونج البكل وليييي
صاحت بي زهيرة”
واحد متخلف وهمجي
هجرس_همجي ومتخلف واحسن ماكون خاين ومثل الكحبة كل يوم بحضن واحد شكل كاعدة
وانقل اخبار العالم
زهيرة _ ادبسزز
هجرس_تولين لو ارميج
جريت المسدس من حزام خصري بسرعة هي من شافتني جريته فلتت لبيتهم ركض سلسبيل لطمت
على خدودها بأثنين ايديها
_عزززة العزاك تريد تبلينه وي بنات العالم
_متاكدة بت عالم هاي
_لعد بت شوارع
_اشك بت شوارع لان افعالها بس بنات الشوارع تسويها ماتسويها بت ناس وعالم يلا على
العموم طالعة تخبلين
_سالمين رجعنا
_لشنو؟
_افعالك القذرة عيب عليك والله عيب اللي تسوي
_مامسوي شي گلتلج حلوة طالعة
ومابيها شي هالكلمة
_شلون مابيها شي ؟
_دكافي بس عليًّ صايرة اسد وعلى
غيري تصيرين أرنب
_اني اعلمك الا اگول لجدو موسى عليك
_اللهم صل على محمد وآل محمد منين طلع القمر اليوم ولكم منين فهموني منين طالع
وهيج صايرة سباعية
_كافي تستهزء
_فاهية لدرجة تخليني اقرف منج
_وانت شنو لعد؟
_انه القوة وانه الشجاعة بعينها وافكس كل عين تحاول تاكلني بنظرها واكسر كل ايد تطاول عليه واكطع كل السان يحجي بيه مومثلج
كلشي اتحمل واسكت
كلت كلامي بعصبية ودخلت جوه بقت واكفة بمكانها ربي فهاوتها وجبنها موتوني وراح تسوي بي جلطة دخلت جوه بس شربت جاي
وطلعنا شفتها كاعدة
بالسيارة مطنكرة بوجهي لسيارة اجه عمي ايهم كعد بالصدر وبارق ليورة وعمي ابو محمد حرك قبلنا السيارة واحنه وراه مسافة
الطريق وصلنا للبيت نزلنا وهم نزلوا لبيتهم سلمت على الكل وكعدت بصف جديتي حلوة مطلت
وخليت رأسي بحضنها ”
هجرس _افركي راسي
حلوة _شبيك ؟
هجرس_دخت من الطريق
بارق_واكل ماماكل
حلوة_ليش ماماكل ؟
هجرس_مالي نفس
خديجة _هاي كله اثر الجوع هباوي
جدة سوي اكل لفرقد
هباوي_صار جدة
صارت تفرك براسي وانه بالي كله يم سلي ويم الحلم لحلمته بيها اخاف مسويلها شي اخاف احد مسويلها عمل شيطاني سوولي ريوك كعدت
اكلت شوي مالي نفس
صعدت فوك صعدت وراي جديتي حلوة تمددت بفراشي اجت كعدت بصفي “
_مو على بعضك
_حلمت حلم
_بشنو حلمت ؟
_بسلي
_شنو الحلم جان
_موزين
_يمة اخذت قلبي شفت بي ؟
_شفتها واكفة بنص مقبرة وداير مدايرها كلها قبور مفتحه أبوابها وسانده ظهرها على قبر بناء طويل وقديم وجلب أسود وحشي هجم عليها
وهي حالتها مو حال
جانت
_اعوذ بالله شنو هالحلم
_ماعرف گلت اتصل بالشيخ واستفسر عن الحلم
_اي جدة اتصال اخاف مسويلها
عمل لمايخافون من الله
_هو انه اشك
_حسبي الله ونعم الوكيل بكل شخص يسوي اعمال شيطانية ويأذي العالم البريئة
_ اللهم آمين
_اشوفك متأثر هواي بالحلم وماكل همها
_انه مار بهاي الأشياء وجانت جدآ صعبة وموجعة ماحب اشوف احد غيري يمر بيها
_ ان شاءالله لاأنت ولاغيرك تمرون بهذا الشي
_آمين تعبان جدة كلش
_من الطريق مامرتاح
_يمكن راسي صداع قوي صار بي
وجسمي متكسر تكسر
_سودة عليًّ جدة نام وارتاح
_اي
طلعت وعافتني الواحدي نمت … الظهر كعدت شوي صرت احسن وجوعان هلكان من الجوع بوجهي للمطبخ حميت الاكل لنفسي وكعدت اكل كملت اكل
غسلت المواعين ماحب اشوف وصاخة وخربطة بالبيت احب كلشي نظيف ومرتب مثل جدي موسى يكره الهوسة طلعت بره المطبخ كعدت بالاستقبال
اهلي الطير الطاير ماكو منهم كلها نايمة باوعت للساعة بالحايط جانت بال ٢ونص بقيت اقلب بالتلفون بملل راسلت ذياب وياسر
بالكروب جانوا كاعدين
وبالمركز بعدهم ماطالعين لحد الآن.
العصر طلعت …بره جداتي وامي راحوا يباركون لسلي على التخرج كعدت بحديقة المظيف بيدي التلفون راسلتني عدوية على التيليكرام تنقلي اخبار
حنين وآخر تطورات الي تصير
وياها اليوم بيومه تنقله لي .
