رواية الهجرس الفصل الحادي والثلاثون 31 بقلم رواء هادي
بقوا يحجون وياي ويفهمون بي اترك هالقضية وشيل ايدك منها مابينه حيل نشيلك بالتابوت وأنت بعدك عريس جديد حتى مرتك ماشابعة بيك شوف
ياسر_شنو ذنبها تموت وتخليها لتفكر بروحك فكر بهالمسكينة شنو مصيرها بعد ماتموت
جواد_كلام ياسر صح بعدها باول شبابها وتريد ترملها
هجرس_ليكعد وياكم يأيس من رحمه الله
جواد_جاي نعلم بيك ونفهمك لان نعرفهم اكثر منك هذولة شنو من بشر وعدهم القتل البشر لاشي مثل قتل الحيوانات
ياسر_والله اعرفهم اكثر من نفسي وبالاخص المسؤول ماعنده رحمه ولك الواحد ليوكف بطريقه يطكه ويمشي
جواد _اسمع كلامنا وشيل ايدك من القضية
ياسر_والله انه دريت بيك راح تداوم اليوم وانت ماخذ اجازة كل همك المشاكل تخرب
على المشاكل والطلايب
جواد_صدك ليش داومت مو اخذت اجازة ثلاث أيام وگلت عندي شغل بغداد لو روحك جاي تلوب وتريد مشاكل ولك اكعد راحة واستر علينا مابينه
حيل نعيط ونبجي وراك مثل النسوان
ياسر _غير اشك زيجي عليك فرقودي
جواد_ انه ماتحمل خسارتك
حكيت طرف شاربي واضحك عليهم
جنهم امي وجديتي حلوة من
يكعدون يوصون بي
ياسر _انوب يضحك بمسخرة الكلب
جواد_هي مال استهزاء فرقد؟
رحت كعدت فوك الكرويتة خليت رجل فوك رجل واضحك ماخاف منهم والله العظيم
شبيكم ماكلين همي
جواد_لا انت ماخذها بحيل صدر
ياسر _خل تصير صدك خوش گول ماخاف منهم
هجرس_الموت حق وكل شخص مكتوبله الموت ومواليوم باجر ميت انه ليش اموت بلا كرامه وشرف خل اموت بكرامة وشرف احسن مااموت ولابس ثوب العار على اقل لابس ثوب الشجاعة والشرف
ياسر _الموت على العين وهلى الراس
بس موهيج انت جاي تجيب
الموت لايدك
جواد_ ليوين تريد توصل بالضبط فرقد
هجرس_اريد اكافح الفساد بالمركز وانظف المركز من ذولة الخونة حرام علينا والله نستر عليهم ونطمطم سوالفهم خلوا ايدكم بيدي وخل نشتكي
عليهم بالوزارة
وخل نطينهم ليش نلبس ثوب العار واحنه لابسين بدلات عسكرية مقدسة وماشين
بطريق الحق
لو تردون تبقى لابسين ثوب الفساد والدمار ونستر على الإرهاب بدل مانطهر العراق منه جاوبوا
ليش ساكتين ليش جبناه
والله حرام عليكم تأخذون راتب بكل درهم من رواتبكم تشتعل بي نار من نار جهنم وباجر تتحاسبون على كلشي يم رب العالمين
عود باجر من يخلونكم بالقبر
شتكولون الناكر ونكير جنه نخاف نموت والله عار علينا نسكت على الباطل وأمام الحسين (ع) ضحى بعائلته وبطفلة الرضيع من أجل الحق
وصار قدوة الكل جندي
ليش مانضحي مثل ماضحى علمود النصر ضد الاعداء جاوبوا شبيكم ساكتين ترى هذا مجرم وقاتل وقاتل اكثر من شخص وخاطف هواي ناس ابرياء شلون يطلع
براءة ويحذفون كل جرائمة جابوا ليش
الكاع ردت وهم ماردوا كمت وگتلهم”
انه باجر من الصبح رايح اشتكي عليهم بالوزارة بغداد وعندي كافة المعلومات والأدلة لتضدهم كلهم هم والمسؤول وأخاف انقتل مامنهن
بايد شخص يوصلهن
للوزارة وخل يتحاسبون واحد واحد
ياسر_ مصر
هجرس_اي مصر امشي بطريق الحق
جواد _والله كلامك صدك ليش نصير جبناء
ونسكت انه وياك رايح باجر
ياسر_مامنها جارة وياك
هجرس_ايي هيج اريدكم
وأخيراً قنعوا يشتكون عليهم انه ماهتم اجوي وياي ولما اجوي عندي دليل قاطع على المسؤول يستر على ارهابي داعشي جان وي عناصر داعش منضم
