رواية الهجرس الفصل الخامس 5 بقلم رواء هادي – للقراءة المباشرة والتحميل pdf
_هههه شبيك هجرس ؟
_جديات ضحكتج حلوة وتشرح القلب شرح
وكفت ضحك غيرت ملامح وجهها بسرعة صارت باردة كتفت ايديها وگالت ” كافي غزل مو عبالك هذيج الطفلة وتكعد تتغزل بيها وهي فرحانة
_أنتِ أنتِ وبعدها هذيج البراءة
مرسومة بوجج رسم
_ صح وجي بريىء بس قلبي لا
_ولايهمج اربي الج واسوي بريئ مثل راعيته
_الله عليج وين رحتي وعفتيني
_هاي شبيك هجرس نازل بي غزل وعتاب
_ ماعرف من اشوفج يتخربط وضعي والكلمات
غصب عن لساني تطلع
_ضب السانك منا وجاي
_حاول تضبه لأنك راح تزوج الزركة هههه
_خوب زروكتي كاتلتج كتل
_من الله ماحبها ولاحبك
_انه شدخلني ماتحبيني
_نسيت شسويت بي
_لاخطية كلشي مامسوي رزاتني رزالة مال غسل ولبس وهنتني ومسحت كرامتي بالكاع مسح بس موصوجك صوجي أني الغبية الثولة لجنت
اجي وأسأل عليك بوقت محد جان مكلف نفسه ويسأل يلا عالعموم ” ألف مبروك برفاه والبنين ان شاءالله تتهنى بزواجك من الزركة وتخلف عشيرة مال جهال مثل جدو موسى
كلمة وحدة ماطلعت ماعرف شجاني ….وقلبي وغزني وغزة قوية وضاق صدري ختنكت النفس بالكوه صرت أجره راحت من يمي كل ماتبعد
أحس الخنكة تزود بي