_حنين ماكو خلفة
_شكو شبيها ماتخلف ؟
_اول گايلتلها الدكتورة عندج شحوم فوك الرحم سوي رجيم واضعفي والله ضعفانه كلش تدفعها تتكسر وهم ماكو خلفة محيرة الدكاترة
_اي كملي
_وعاد رايحين الشيخ كاشفلهم وگايللهم مايصيرلها خلفة لان حالفة كلام الله باطل
_حالفة كلام الله ؟
_اي والله حالفة كلام الله باطل واموت واعرف على شنو حلفت كلام الله باطل هل باطلة لماتخاف
من الله تحلف باطل
_شوف على شنو حلفت
_راح ابحبش وراها واعرف
_بحبشي ههههه
_ اي آخر أحداث وصلتني اليوم تگول متعاركة وي زوجها من وراك وصايرين ملخ
_من وراي ؟
_اي گايللها مو كتي زوجي مخبل ومريض نفسي لعد هذا الولد لشوفه كل ماجي لديالى اشوفه وكلشي مابي صاحي وتعامله وي العالم كلش حلو وراقي
وين الخبال بالموضوع وصايرين ملخ حتى ضاربها
_بربوك سوتني مخبل علمود يشفق عليها ويحبها
_هاي دروب البرابيك
_معروفات دروبهن وبعد شعندج
_رايحة زعلانة بيت صديقتها
_الله مايطك بحجار ينزلهن وحدة وحدة على الظالم
_ونعم بالله انت اخبارك شوكت تزوج انت وسلي
_ اتزوج من سلي ؟
_اي
_منو گالج ؟
_الكل تحجي بهالسيرة واصله الحنين حتى
_شنو اخباركم توصلوها بصاروخ ؟
_بوجود الانترنت الاخبار توصل بنفس
للحظة لآخر العالم هسه ماگلتلي
شوكت تزوج ؟
_اي حنين شگايله
_گايله هو جلب من البداية يحبها وتحبه
وجان يضحك عليًّ
_هههههههه
_صدك مو تحبها جنت ؟
_شعليكم انتو احبها ماحبها عليكم
بنفسكم ماشي يابة
_ماشي شوكت تدزلي الفلوس
_باجر الصبح ادزهن وي رحاب لبيت اهلج
_شكرا ماتقصر
_ماقصر وي اتباعي اي شوكت
تزوجين وي الكبل
_للعيد الأضحى
_مابقى شي
_اي ماتشوف اريد الفلوس بسرعة
علمود اجهز للعرس
_وهدية فوكهن الج
_شكد كريم فرقد صاير وياي
_مثل مانتِ كريمة وياي اصير كريم
وياج واكرمج قاطات
_تسلم ههه
_الله يسلمج عدولة
سجلت لايك للرسالة بعد ماردت دخلت انستغرام اتجسس على صديقه سلي زهيرة شفتها منزله عام صورة هي ودلشاد بمرسم وكاتبة عنوان للصورة
لا اريد شيئا سوئ ارواحا تشبهني افهمها وتفهمني وكفى!
أبتسمت وگلت بصوت ناصي “
وهالروح تشبهج طبق الأصل ماتفيدج ارواح نقية ونظيفة لقذرين للقذرين والنظيفين للنظيفين .
بارق وراي جان واكف ويراقب شفته بشاشة التلفون نزلت التلفون بسرعة ودرت وجهي عليه “
_هاااي شنوو بارق تجيسس عليًّ ؟
_ لاا شبيك انكرصت
_لعد شكو واكف وراي وتباوع بجهازي ؟
_توني اجيت والله وشفتك تباوع لهذا
الصخلة وهاي الهايشة وحبيت اباوع
وياك وصفك الهم يناسبهم
_مانطيت حس معناها تجسس علية
_لاوالله هذا انه امشي على روس
اصابيعي من امشي ههه
_جاسوس محترف
_من عاشر قوم أربعين يوم أصبح منهم
_قصدك عاشرتني وصرت مثلي
_وهاي انت گلتها هسه تجي
_وين ؟
_لبيت مناوي
_خالها على باجر العصر نروحلها
_خوب اليوم
_مابي حيل والله وراسي يوجعني
_ماصار زين
_لا
_اخاف هبوط عندك
_لانزول ههههه
_خرا بيك على هاي الدكة هههه
_ ضربه شمس وحارة وتدري بي
ماتحمل بسرعة اتمرض
_واضح بسرعة تتمرض گول اكو موضوع شغل بالي وجاي افكر بي وشعل راسي شعل مو ضربه
شمس وحارة حبيبي
_قابل شكو
_اكو هواي أشياء هسه ماگلتلي عليش داخل على حساب هاي الهايشة الأفريقية
_خوش لقب داكلها
_يناسبها
_اممم
_اي ماتحجي عليش داخل الحساب
_هي داخله شايفه استوري واستغربت منوهاي من دخلت حسابها طلعت الهايشة
الأفريقية على گولتك
_متابعتك
_لامجرد اكتشافات داخل
_ شتريد منك
_شدراني شتريد مني عوفك من
سيرتها واجلوا الروحة
_نأجل تعال خل نطلع للمحلات نشتري شي شياتين
_مابي
_ماطلعت وياك
_والله مابي شبيك
_اموت واعرفك شبي واضعك مخربط هل خربطة
_تعب وإرهاق وانه هالاسبوع هواي تعبت ومانطيت مجال للراحة
_يمكن صدك تريد شي اجيبلك وياي
_لاسلامتك
_إذا تريد اتصل بي
_ماشي
راح رجعت شلت التلفون واتصلت بالشيخ بسرعة ردت حجيتله عن الحلم وانطيته اسم سلي وامها ومواليدها واليوم والشهر لصايرة
بي گالي ربع ساعة
وارجع اتصل بي
انتظرت ربع ساعة واتصلت بي “
_البنية مسويلها عمل محبة
_محبة شنو ومن لمسوي ولد امريه ؟