قبل لاينتهي الدوام بساعتين أتصلت بعمي ايهم يجي هو ولد عمامي يجون يأخذوني من المركز اريد حماية لأن شكيت بيهم راح
يحاولون يكتلوني اليوم
وانه أذكى منهم وراح اتويهم
قبل لايتووني
_مسافة الطريق عندك
_انتظرك
فصلت الاتصال منه ورجعت اتصلت بالشيخ عنده مجال يجي للبيت العصر گال اي عندي مجال وراح امر بيكم للبيت ماريد اطلع خارج البيت
اريد أضمن سلامتي
منا الباجر الصبح كل همي أوصل
الدليل واخلص منهم
والله قبل لاينتهي الدوام بنص ساعة عمي ايهم وبارق وعباس وهيثم ابن عمي رجب اجوي للمركز كعدوا يمي ويم جواد وياسر وذياب
وحيدر انضم الهم يسولفون
ويضحكون اجه واحد من ربع المسؤول مد رأسه ويباوع النه جر حسرة طويلة وطلع قترب مني
عمي ايهم وهمس لي
_ذب حسرة من شاف الاسود محاوطة الاسد ههههه
_ههههه
_تلوكلك الضحكة هيبة عمامك تعال انطيني بوسة
امطيت خدي العمي باسني ويضحك شعل جكارة وخله رجل فوك رجل عبالك المركز مركزة نص ساعة جانت من العمر كلها ضحك وشقا صارت
انتهى الدوام ماصعدت
بسيارتي صعدت بسيارة عمي ايهم وبارق وذياب صعدوا بسيارتي من صعدت بالسيارة تفاجأت عمي جايب القادفة ويا
ورشاشات تلاثة ومسدس بعد عيني مامخلي سلاح بالبيت ماجايبة ويا
_وانه اگول مادخلت السيارة للمركز
اثاريك جايب كل الاسلحة
هيثم_يابة جاهزين للحرب بيا لحظة
ايهم _لعد تريدني اجي ايد وره وايد ليكدام واخلي سلاح العارات تهلهل فوك راسي بدل ماسلاحي
يهلهل فوك روسهم
هجرس _وعلي بس تطلع طلقة منهم يتورطون
ايهم _اطلعها الهم من الشباك واشيلهم
هم وسيارتهم ههههه
هجرس_موجديدة عليك هاي
هيثم_هذا شغلة ابو القادفة هههههه
ايهم _هواي سيارات دواعش شايل
بالجبهات تعصى عليه اشيل
سيارة ضابط عار وفاسد
هجرس_سبع عمي تعال خل ابوس خدك هههه
لزمت وجهة بيديه وبسته بوسة ام الطكة بعدت عنه ونزلت الجامة طلعت رأسي اباوع وراي شفت سيارة الضباط ورانه ضحكت وسويتلهم علامة الإنتصار
بست اصابعي ودزيتلهم بوسة بالهوى
رجعت بسرعة اضحك
ايهم _شكد خبيث رب الكعبة ابن اخوي
هيثم_تمشي بدمه
هجرس_خباثة وشجاعة تمشي بدمي
الله شوكت يجي باجر
هيثم_جم ساعة ويجي
ايهم _ باجر هم اوصلك
هجرس_لو هيج الحماية لو ماتراد
ايهم _بكل وقت تلكانة حايط ونحميك من الخطر
هجرس_ماتقصرون
طلعتنه سيارة الضباط بسرعة عمي ايهم ضحك وطك ايده بيدي فشلت محاولتهم بالقتل مسافة الطريق وصلنا للبيت ذياب بقى بالمضيف
طلبت منه يجي للبيت
ماقبل گال هنا هم بيت وكلشي موجود ويمي عمي ايهم وهيثم عاد عفتهم ورحت للبيت سلمت ودخلت بغرفتي ثواني دخلت سلي وراي
_هلا فرقد شلونك
_زين لعابتي أنتِ شلونج
_بشوفتك صرت زينة
_ههه تعاي طلعيلي ملابس اريد
اسبح واروح يم ذياب
_تدلل قلبي
_اللهم أجعل محد غيري يتدلل عليج ههههه
_اللهم آمين هههه
جريتها من زندها وضميتها الصدري “
اشو أنتِ ماتتحرشين بي الا انه
اتحرش بيج
_يمة تريدني اتحرش بيك
_ايي
_لو أموت
_ليش ولج مو رجلج انه
_حتلوه ماحب
_شتحبين لعد
_ انت تتحرش بي ههههه
_ملعونة
بستها بخدودها بعدت عنها واشرت
على خدي ” بوسي يلا
_دنك خل ابوسك
_بوسي هيج يلا
_وين انوشك شايف نفسك شطولك
_ايي وريني شطارتج
