سلي مخنوكة من البيت وتريد تطلع بره
رواية الهجرس الفصل الخامس 5 بقلم رواء هادي – للقراءة المباشرة والتحميل pdf
هجرس_ اطلعوا بس لا توصلون المضيف
قبل لا نطلع كامت امها طلعت ويانه سلي صارت تبجي من شافت امها حضنتها خطية انكسر قلبي عليها هي مالها ذنب وتعرف بحال فرقد شنو
وبي مس خافت لا يتخبل علينا بالحنة وطفرت قبل الكل سدت الأغاني وعلكت قرأن كريم وقسمة سبتها سباية هديت شوي وامها وصتني بيها ودخلت
جوه بقينه كاعدين حبيت ألطف الأجواء…
_شعجب طلعتي من الثالث ؟
_مالي خلك بالدراسة والدراسة صعبة يحتاجلها خلك وأني خلكي صفر عاد طلعت من الثالث
وقدمت معهد معلمين
_الله يوفقج وأنتِ شعجب تركتي
_والله حالي من حالج مالي خلك وصلت
للسادس أدبي وتركت بعد
_أنتِ مو بعمر هجرس
_مو راضعين سوية ؟
_اي هو اخونه بالرضاعة
_اگول أنتِ هنا بالبيت وياهم
_والله مادري أنتو راضعين سوية
_هو راضع من صدر أمي لأن امه من جابته صدرها يابس مابيها حليب وامي رضعته وياي
_وجان يخبث على امج هههه
_مو يخبث يحجي الصدك ومايحب يشوف خطأ بالبيت وجدي مخلي مراقب بالبيت لذلك شيصير بالبيت ينقله لجدي بحرف الواحد
_اي عمرج ٢٣ سنة ؟
_أنتو بنات قاصرات وتزوجونهن شعجب ماخذتي ؟
_ماريد من ولد عمامي ولا خوالي اريد غريب
اريد اطلع من العمام والخوال