_ولد أبيض اني وطوله عادي لاهو طويل ولاهو قصير وجسمه مرتب وشكله حلووقريب من البنية وعنده علاقه بيها قديمة يحبها ويريدها
بس هي ماتريده
_زين اقارب الها لو غريب
_غريب
_هاا زين شيخنا بس ممكن اعرف شنو نوع السحر وين مكانه وتكدر تفتحه من يمك لو
الا اجيبلك البنية
_السحر موجود بكلادة جيبلي
الكلادة مايحتاج تجيب البنية
_كلادة؟
_اي جايتها هدية بحفلة وهي
مافاتحتها ولاشايفتها جيبها
_عد عيناك اليوم بالليل عندك الكلادة
_انتظرك
_بالليل يمك شيخنا
_هاهي
_مرخصتك
_مرخوص ابني في امان الله
_الله وياك
شكي بمحله جان مسويلها سحر علمود تحبه ملاعين صاحبوها علمود يعرفون كلشي عنها ويعرفونبس مايدرون بي بالمرصاد كاعدلهم
اتصلت بجديتي حلوة وگتلها بالسالفة تخبلت وگالت هسه اجيبها الك اذا موجودة عدها
_موجودة عدها واسأليها عن هدية واصلتها بيوم حفل التخرج لو بغير يوم من دلشاد
_اي هسه اجريها على صفحة واسألتها
_ماشي انتظرج
سلي جواي جداتي ومرت عمو وائل باركولي بمناسبة تخرجي انطوني افلوس بدل الهداية ماقبلت اخذ گالوا بس ماتاخذين نزعل عاد
اخذت بس جديتي
حلوة لبستني سوار ذهب جان كلش حلو ونازك گالت اخذته الج انه وفرقد قبل كم يوم من سمعت بفرقد ضجت وردت ارده الها كالت من عندي مو من عدنه
اخذته وياي لان ماعندي احد ياخذني للسوك غيره عاد اخذته وبقيت لابسته جاها اتصال من فرقد كامت بره شوي ورجعت صاحتلي بره
طلعت وكفت يمها بالطرمة “
جايتج هدية بيوم تخرجج من
دلشاد لو صديقتج ؟
_اي بس ليش ؟
_فتحتيها وشفتي شبيها ؟
_لا
_روحي جيبيها لي انتظرج هنا
_خير شكو جدة
_روحي جيبيها بعدين اگلج شكو
_ماشي
خفت كلش من كلامها رحت للغرفة سديت الباب ورحت ادور بالكتور ادور على الجنطة لبستها يوم حفل التخرج لكيتها فتحتها طلعت
العلبة لجابها لي دلشاد هدية
بايد اخواته ردت افتح العلبة واشوف شكو بيها فزيت على صوت جديتي حلوة
فتحت الباب ودخلت “
_لا تفتحينها
_ليش؟
_انطينياها اريد
شكفتها من ايدي وبسرعة نزلتها بجيب
الدشداشة استغربت عليش
هيج سوت “
_جدة شكو ليش هيج سويتي واخذتي الهدية ؟
_هاي الهدية مسويلج بيها عمل محبة
_محبة شنو ؟
_سحر محبة
_يممممة منو مسويلي
_دلشاد منو غيره دزلج الهدية
_الله يلعنه شيريد مني ؟
_يريدج تحبي وتسلمي الكو والماكو من جسمج يالعوبة شلون تقبلين تاخذين هداية من العالم الغرب انه شحجيت شوصيت قبل فترة مو گلتلج اكل لا
تأكلين عدهم ليش هيج مهملة وفاهية
_واني شمدريني راح توصل ويا لهاي المواصيل
_توصل للنكس وي الزلم احمدي الله واشكري فرقد حلمان بيج وجاي كالي بالحلم وراح خابر الشيخ وكشفلج وكايل عليج عمل شيطاني
_هجرس حلمان بي ؟
_اي
_شنو الحلم
_انتِ بنص مقبرة وداير مدايرج قبور مفتحه أبوابها وجلب أسود وحشي هجم عليج والجلب الأسود بالحلم سحر والمقبرة كذلك لان مكان وسخ
_اعوذ بالله
_هذا آخر إنذار الج سلسبيل تاخذين هداية من العالم الغرب وتاكلين عدهم وانتِ تعرفين
عندج شي وياهم
_توبة بعد توبة إذا اخذ وإذا اكل
_ياريت تتوبين صدك
_والله اتوب هسه شلون يفتح السحر ؟
_گايله الشيخ جيبلي الكلادة وافتحه الها
_ليش هي كلادة
_گايل هيج الشيخ بعد مادري
_خل نفتحها ونتأكد
_ممنوع تفتحيها اخاف عليج وديري بالج تحجين لجنتكم ترى توصل الحجي لاخوج وتصير مشاكل وامج انه اگللها بالحجي مفهوم
_مفهوم جدة
حيله كله صار يرجف من الخوف ماجنت متوقعة بي يسويلي سحر علمود احبه واني اگول شجاني صايرة افكر بي ومرات احس نفسي غلطت بحقه
اثاري هنا الحجي لازكني بواحد الحقير وهذا هجيرس غضب اسود مال سحورة مايعبر عليه احد يسوي سحر إذا مايكشفه صدك يخوف
وكمت اخاف منه اكثر
اخاف رجعله الجن مادام كام يحس بوجود السحر ‘ امي وجديتي حلوة بره طلعوا رحت للمطبخ لحكتني
مرت فاروق طبكت بصفي وسألتني
_شكو سلي
_ماكو شي
_شلون ماكو شي وانتِ جنتي يمها ودخلت غرفتج بدون ماتدك الباب حتى وهسه اخذت
امج وطلعت بره
_فرقد داز إعتذار بايدها
_عتذار شنو
_عن المشكلة لصارت قبل فترة وعن