_ادري نخله واصعدك دنك ولك خل
ابوسك وراي شغل وعيب
يمنه خطار
لزمتها من خصرها باثنين ايديه “
عليمن ولك والج
_ههه عليك
رفعتها من خصرها ياربي جنها لعابة وخفيفة
ريشة خافت وشبكتني من ركبتي
بأثنين ايديها “
_يمه تريد توكعني
_اكو واحد يوكع مريته حبيبته
_ايي أنت اااه فرقد تأذيت ايديك فدوة
_اسف وهاي صعتج لعندي هههه
_ههههه مخبل أنت
_مخبل بيج لعابتي
دفنت رأسي بركبتها وشميتها بكل حسرة حسيت جسمها تشنج بستها بهدوء بعدت عنها سادة عيونها
رجعت بستها بشفايفها اريد
رد فعل منها ماكو جامدة
وانه ماحب جمودها وبرودها أحبها تبادل
بعدت عنها “
ليش باردة
فتحت عيونها تباوعلي “
هو أنت تقترب بالوقت مو مناسب نزلني فرقد عيب يمنا خطار هسه يگولون شردت وعافت
الخطاب والشغل على عماتها
_الشغل اهم لو انه
_طبعا أنت اهم بس واكفة اخلي عماتي وجداتي يشتغلون واني كاعدة يمك بالغرفة
_فديت اللي تفكر بأهلي
_اهلك صاروا أهلي يلا حباب نزلني
_بوسي اول
باستني بخدي بسرعة وبعدت بنفس اللحظة
وهاي بستك يلا
_مصراع
_اي يلا نزلني هم يلا احظر ملابسك
واسويلك كل انت وصاحبك
_يلا انزلي
نزلتها بالكاع ابتسمت بوجهي وراحت للكنتور طلعت ملابس خلتهم بالحمام اجت بالي احبسها بالحمام عندي بس كلت لا خل تروح تكمل شغلها
هسه جديتي خديجة
وجوري يكصونها ويگولون فاهية مثل
حنين لاشغلة ولاعملة مكابله
فرقد بالغرفة وكاعدة
_تاكل وي صاحبك بالمضيف
_اي واحسبي حساب عمي ايهم وهيثم
_صار
دخلت الحمام سبحت وطلعت بوجهي للمطبخ شفت سلي ومرت ابوي يجهزون بالغدة ماحجيت وياهم طلعت بره جدي كابلني توه
راجع من المضيف
_سولفولي المشكلة الواكع بيها
_وشنو رأيك بتصرفي
_انسب تصرف وانه وياك واكف روح اشتكي عليهم
_ماتخاف يأذوني
_هاي الشغلة خلها على جدك واشيوخ
العشيرة احنه نحلها
_ماشي
عافني ودخل جوه فرحت من وكف وياي انه ادري بجدي انسان يمشي بطريق الحق وأبد مايقبل على الباطل وانه تعلمت منه من صغري كل
هاي الاطباع الحلوة
رحت يم الربع كام عمي ايهم يجيب الغدة جاب الغدة وكعدنا نتغده للعصر اجه الشيخ أخذوه وراحوا للبيت انه مارحت وياهم ولاذياب
راح بقى يمي بالمضيف
اباوعله خايف وقلق على أخته “
تگول راح يكدر يشافيها
_بفضل الله واهل البيت (ع) تأخذها منه
مشافاية ومعافاية
_تحجي بثقة
_واثق من الشيخ ومجربة هالشيخ مضبوط
وشغله يد بايد ينطي الك
_انه شريد لعد أختي تصير زينة
_ان شاءالله تصير زينة
_ان شاءالله هسه باجر ترحون
تشتكون على المسؤول
_اي ليش تريد تجي
_لو بيدي اجي وياكم والله بس امي ماتقبل ومن درت بالسالفة تخبلت وكالت شيل ايدك انت ولا تدخل بسوالف الكبار احنه ناس على كد
حالنه وينه وين هالسوالف
_كلامها صح خلي هالسوالف لي انه احلها بطريقي
_ان شاءالله تحلها وتخلصنه منهم
_بحيل الله خلصانين منهم
ساعتين رجع عمي ايهم من يمهم وگال سوالها اول جلسة وكال متلبس بيها جن الحمام وراح يسويلها الجلسة الثانية المغرب والثالثة وره العشة
ذياب_كل الجلسات بيوم يسويهن
ايهم _اي مو مثل بعض الشيوخ والسادة يگلك كل يوم او يومين اوكل اسبوع اسويلك جلسة هذا ينهي شغله كله بيوم واحد ويخلصك من البيك والمابيك
ذياب_مبين مضبوط
ايهم _يجمد الماي بايده
