رواية الهجرس الفصل الخامس 5 بقلم رواء هادي – للقراءة المباشرة والتحميل pdf
حنين _كافي الخاطر الله تدعين عليًّ الليل والنهار جوزي مني عوفيني بحالي
صارت تبجي حنين راحت كعدت فوك الكرويته قسمة اخذت بناتها واختها وجناينها وطلعت متحلفة بيها هجرس راح كعد يمها يهدي بيها
اباوع سلسبيل ماكو
دورت عليها بالبيت كله مالكيتها عاد صعدت فوك بالسطح ادور عليها سمعت صوت شكهات واحد جاي يبجي جان السطح بس ضوه كامل
شفتها ساندة ظهرها
على حايط البيتونه وضامة رأسها بين رجليها وتبجي قتربت منها حجيت بصوت هادئ ” لتبجين
ماردت بقت تبجي كعدت بصفها خليت ايدي على رأسها ” كافي بجي سلي .. لتاخذين
على خاطرج منها
رفعت راسها وجهها أحمر دم وعيونها حمرة كلهن دموع ” هانتني وأني كلشي مامسوية
_ذبت نار قلبها بيج
_وأني شعلي
_هاي هي خبيثة وأخذت جزاتها
_ توبه إذا اجي بعد لهناه توبه
_لتگولين هيج سلي والله احنه نحبج وعلمودج امي ومرت عمي موتوا قسمة واختها ضرب
وطردوهم من البيت
_تعاركوا علمود هانتج ورزلتج موتوهن من الضرب دزيت على فرقد واخوي فرقد من سمع هاينتج تخبل عليها وطردها من البيت وحنونه گالت اروح
وي امي گاللها بس تطلعين تحلمين اخذج بعد …
_عزززة بعيني خرب العرس من وراي
_ولج ماخرب والله
_مو تگولين صايرة مشكلة من تحت رأسي