رفضه لي وحجه عليًّ
_شنو هذا صارت بي صحوه
_اي عرف نفسه غلطان ومحتمل جانت عليه ضغوطات نفسيه وانفجر بوجهي
_هو أصلا مريض نفسي شنو ضغوطات نفسيه
_أصلا كلنا مرضه مو بس هو هو
ياهو الصاحي بينه اريد
_خلف الله عليج سلي سويتينه مخابيل
_والله المخابيل أصحى من عدنه وتفهم وتعرف بالناس اكثر من عدنه أحنه مثولين وصاير
بينه مرض الثول والاعمى
_دا تدافعيله
_أمانه الله الولد خوش ولد ومحترم ومثقف ولليوم ماشفنه عنه شي ولاسمعنه بس جرح مشاعري يوم لرفضني وگال كلام واني أصلا لرفضت
اول يمكن سوالي
صحوه عقل وحسسني بلي حس بي يوم الرفضته
_هاا سلي نظرتج له تغيرت
_لاوالله هاي نظرتي له من يوم يومي واني اعرفه من صغره يحجي بدون وعي وهناك وين يندم ويعتذر الولد أعصاب ومن يتعصب
يصير يحجي بكيفه
وكلنا نفس الشي من نتعصب نصير
نحجي زايد بدون وعي
_والله شلون ماشوف معجبة
_معجبة شنو ؟
دخلت جديتي حلوة وامي وجهها مكلوب كلاب كعدوا قبل المغرب يلا راحوا من راحوا
اخذتني امي لغرفتها تحقيق وياي
_ليش ماگتي عن الهدية
_والله ناسيتها حتى هسه ذكرتني بيها جديتي حلوة
_دومج فاهية وعوبة احمدي ربج واشكري فرقد حلمان بيج وكشف السحر العليج لا والحلو جايبلها كلادة ذهب وبيها شذرة حمرة وهل شذرة
هي العمل الشيطاني
_صدك كلادة
_اي فتحتها وشفتها كلادة ونفس كلام الشيخ
_هذا شيخ لو غضب أسود
_الشيخ مضبوط وهو لخلص فرقد من الجن والسحورة لجان عليًّ من قسمة وربعها حتى فلوس ماقبلت تاخذ جديتج علمود تفتح السحر عنج
_ هو شكد ياخذ
_آخر مرة فتح سحر على مرت اخوج اخذ ٣٥٠الف
_مرت اخوي ياهي منهن؟
_ام زيودي
_منو مسويلها
_جنتهم منو
_اعوذ بالله هذني شنو من بشر مايخافن من الله
_وهي لتمشي بدرب السحورة تعرف الله تعرف رسوله علمود تخاف منهم اني راح اگل لابوج ماضم عليه سالفة اخاف باجر صار ماصار هم
يگول ضميتن عليًّ
_اي گليله
رجع ابوي المغرب هو واخوي فاروق گالت امي بس لأبوي ماحجه وياي لان فهمته وره العشة راح لبيت جدو موسى الواحدة اكيد راح
يستفسر عن الموضوع
أكثر المهم رجع عالساعة بال١٠ بالليل رحت يمهم گال فاتح السحر عن سلسبيل كلت الفرقد شكد اخذ مكال ولا جاب طاري وكال خلهن عليًّ عمي وعتبرهن
هدية تخرجها حاولت وياشكد ماقبل
والله خجلت كدامه
امي_ لاليش تخجل ماكو داعي تخجل هذا هو من يوم يوما كريم ويحب يساعد واحنه موغربة اهل وماكو بيناتنه خجل لو زعل
ابوي_اي بس ..
امي_عادي عتبره أخوها وفتح
عنها العمل ودفع الفلوس
ابوي_هو هم گال عتبرني أخوها واناه.
معتبرها مثل اختي الصغيرة
سلسبيل ضجت من گال معتبرني مثل ….أخته لو صدك معتبرني اخته مجان تحرش بي وراد يتزوجني زواج متعة هذا هم مثل دلشاد بس الفرق مايمشي
بدرب السحر والشعوذة ويتخبل منهن لأن صارن بي .
المهم ثاني الصبح اجتنا جديتي حلوة جايبتلي ثلاث ابطاله ماي ورد وبيهن ورق گالت هاج اسبحي بالماي وكل يوم تسبحين بطل وهاي ثلاث أوراق
كل يوم وحدة تبخري بيها المغرب
وي غروب الشمس
سلي_مال شنو هاي ؟
حلوة_مال تنظيف جسمج من السحر العليج
سلي_ليش موفكيتوا
حلوة_هو بس هذا من صخام
براسج اكثر من عمل بيج
سلي_شلوون
امي_الحيوان مسويها معبد مال سحورة الله ينتقم منه ومن زهيرة ام الولد ام السحورة حسبي الله
ونعم الوكيل بيها وبي
سلي_حسبي الله ونعم الوكيل بيهم
حلوة_وهذا هم لبسي بصدرج
سلي_حجاب
حلوة_اي يحميج من السحر اخاف
يسوولج بعد مايأثر بيج
سلي_شكراً جدة والله ماعرف بيش اجازيج
حلوة_ لا تشكريني جدة انتِ هم حفيتي ومعزتج من معزة فرقد والي يضرج يضرني ويأذيني
امي_ربي يحفظج النه يارب
حلوة_ويحفظكم لي يلا روحي اسبحي بالماي
وعلكي الحجاب بصدرج
سلي_ان شاء الله جدة
بقت عدنه كعدت مرت اخوي والجهال اخذتهم وراحت تسويلهم ريوك واني رحت سبحت وعلكت الحجاب بصدري وطلعت كعدت يمهن
مرت اخوي تباوعلي
مستغربه ريحة الماي الورد لبي
مرت فاروق_سابحة بماي ورد
حلوة_اي انه گتلها اسبحي بماي ورد ينشط خلاية الدم ويريح الجسم خطية هواي تعبانة
بهاي الفترة
مرت فاروق_اول مرة اسمع هيج