ذياب_تحجي الصدك
ايهم _اي والله يجمد الماي بس يخلي ايده ويقرا حتى مرات يشعل نار بايده اليمنى
ذياب_شنو هذا
ايهم_روحاني ودراساته كلها بالمغرب واليمن
ذباب_من وين تعرفونه انتو
ايهم_اخو وياي بالذهبية يداوم وصار عدنه حاله وكالي عليه جبناه وفعلاً مثل ماگال عنه شغله يد بايد برغم ياخذ هواي فلوس بس شغلة مضبوط
وفلوسك ماتروح بولة بشط
ذياب_ الفلوس شنو إذا شغلة مضبوط والله ذبيت كومه فلوس على اختي ونفس الشي انوب حالتها صارت اسوء منورة السادة والشيوخ والعلويات
ايهم _هذولة جذابة ومابيهم ضمان لو مضبوط من اول جلسة تحس بالفرق مو يسويلك ويگلك وره شهر لو شهرين لو تلاثة لو سنة هذا تأكد منه جذاب المضبوط من ساعات تحس بالفرق
ذياب_اي والله
ايهم_ وين صافن فرقد
هجرس_هنا
ايهم _صفناتك مو طبيعية شكو
هجرس_ماكو شي حسبه تجت بالي وجنت احسبلها
ايهم _مايهدا بالك اله تأخذ حقك منهم
هجرس _اي والله
ايهم_ان شاءالله تأخذه
اجه جدي اشرلي اجي لعنده “
فرقد تعال
راحت لعنده وكفت كدامه “
تفضل جدي
_اتصل بي شيخ عشيرة آل… ويردون يجون بالليل لعدنه
_عليش يجون ؟
_بخصوص القضية على المسؤول
_هه جبناء
_اسمع كلامي زين ونفذ كلشي اگوله
الك بحرف الواحد
_كلامك على عيني وراسي جدي
_هم اكيد عرفوا بيك راح تشتكي عليهم وعندك دليل قاطع يضدهم وحاولوا يوصلولك ماكدروا وعرفوا بنفسهم صعب يكدرون يأذوك بعد ماعرفنه احنه
لهذا السبب اجوي يتصالحون وياك ويفضون السالفة بالتراضي وانه اريد التراضي ماريد المشاكل
علمود أضمن سالمة الطرفين
_اقبل بالتراضي بس ماقبل أتنازل عن المجرم
_هذا راجع الك بعد
_اي ماتنازل أريد يأخذ عقابة على كل جريمة سواها
_لتريده يصير
_هاهي اتفقنا لعد
_بس صاحبك ماريد يشوفونه عدنه خطية مانريد نسببلة مشاكل خل يفوت جوه بالبيت قبل
لايجون وره العشة
_ان شاءالله
راح جدي فات جوه المضيف رحت يم ذياب وعمي ايهم حجيتلهم السالفة ايهم صار يضحك وگال اندكوا وي الناس الخطأ للاسف خطية انقهر عليهم
اجوي برجلينهم يتوسلون
ذياب_بس يعرفون بيهم من فوك مسترين على المجرمين ويهددون ضابط بالقتل يروحون وره الشمس الشغلة موهينه أبد وراها فصل وسجن
وحكم بس الله ليدري بي
كالوا نتصالح بالتراضي ونفض الشغلة
هجرس_افضل الهم
ايهم _والنه هم والله ماريد وجع رأس انه
المغرب أخذت ذياب للبيت ماقبل يدخل بالدفرات يله دخل بالاستقبال والشيخ جان عازم على أخته بوحدة من الغرف اجه اخوي علاوي يمي
خطية مخطوف لونه
وخايف يحجي وشفافة ترجف “
خطية البنية دا تبجي وتصيح عوفوني ماطلع عوفوني مرتاح هنا وعمو الشيخ يضرب بيها بالعصاية ويگوللها اطلع اطلع لو اخليك
تندم احسلك اطلع
ماخليته يكمل كلامه “
اسكت علاوي لا تكمل ودير بالك تجيب طاري الاحد مفهوم
_ماجيب والله بس أخاف هاي بيها جني
_لامو جني مريضة وبيها مرض والشيخ جاي يطلعه
_ليش المرض يطلعه الشيخ تروح للدكتور يطلع
المرض بالعلاج مو بالعودة
_مرضها مو مال دكتور مال شيخ
_ليش شبيها؟
_انهيار عصبي
_شنو يعني انهيار عصبي
_يعني تتعارك ويه الكل وحتى امها تضربها وماتحس على نفسها فهمت شلون
_تفقد الذاكرة
_اي عفية تفقد الذاكرة
_وبالعودة ترجع الذاكرة
_اي
_زين ليش طلب دجاج
_دجاج!!
