رواية الهجرس الفصل الخامس 5 بقلم رواء هادي – للقراءة المباشرة والتحميل pdf
_وحنين خوما ولت وي امها؟
_ماكو شيث ولت هي وبناتها واختها وجناينها وحنين كاعد بصفها فرقد يقنع بيها
_أصلا هاي دراما سوتها هي تحبه وتموت عليه عاندت اهلها واخذته تردينها تعوفه بالليلة الحنة علمود امها والله بطرانه سلي
_ الله يطبهم بالرحمن بس مالي ذنب وعيب هيج سوت أني خطار اليوم وباجر مولية لبيتي
_هاي وحدة ماعدها إحترام للعالم ولنفسها هسه حلوة ضربوها وهانوها وطردوها من البيت
_يلا خل تولي مسحي دموعج وكومي انزلي
مسحت دموعها ونزلنا بالقاط الثاني راحت للمغسلة غسلت وجهها رسمت ضحكة على شفايفها ونزلنا الأجواء سكته جانت وعمتي خيرية
وامي سراب يجرون
جكاير ويضحكون هم يتخبلون ……من قسمة من أيام قبل وهسه كتلوها وطردوها سونها حفلة من صدك فرقد كاعد بصف حنين مطنكرة
خزرتنه حنين سلسبيل جلبت بي ”
هاي شبيها ام عيون البكل
مناوي_لتخلين بالج يمها
سلسبيل _أني ماخاف منها بس أخاف من اعمالهم
مناوي _عماليش ؟
سلسبيل _أخوي سولف عن سوالف امها وخالتها صبوحة شلون مسويات سحورة للكل واني أخاف من السحر والجن تعاي وياي خل نطلع بره فدوة
مناوي_اي يلا أمشي
مشينا جم خطوة وصاح فرقد من مكانه ”
وين طالعات ؟