حلوة_وهسه سمعتي وروحي اسبحي وارتاحي
إذا تردين الراحة الج
مرت فاروق_لاماريد
حلوة_لعد اسكتي وكافي اسأله…سلي جدة
سلي _هاا جدة
حلوة_ اريد منج ترسمين رسمه
لجدج موسى تعرفين مو
سلي_اي اعرف
حلوة_ارسمي عود
سلي_ان شاء الله ارسمه عندي صور له
حلوة_اريدها حلوة وخليلها ألوان
سلي_صار تدللين جدة احلى رسمة راح ارسملج
حلوة_مايدلل عليج ظالم
وره فترة راحت اجت مرت فاروق تسأل تحب تدقق بكلشي وتعرف طبعها حشوري ماگتلها وگتلها هي گالتلي اسبحي بالماي ورد علمود ترتاحي
واني سويت مثل ماگالتلي وصدك احس براحة وفرق
مبين عليها ماصدكت المهم الظهر ماجاني نوم كلت خل اكعد ارسم بجدي موسى مثل ماطلبت مني
جديتي حلوة واجت بالي … ارسمهم وي بعض عندي صورة الهم حلوة بعرس هجرس اخذتها بوقتها خليت السماعات باذاني على اغاني نور الزين تكطع القلب
أغانيه وغصب ماعليك تحسسك ماكل بوري معدل بالحب المهم اخذني الواهس بالرسم ماحسيت على روحي ايدي خدرانه وكفت رسم اباوعلها
كملت بس يحتاجلها تلوين والتلومين ياخذ فترة ساعات وهي الرسمة اخذت أربع ساعات واني مادري بروحي بلشت بيها من الساعة بال١
ونص وهسه بال٤ ونص
أخذت الها صورة ودزيتها البارق “
بارق شوفها لجدة حلوة
رد بسرعة “
عليج الله منو رسم هالرسمة
_اني
_والله انتِ
_لعد منو يابارق
_هاي انتِ رسامة محترفة
_مو درست فنوف جميلة ومعلمة فنية شلون
ماعرف ارسم يابارق
_فنانة مبدعة رائعة سلي
_شكراً على المدح جميل
_بس تكملين الرسمة اريدج ترسميني انه
وسيفو .وهباوي الخبلة
_تدلل بس تكمل ارسمكم
_مايدلل عليج ظالم
سجلت لايك للرسالة وطلعت اصفح على الانستغرام نشرت صورة عادية استوري وكتبت عليها مقالة ” اكو ناس مثل العلچ ، بالبداية حلو و بعدين
تحتار بأي حاوية تذبه !
تقصدت انزل هيج منشور علمود أغث دلشاد وزهيرة اكيد يراقبون حسابي واني ماحظر احد خلهم يباعون بحسرة واني اعلمهم منا وجاي بقيت اصفح
بالانستغرام وصلتني رسالة قلبي نبزني من دخلت قائمة الرسائل طلعت من هجرس فتحتها
كاتب ” خوما علينا؟
رديت “
وانتو شعليكم ندخلكم بالقصف
رد بسرعة’
عبالنا علينا كلنا علمود نشمرها برمانة
ونهدم بيتها فوك راسها
_اعوذ بالله منك ولك شنو من بشر أنت
_بشر مسالم
_استغفرالله العظيم واتوب اليه
_شبيج يالعوبة
_لتگول عوبة
_والله عوبة وفاهية وياهو ليجي يضحك عليج
_اولهم انت تضحك عليًّ
_اي شسويلج لكيتج على كمش على كد ايدي
_انت شنوووو؟
_حظر
لطشني بحظر هذا شنو من بني ادم حظرني قبل لا احظره شنو عرف بي راح احظره ضجت من حظرني ردت اني احظره وسبقني
المهم وره العشة
كعدت الون بالرسمة كل ساعة جايني واحد من اهلي دا سوين دا سوين ماكملت ماكملت بزعوني بروحي تبزع اخر شي عفت الرسمة وكمت غسلت
وطلعت بره وكفت يم الطرمة شفت بزونة بيضة وسودة نايمة جوه الشجرة صحتلها
“ميووو تعالي ياحلوة تعالي
فزيت اني والبزونة على صوت صياح هجرس مدري شبي متعارك وصوته رعيدة وترعد كمت اباوع عليهم بس بيناتنه الحايط سمع بي يگول
_هذا اخر حجي عندي
هذا شبي
عمو وائل _شجاك وتخبلت
جدي موسى_هو مخبل ويسويها اقبل وجفي الشر
هجرس_منا الباجر العصر منطيكم مهلة لو اي لو لا
بارق_شلوون بيك أنت ايدك والتهديد
هجرس_بارق لا تدخل وصلت حدها اليوم مليت انه كل ساعة بيت كاعد اريد ارتاح واصفي بالي إلى
متى ابقى معلعل ومشلوع قلبي
جدي موسى_انعل امه وابوه لمايگول موحقك وائل تقبل وغصب على راسك اريد وانت روح نام
زردومك راح يطك من الصياح
هجرس_مواليوم باجر ضاربني سرطان بزردومي منوراكم تجبروني اعيط واصيح ليش
عاط عيطة البزونة طفرت الحايط حيلي كله صار يرجف كمت اطكطك بسنوني من الخوف صارت هوسه عدهم كلشي مافهم خليت ودخلت جوه
عاد بالبيت ماكو أصواتهم مبردات مشتغلة والبنكات وسبلت بالاستقبال بقيت بقلق نفسي على شنو تعاركوا وعلى شنو يهدد هجرس بابوه
ومشلوع قلبي
اجت بصفي كعدت مرت فاروق “
اگلج بيت جدو موسى شبيهم متعاركين اعياط
وصياح واصل لسابع جار
_مادري
_جنت بالبيتونه وسمعت عياط وصياح وفرقد