_اي وكال اريد سجينة
_كافي اسألة علاوي ولا تروح تجسس على العالم عيب عليك
اكعد هنا واسكت
_اصلا ماروح أخاف سمعت كالوا بيها جني مال حمام واني اخاف أبقى يمي فرقد
_يضحكون عليك وين اكو جني
_لا اكو جني
_منو كالك اكو جني
_معلمة ام الاسلامية كالت ديروا بالكم تطلعون المغرب ولا تسبحون هم ولا تتعصبون المغرب تره الجني يستغل هاي اللحظة ويدخل بجسمكم ابقوا استغفروا
الله وصلوا على محمد وال محمد ومن ياذن روحوا صلوا وذكروا الله علمود يخاف يقترب
الكم وانتو طاهرين
_اي
_يعني صدك
_هو شنو الصدك راح تخبلني علاوي
_الجني
ذياب_حبيبي علاوي الجني مجرد خرافة ام الاسلامية طلعتها علمود ،تخليكم تصلون وتقروا قرأن وتذكرون
الله تره ماكو جني لتخاف
هجرس_لو اكو جني جان نشوفه شايف جني أنت
علاوي_لا
ذياب_خلص لعد اسكت ولا تسأل ولتخاف
علاوي_الجن مخلوق ماينشاف بس هو يشوفنه ويأذينه
هجرس _ ماشاء الله عليها ام الاسلامية مالتكم شيخ روحاني مو ام الاسلامية هسه الجني شكو تأخذون عنه دروس فهمني ترحون تقرون قرأن وتدرسون عن الإسلام
لو عن الجن والجنية
علاوي_ليش تعصبت
هجرس_انا باجر من الصبح رايح وياك للمدرسة واريد اشوف ام الاسلامية هاي شعدها وياكم وشعدها تحجي بالجن وتخوف بيكم من وراها هسه تتخبلون
وانتو بهذا العمر شكو تحجي بالجن
ذياب_ختولي فرقد لا تخلي بالك يمها وعلاوي كافي اسألة الجن أنواع وأصناف ومايأذون البشر اله في حال احنه
نأذي لو نسويله شي فهمت هسه
علاوي_هاا وتكولون ماكو جن
هجرس_ انا جن وكدامك كاعد الجن هجرس شلونك
علاوي اخو فرقد
علاوي_يممة فرقد لا تجي هيج والله اخاف
جلب بيدي باثنين ايديه خايف ويعيط بقيت أضحك عليه جبان انا بعمره اتعارك ويه هجرس وسل لو هم بجسمي لو انا ذياب جره منه وصار يهدي بي ويقراله قرأن
اباوعله واضحك تذكرت نفسي من جنت بعمره من اكل الجدي جدي جدي يضربني ويكلي انت جني وتخاف من جني صير سبع ولا تخاف من جن حيوان
اويلي على ايام قبل كلها كتل وعياط ودك حزن وخباثة على عمامي ونسوانهم ههههه
كمل الشيخ عزم من أخت ذياب وذياب راح شافها رحت يم الشيخ كعدت احجي وياه بموضوع سل لأن ماعرف شجانت طالبه منهم علمود تطلع من جسمي وتتركني
_ليش ماتكلي
_كلتلك ولما كلتلك شراح يغير من الموضوع الموضوع فات ومات الحمدلله أنت صرت زين وهي انحبست
وهجرس طلع منك
_هجرس محبوس مثلها لو طلع براته الكاملة
_حر طليق طلع بكامل اراته
_طلبه شنو جان
_دم من دمك وديج دجاج أبيض
_ادري دمي شراب طاقة للجن ومادري
_هم يتغذون على الدم وأنت بيك طاقة تجذب الجن الالك
_اي صاير مثل بالفلام
_لحد الآن ماتثق
_حرام علية أنكر وجود الجن والشيطان هم موجودين بس الصار وياي إذا اسولفه الشخص عاقل مايصدك بي ويكون يضحك علينه ويكول هذا كله تأليف وخرافة
_اصلا الصار وياك كلش عادي بنسبه الي لو اسولفلك عن حاله صارت قبل كم يوم الا شعر راسك يشيب وتكول هذا كله جذب ماكو هيج شي بس هو فعلاً موجود واغرب من الخيال
_المامار بهذا الشي حقه مايصدك
_اي
_هسه سل محبوسة
_اي
_جاي احلم بيها هواي بهاي الفترة
_مثل شنو أحلامك
_ محبوسة داخل بير أظلم كريه الرائحة ومقيدة بسلاسل الايدين والرجلين وحالتها يرثا الها وتبجي وتتوسل احد ينقذها وجانت تصيح عليه احرارها
وانا احاولت احرارها بس منعندي هجرس وكال عوفها
_اي كمل
_دفعت هجرس ورحت الها توني ردت أفتح باب البير صاح بي هجرس وجان شايل طفل وهذا الطفل بالحلم طفلي وكالي بس تحررها اقتل ضناك
_ اكمل شصار وياك
_بعد فزيت من الحلم
_هاا
_شنو تفسيرة
_هذا حلمك بي بشارة للمستقبل
_بشارة شنو ؟
_مرتك حامل وهجرس يخاف تتحرر سل وتقتله لأن هو غشمرها وضحك عليها بعد ماجان متفق وياها من يتحررون مايتركك الا تنفذ شروطها
هو مانفذ ولا شرط من شروطها وطفر وهي انحبست
_وشنو جانت شروطها
_راح احجيلك برغم جدك وصاني ماحجيلك بس مادامك
مصر راح احجي
_اي اسمعك شيخ
_سل جنية عاشقة وجانت عاشقتك من صغرك وتتعارك ويه هجرس علمود مايقترب الك وبس هي تقتربلك وجانت تتخبل من حنين لان تحبها وتقترب الها
وهجرس يحب حنين لأن خبيثه مثله والجن العاشق مايحب أحد يشارك معشوقها بي تحب بس هي تمتلكة
_شنو ؟
_اي جنية عاشقة
_اعوذ بالله وانا اكول ليش تتخبل من أقترب الحنين ومرات تضربني وتأذني في حيث ماقترب الها وجانت توز براسي اطلقها لو اضربها اثاري هنا الحجي
_اي تريدك بس الها تبقى
_طيب ليش جانت تريد ارتبط بسلسبيل إذا تريدني بس الها
_جان هدفها تطلع من جسمك وتدخل بجسم مرتك سلسبيل وتبقى تاكل وتشرب وتنام وياك بجسمها يعني تجيك بجسم مرتك بس هي مو مرتك هي بالحقيقة
_شنو جان طلبها
_طلبها تنام ويه سلسبيل
_ تحجي الصدك
_اي هذا جان طلبها تنام ويه سلسبيل وتطلع منك جان هدفها من تنام وياها تدخل بجسمها وتبقى وياك ساكنه رادت تغشمرنه
وانا كلت طلبها لجدك واهلك رادوا من البنية تزوجك بنفس اليوم علمود تطلع منك والبنية ماقبلت كالت ماريده وماريد اخرب حياته هو يحب مرته ليش أصير
خرابه ابيوت وهجامه شكد حاولت ماقبلت ونحمدالله ونشكره ماقبلت تزوجك لو قابله جانت الكل ندم
على هاي الخطوة الغبية
_جان زدنه القاط قاطين
_اي جان بقت ساكنه بجسم سلسبيل واحنه ماندري بيها
_احمدوالله والشكر ماقبلت
_اي حمدلله هسه اسويلك حجاب يحمي مرتك والطفل لبطنها
_يعني مرتي حامل
_اي حمل وبولد هم
_اترجاك لا تتنبأ الها خله على الله
_ونعم بالله بس اكو عالم من راح تسمع بيها حامل راح تخبث عليها وتحاول تموت الطفل بطنها راح اسويلها حجاب تشيله وياها مناه لما تجيب الطفل بخير وسلامة
_اففف يعني ماخلص من الحياية ولاعرابيد
_لاماتخلص بكل مكان عندك أعداء بس مايكدرولك الله وأهل البيت(ع) واكفيلك وعندك جدك وجداتك التلاثة الليل والنهار يدعولك بالتوفيق والله يستجاب دعواتهم
_ربي يحفظهم الي
_امين هسه اكملك الحجاب علمود تلبسه الها بنفسك
_مشكور شيخ متقصر
_تدلل
شكد فرحت من كال حامل مابينت فرحتي لأحد كمل الحجاب وكال روح شده على بطنها بس وقت السبح تنزعه ومن تكمل سبح ترجع تلبسه هذا حزام
يحزم ظهرها ويحمي الطفل من السقوط
تشكرت منه ورحت شفت سلي جاي تساعد بصب العشة صحتلها تجي وراي للغرفة دخلت قبلها اجت وراي طلبت منها تقفل الباب وتجي لعندي سوت المطلوب
واجت وكفت كدامي “
هاا فرقد شعندك
_انزعي
_شنزع ؟
_ملابسج
_فرقد هسه وكتها
_وين راح عقلج انتي هذا حزام بي حجاب سواه الج الشيخ وطلب مني احزمج بي يله انزعي خل البسه الج
_حزام شنو؟
_دنزعي أول وبعدين اكلج شنو
_ايي غير أعرف ماليش ؟
_شكد تسألين رب الكعبة سوي المطلوب واسكتي
_افف والله ياسوالفك ماتخلص
_يله بساع