تخبل ماعرف شكسر بالبيت
_والله
_اي والله عبالي تدرين
_لامنين ادري جنت بغرفتي ارسم
وتوني طلعت كعدت هنا
_الله اعلم شكو خل اگول العمي
_لتگولين
_عود ليش ماگول
_عيب هسه تاكلين رزالة منه
_على شنو اترزل
_هسه يگول موعيب عليج تجسسين على الجوارين وكل بيت وله أسراره واحنه ماعلينا بيهم
الله يطبهم بالرحمن
_انتِ هيج تگولين
_ايي
_ماگول لعد كملت الرسمة
_لايحتاجلها يومين يلا تكمل
_شدعوة
_اي مو الرسم لعب جهال ياهو ليجي يرسم ويكمل رسمة بيوم واحد الرسم يحتاجله تركيز وتدقيق وتلوين ياخذ وكت طويل بكل رسمة
والرسمة لرسمتها
جبيرة موصغيرة طولها متر
_اممم اروح انيم الجهال يلا ماما كوموا خل نام
كامت من يمي ماعرف شبيها صايرة هواي تدخل بي وبابسط الأشياء اني اتخبل من احد يتدخل بي هاي اهلي ماحب يتدخلون بي ويگلولي سوي
هذا ولاتسوي هذا
اني اعرف نفسي واعرف اللي ينفعني ولماينفعني
تخبلت على ابوي خبال طلعت أسوء مافيني كدامه كمت اصيح بصوت عالي حسيت زردومي راح ينفجر من الصياح الظهر كضيتها اعياط وصياح على امي
اريدها تقبل ترجع لأبوي وهي ماتقبل هددتها بس ماتقبل مالي خط رجعه لعدها وبعد لااعرفها ولاتعرفني وابوي نفس الشي مايقبل برغم
مرته موافقة وماعدها مانع
الا هو مايقبل صرنا ملخ وكسرت طبلة كزاز بنص الصالة “آخر إنذار الك لو تقبل لو اعوفلك البيت واهج من المنطقة كلها واروح اعيش بغداد
واخلي شوفتي حسرة عليك بالقرأن
ابوي_تالي عمرك تتخبل
جدي_الولد يريد امه جيبله امه وجفي الشر ليش تخلق مشاكل وتخرب بينك وبين ابنك الوحيد عندك
العشر ولد اشو بس هذا الولد
حلوة_ وائل اقبل وجفي الشر
سكت ابوي مارد راح للغرفة ضايج مني راحت وراه امي على الله تقنعه صار عندي الم مو طبيعي بركبتي احس سجاجين وكامت تكص بلحم اركبتي
جدي_ارتاحيت هسه
هجرس_مارتاح الا يوافق
حلوة_يوافق بس امك شلون
هجرس_ماعليكم بيها خل يوافق
هو والباقي كله عليًّ
خديجة_ هاي امك لعبت بيك وبنفسها منورة سكوتها
هجرس_هو شيعم على الواحد غير سكوته
بارق_ هباوي تعاي لمي الكزاز اخاف واحد يتأذى
كعدت كعدت بصفي جديتي حلوة هباوي وبارق لموا الكزاز من الكاع جدي كاعد ويباوعلي ربع ساعة
طلعت امي وگالت
امي_وافق شوكت يعجبك يكطع مهر على امك
هجرس_ خل اتصل بأمي واردلج الجواب
امي_ماشي
گالت كلامها وراحت مامبين عليها ضايجة ولاشي عادي عدها محد حجه ولاجاب طاري صعدت لغرفتي لزمت ركبتي بايدي اريد الألم يوكف
مايوكف دمرني دمر
بس هذا الشي مامنعني اتصل بأمي كعدت بألم اتصلت بيها بسرعة ردت ” الوو هلأ يمة
_هلأ بيك شلونك ؟
_موزين
_شبيك يمة ؟صاير وياك
_ترجعين لابوي
_فرقد هم رجعنا لنفس السيرة
_ترجعين لو لا
_يمة شبيك متخبل ليش تخلق مشاكل بين ابوك ومرته خطية حرام عليك تخرب
بيناتهم منورة امك
_هي قابله وهي گالتلي قنع ابوك وامك وخل يرجعون لبعض علمودك وافقي ولا تكسرين
بي مثل.ماكسرتي بي قبل
_اوووف
_وافقي ابوي وافق
_شوافق ابوك ؟
_يرجعج
_ناوي انت
_اي لو زواجكم لو تحلمون تشوفون طولي بعد
_ وتالي
_وافقي
_اوووف يمة شمرتني بنص النار لا اكدر
اطلع ولا اكدر احترك
_وافقي
_شگلت
_اي لو لا
_ اففف ماتغير رأيك
_بس الموت يغير رأيي
_بي ولابيك الموت يمة
_لعد وافقي وتعاي عيشي وياي بنفس البيت
_لا تكدر تعوف اهلك ولا تكدر تعوفني
_اثنينكم صعب علية افراقكم اريد اجمعكم داير مدايري واشبع منكم شوف
_يمة شبيك كلامك يخوف
_لامايخوف طبيعي هسه وافقتي لو لا
_والله مو بنفسي اوافق وارجع بس شسوي
مابايدي حل غير الموافقة
_راح اتصل بخالي نجم وگله
_بكيفك بعد سوي ليعجبك
_هاهية روحي ارتاحي هسه والصباح رباح
_تصبح على خير
_انتِ من اهل الخير
سديت الخط منها رجعت اتصلت بخالي نجم رد بسرعة حجيت ويا وفهمته بالسالفة ماعنده مانع ولا أشكال گال هلأ بيكم بيى وقت تردون
گلتله باجر العصر
جايبين الشيخ وجايين
_كل الهلا بيكم
سديت الأتصال منه ونزلت كلت الجدي والجداتي رحت لابوي بالغرفة گلتله باجر نكطع مهر وره يومياً
اجيبها گال سوي ليعجبك .