نزعت الدشداشة حزمتها بي تباوعلي مستغربة كملت ربط الحزام بستها بطنها “هنا ابني نايم
_شنو ؟
بعدت عنها اباوع بوجهها مبتسم وهي مستغربه “
أنتي حامل
_حامل
_اي حامل ليش ماكتيلي
_منو يكول حامل
_حامل
_اني ماعرف بنفسي حامل لو لا وانت متأكد من كلامك
_اي الشيخ كالي حامل بولد وسوالج هذا الحزام تتحزمين بي يحميج من الخطر والسحورة انتي والطفل
_ شنو شيخك عنده علم الغيب
_كافي اسألة ويله بدلي مابي حيل ارجعلج هههه
_خل أبدل واتفاهم وياك
_بسرعة
بدلت بسرعة واجت لعندي “
شيخ مالتك شنو هذا
_شيخ روحاني
_تره حرام اللي دا يسوي ويتنبأ بالمستقبل
_تدرين بنفسج حامل
_لاوالله
_اخر مرة اجتج الدورة شوكت ؟
_قبل العرس بخمس أيام وبعد من العرس لليوم ماكو
_الف مبروك حامل هههه
_شنو بكيفك
_ايي
أخذني الحماس وشلتها بحضني افتر بيها بالغرفة وابوس بيها فرحان حامل وراح أصير أب هي صارت تصيح نزلني نزلني عاد نزلتها اضحك هي داخت وصار عدها لعبان نفس
تورطت وياها انوب كضتها ازواع في ازواع وتعاركت وياي بس كلت حامل صار عندي لعبان نفس
_ادري حبها ولبط هههه
_اسأل نفسك هذا السؤال مو تسألني
_ههه يله عاد
_اااه متت نكطع قلبي كطع هو هيج تفر بي جنك مامصدك
_والله مامصدك راح اصير اب ويصير عندي طفل يصيحلي بابا مثل سيفو مخبل وكربوش
_وين رهمتها كربوش ومخبل
_ترهم
_ههه مخبل مالومك بس لا تفرح محتمل موحامل
_لا تخربين فرحتي
_تره كلشي وارد
_لا تخربين فرحتي جاي اكلج اسكتي يله
_وهاي سكتت
_اي عفيه يله اطلعي من الحمام مو سكنتي سكن
_من وراك
_غير احبج شرشبيل
_وتحبني تشلع قلبي
_اي
_هو شلعت قلب بصغري وهسه هم تشلعه شلع مو
قديمة هاي عليك
_اهووو ابوس ايديج الحلوات لا تطنكرين بوجهي
مدت ايديها وتضحك “
اي بوس ايديني وكلي احبج لعابتي علمود ابطل طنكرة
_ماصدكتي
_اي يله أثبت حبك لو بس بطرك الكلام
جريت أيديها وبستهن ورجعت بست كصتها واخدودها وعيونها ورجعت بست شفتها وبعدت اباوع بعيونها تباوعلي وتضحك
_احبج لعابتي ارتاحيتي هسه
_ايي
_الحمدالله يله خل نطلع بس ديري بالج تشيلين ثكل
_هو أصلا مايخلوني اشيل
_هو شاكين بيج حامل وانا اوصيج بعد نفسج نفسج
_الله الحامي
_ونعم بالله بس الحرص واجب
_ايي
_يله خل نطلع
طلعنا بره الغرفة بوجهي كعدت على السفرة وره العشة الشيخ هم عزم عزيمة الاخيرة لاخت ذياب واحنه طلعنا للمضيف ماكو ساعة زمان واجتي أربع سيارات كلها زلم معكلة وشيوخ
والمسؤول وياهم والضباط هم وياهم جايين فتحوا الموضوع ليش هيج تسوي وشلك شغل بهذا الشغل ومن هذا الكلام نزلت بيهم ركبة ونص وجدي طبك وياي
واحد من شيوخهم هم طبك وياي وكال الرجال جاي يأدي واجبه وهذا الشخص إرهابي ليش جاي تسترون عليه وتطلعوا براءة اذا كل شخص ارهابي وعنده وساطة
يطلع عليش تلزموا لعد عوفوا يقتل ويذبح بالعالم براحته
هجرس_حرام علينا نأخذ راتب واحنه نستر على الإرهاب انا ماتنازل عن القضية الا في حال عفتوا
المتهم يأخذ جزاءه
شيخ العشيرة _خلص لتريده يصير سلم الدليل
هجرس_ماسلم الدليل الدليل يبقى عندي
المسؤول _تضحك علينا أنت
هجرس_طلعتوا انتو تضحكون علية اخذتوا الدليل وقتلتوني ثاني يوم لو طلعتوا المتهم براءة شنو
يثبت كلامك صدك
كلمه مناه وكلمه مناه تنازلوا عن كلشي وكمنا تصالحنه والشيخ كال لو أنت تنقل لو هم ينقلون وحدة من الاثنين المسؤول رجع كال انا راح انقل البغداد