رجعت لغرفتي اريد أنام ماكدر أنام… من الألم لصار بي كمت اخذت علاج مسكن نفس الشي مايروح الألم لوجه الصبح كاعد عيوني حمرة دم
واحس بدوخة وحرارتي مرتفعه نزلت رحت لهباوي اخذت منها كمادات لزكت بظهري وبصدري واخذت علاج حتى ريوك ماكلت أخذت فاروق ورحت للمركز
احس شوي احسن وحرارتي نزلت نص الدوام وتخربطت أوضاعي تماماً كمت النفس كوه أجره بس كابرت مابينت الهم مريض وحالتي زفت صايرة
بقيت كاعد على نار اعصابي كل همي اليوم ابوي يتزوج أمي إنتهى الدوام خليت فاروق يسوق بدالي مابي حيل اسوق احس ايديه مخدرات
_وضعك مو موزين
_فلاونزة
_فلاونزة بعز الصيف
_الغرفة باردة جانت بالليل
_خل أخذه للمستشفى بطريقي اجيبلك علاج
_مايحتاج عندي بالبيت
_ماشي
مسافة الطريق وصلنا للبيت راد ينزل وياي للبيت ماقبلت وگلتله مابي شي صرت احسن هسه اسبح وترتاح عاد قنع ورجع لبيتهم توني دخلت
لكيت عماتي اثنينهن
عدنه _ ياهلا وغلا بفرقد شلونك عمه
فرقد_هلا والله بالغاليات زين انتن اشلونجن اخبارجن عاش من شافجن والله
اجني حضنني بوستهن بناتهم هم جايات والولد هذني عماتب اخوات أبوي أصغر من ابوي والصغيرة عمرها ٣٧ سنة وحلوة وتخبل تشبه جديتي حلوة طبق الأصل وتنطي شبه لسلي هم بالعيون .
جايات يحظرن خطوبة ابوي من امي شكد ضحكت وياهن ابوي كاعد بصفى جدي يصنف عليه امي كاعدة يم جديتي جوري وتضحك
ماتوقعت بيها راح تفرح
لي وتقنع ابوي يرجع امي لو غير وحدة ماقبلت وسوت حرب وراحت زعلانة لبيت اهلها ترخصت منهم وصعدت فوك سبحت وتمددت
لازم ركبتي احس الالم
نزل على صدري كمت أخذت علاج ورجعت للفراش بسرعة استسلمت للنوم العصر كعدني بارق كعدت مثول راسي احسه راح ينفجر من الألم لبي
صدري احس بي نار ومشتعلة ركبتي كذلك نار وتشتعل جسمي حرارته فول
بارق_شبيك؟
_مابي شي عركان جهزوا لو لا
_اي بدل وتعال
_ماشي
نزل وعافني الواحدي رجعت راسي للمخدة اجر النفس بالكوه مختنك احس جبل ونايم فوك صدري كمت بي مابي بدلت ردت اتخربطت
وظلمت الدنيا بعيوني
لزمت الحايط بيدي وسندت ظهري عليه اجر النفس بالكوه اندك الباب وراها انفتح دخلت
عمتي عذراء “
_وين صرت عمه
_هاي كملت
_شبيك
_مابي شي
_شنو مابيك شي عيونك ذبلانه
_توني كعدت من النوم
_مريض
_فلاونزة
_ اخذت علاج
_اي اخذت
_حرارتك مرتفعة
_شوي
_شنو شوي وجهك أحمر طماطة تعال خل اشوفك
بعدت عنها “
مابي شي يله انزلي عمه راح نتأخر
_خل نتأخر تعال خل افحصك
_ادري ايدج جهاز مقياس حرارة هههه
_تعال ولك وين رايح
بعدت عنها شلت التلفون وسويج السيارة والمحفظه بيدي وطلعت قبلها ماريدها تلمسني وتشوف حرارتي
تحرك ايدها حرك بس تلمسني
_ولك وين رايح فريقد تعال خل اشوفك
_اهووو هسه غير لزكة وياج
عوفيني عمه شتردين مني
_افحصك
_ادري دكتورة وتفحصيني
_بس اشوف حرارتك
_هو هذا انه يوميه حامي ههههه
_استغفرالله عناد على ابوي طالع
صاح بيها ابوي”
عليمن ولج تحجين
_فرقد طالع عناد مثلك
جدي_انجبي والج شنو عناد
عذراء_ بدون زعل يابة انت عناد وهذا طالع عليك
جدي_وليش ماتگولين طالع على امج عناد
عذراء_امي رب العناد هههههه
جدي_ خلص لعد انجبي
صارت تضحك ضحكت وياها ونزلت تذكرت المسدس نسيته ردت ارجع اجيبه شفتها واكفة لي وتباوعلي تريد تجي لعندي بس تجي تكشفني
رحت للمطبخ فتحت الثلاجة
طلعت كمادات اربعة اخذتهم وطلعت صعدت بالسيارة قبل الكل لزكتهن بجسمي عدلت ملابسي اجت يم السيارة عمتي
_ لزكت كمادات
_اي
_عود ليش مالزكتهن بالبيت ولزكتهم هنا
_ماريد اقلق الكل وخلينه فرحانين برجوع امي
_زواج اهلك اهم لو صحتك
_طبعا زواج اهلي
_انت مخبل اكو احد يهمل صحته
_شبي انه الاسد ياكل بي سنة ماخلص كلتلج فلاونزة يله تعال اصعدي وياي بالسيارة
_لاعيني ماصعد وياك هسه تتويني بنص
النهر وانه بعدني بعز شبابي
_اروح فدوة للشباب هههههه
_نزول على قلبك ههههه بارق عمه
تعال سوق بدال فريقد
بارق_ تدللين عذورة
عذراء_ يلا انزل
فتحت باب السيارة ونزلت . صعد بدالي بارق اجت ويانه هباوي وسيفو وجديتي حلوة لمحت سلي واهلها بسياراتهم هم اجوي اريد اشوفها
زين ماكدرت بسرعة
صعدت بالسيارة وماشاء الله عمامي كلها اجتي وعماتي زفة عرس صارت موخطوبة وصلنا بيت خالي نجم حسب طلبه يجون يخطبونها من بيته وحسب شروطه
الزلم بالمضيف والنسوان جوه انطه شروطه ماعليها بمرته واطفالها وياها تريدهم وافق جدي على كل الشروط وره فترة كطعنه مهر
كمت باركت لابوي
حسيت ابوي فرحان بس جاي يمثل علينا وبايع ثكل شوي وطفرت للبيت شافوني بنات خوالي طفروا بسرعة جوه البيت دخلت بدون كلام ولا دك الباب
متلهف اريد اشوف امي ويه دخلتي للاستقبال البنات صارت تطافر الأغلبية ماكو احجبه صاحت عمتي عذراء ” عزززة العزاك دخلت جفت
ارجع ارجع عيب البنات
هجرس_ اسد عيوني واروح عدل لامي ههههه
عذراء _استغفرالله
هجرس_وهاي تحجبوا يمة وينج ماشوفج
خالاتي ضحكوا وصاحوا بصوت واحد “
هوينها امك تعال هههههه
شفت امي كاعدة لابسة دشداشة جويتي ام التطريز وطالعة حلوة تخبل رحت باركتلها من شافتني صارت تبجي حضنتها مامصدك رجعت لابوي
وراح ترجع لعندي
شوي وهدت اجوي اخواتي يركضون لعندي فاطمة وعلي يحبوني ويموتون علية فاطمة حست بي مريض شاورتني وگالت
_مسخن ؟
_لا حارة
_والله مسخن
_ولج لا جنت بره وحارة
_هاا لعد ليش خدودك حمر
_استحيت من البنات الحلوات
_ههههه
ترخصت منهم وكمت صارت كدامي سلسبيل جانت لابسة فستان بيجي طويل وحجاب كامل كالعادة حلوة وتخبل من شافتني اباوعلها راحت
يم عمتي عذراء وكفت
عمتي رفعت تك حاجب لي هسه اتلاطش وياها عفتهم وطلعت يم الزلم تفقوا بعد يوميا نجي نأخذ امي خالي گال الا كطعان مهر محكمة يلا انطيها
جدي گال سهلة باجر يجون يكطعون مهر محكمة
ابوي گال اريد أشوفها عمامي الصغار والولد يضحكون بارق خرب من الضحك مايدرون
بي جنت يمها قبلهم
عاد كام هو وجدي وعمي ايهم وبارق وانه رحنا للبيت شافها وحجه وياها من يحجي وياها عيونه تلمع وانه عيوني وكعت على امي
الثانية فرحانة وتضحك
تحجي وي سلسبيل اموت واعرف عليش فرحانة هل كثر ولا مهتمه رجلها رجع مرته الأولى فترة ورجعنا عمامي وعماتي راحوا بس بقن عماتي الاثنين وبيت
عمي ايهم وعمي ابو محمد
مناوي اتصلت زعلانة ليش ماخذتوني
ليش فرقتوا وعفتوني
_بلا زعل جايبة عملية والطريق طويل وسيارة نخاف عليج عود من تجي امي جيبي
رجلج وعمتج وتعالوا
_شبي كلشي مابي
_كلت لا موزين
_اهووو والله زعلانة موعدل
_لاعدل انه گلت الياسر مايگلج
_اليوم خل الزم ياسر واعلمه شلون يضم عليًّ
_بعد بيتي طيحي حظه
_خل الزمه
_خفارة هههههه
_مايرجع قابل
_لايرجع هههه والله يل نسوان عدجن سوالف
_مو تدري بي لاحفلة ولاطبعة وطلعة كارهه الحياة
_اي موحامل جنتي ويخافون عليج وهسه جبتي عملية عود من يطلع اربعينج اشبعي طبات
وطلعات بكيفج
_يموت الزمال لما يجي الربيع
_هههههههه
_والله شبيك تعالوا اخذوني مليت
محبوسة بالغرفة
_عد عيناج باجر ادزلج امي تجي تأخذج
_انتظرك ترى
_ولايهمج مناوي يوسف شلونه
_شلونه شالع قلبي شلع بس يعيط مثل ابوه
_ماكلتي غير الصدك ههههه
_اي والله هاي بدت رحمة الله ويا
كام يعيط
_روحيله خطية
_هو اروحله دير بالك على نفسك
_وانتِ هم باي مناوي
_بايات قلبي
شمرت التلفون فوك الجرباية بوجهي للحمام شمرت الكمادات وسبحت بماي بارد شوي احس احسن صرت طلعت لبست دشداشة ونزلت جوه
البيت هوسة جهال واعياط وصياح سلسبيل كاعدة يم جديتي حلوة ولازمة راسها جاي تقرأ عليها فزيت من عمتي خلت ايدها على ركبتي تفحصني
_عممممه
_لاكلشي مابيك
_جاي تسوووين ؟
_افحصك عامود الكهرباء ماوصل لكصتك عاد
افحصك من ركبتك ههههههه
الكل صار يضحك عليها نفخت هوى وطلعت بره من تجي تطيح حظي وإذا بارق يطبك وياها خلص
بعد انتهيت يطيحون حظي
وره الصلاة شوي صرت احسن وراحت الخنكة وحرارتي نزلت صح مسخن بس مومثل قبل نار واشتعل أخذت علاج طلعت شغلت جكارة
اريد ابرد نار قلبي وجع ركبتي
لكيت سلسبيل كاعدة وبايدها التلفون تخابر كملت مخابرة وكامت من شافتني صافن بيها
انزعجت وگالت “
_أنت ليش تباوعلي ؟
أبتسمت بوجهها وأخذت نفس طويل من الجكارة ورجعت نفخت الدخان عليها جانت بعيده
عني بعد أمتار قليلة
_ لتلومين نظراتي لومي جمالج
_الله ينتقم منك شرايد مني
فصول الرواية: 1 2