بعد مابقى بديالى شلعوا قلبي أقاربي كل يوم واحد منهم مسوي مكسورة ومصيبة وتعال طلعهم براءة
هجرس_الصوج صوجك انت علمتهم عليك لو من البداية كايل ماعليه بيكم جان جازو منك وماجوي وطلبوا
المسؤول _الي صار صار بعد وان شاء الله نبقى قلب واحد
هجرس_ مانصافى بعد سيدي نزرعت بذرة الشك بيكم وبي والافضل النه ناس تبتعد عن ناس علمود
ننسى الصار بسرعة
بعد مافضت المشكلة كاموا راحوا واحنه رجعنا للبيت لكينه الشيخ مكمل من أخت ذياب وجاي يأخذ استخارة للكل علاوي كاعد فوك الدرج يخاف متتت ضحك عليه
رحت كعدت يمه احجي وياه
_شبيك خايف
_يكلي راح تصير ضابط بالمستقبل مثل أخوك بس تتورط بهواي مشاكل وتوصل وياك للقتل
_اي عادي كلنا وصلت ويانه للقتل وبفضل الله نجينه
_اني ماريد اصير ضابط اخاف اموت
_والموت بس للضباط مكتوب
_مو دخلون بحروب وقضايا تخوف
_اي وهذا الشغل خلوا بس للرجال واحنه ارجال مو نثاية علمود نخاف للاسف عبالي انت رجال ماتخاف
من الموت طلعت نثية وعار
_بعدني صغير ماريد اموت
_واذا صغيرون انا بعمرك جدي مخليني مراقب على العائلة ومشيلني سلاح وياخذني تالي الليل وياه بنص الجزيرة يشمرني الواحدي ويكلي تعال
بفلان مكان وماخفت شبيك فضحتني مناك ولد عمامي الكل تضحك عليك اخو فرقد جبان ويخاف من ضله ولا جن انت اخوك مخوف الصغير والجبير بيهم
_انت هجرس اني علاوي
_وبيش احسن منك انا ماتجاوب بيش
_بهواي
_لامو احسن منك ماكو واحد احسن من واحد بهاي الدنيا
صار يبجي ياربي شلون ورطة ويه هالطفل ولاجن أبوه ارهابي سفاح يقتل ويذبح بكل دم بارد ومايخاف أبد ماعرف علاوي على منو طالع هيج خويف وجبان
طلعت فطومة تضحك باوعتلها “
هاا فطومة
فطومة_كالي راح تصيرين مدرسة عربي ههههه
هجرس_ اي وبعد
فطومة_واثنين زلم يتعاركون علية هههههه
هجرس_يايابة يابوية اختي الجكمة راح تكطع الزلم ههههه
فطومة_شنو جكمة اني موجكمة اني أميرة وجميلة
هجرس_منو كالج جميلة
فطومة_المراية تكلي انتي جميلة فاطمة وكل البنات
تغار من جمالج هههههه
رفع راسه علاوي وكاللها “
اي صايرة السحارة مرت ابو فلة ام امراية
هجرس_ههههه
فطومة_انجب جبان كاله راح تصير ضابط مثل أخوك كام يعيط راح اموت وراح اموت من عمت عينك شكد جبان وعار مالوم الجهال من تكتلك بالمدرسة
صاروا ملخ من الروس بالدفرات يله فازعتهم اجت امي سحلت فطومة ام لسان الطويل لسانها السان دلالة من تتعارك بعد ماتسكت أبد جنها جديتي ام
أمي بس تتعارك تعال ياهو ليسكتها وعلاوي فقيرون كلش مايحجي ولا يكول ويخاف منها تكتله ثاني يوم الصبح راحوا اهل ذياب بعد ماصارت زينه أخته
ومرت الأيام وسوت تحليل حمل سلي وطلعت حامل الكل فرحان وجديتي حلوة جابتها من باب الداير لباب للبيت تطش فوك راسها جكليت وتهلهل فرحانة لحملها
بالليل اهلها اجوي أمها فرحانة مرت أخوها مطنكرة بالصدفة سمعتها كالتلها ادري مستعجلة حبلتي على الخط السريع دصبري شهرين تلاث أربعة سنة
يله تحبلين مو من العرس جبتي وخليتي بطنج
ماسكتت الها واكلتها حاصل فاصل فرحت لأن صايرة سباعية وترد الكل شخص يوكف بطريقها وانا وياها وياها واعلم بيها واعلم بأخواني ماريدهم يصيرون
ضعفاء ياهو اليجي يدوس على روسهم أدري الأغلبية تكرههم لان ولد رجل أمي ومو من عدنه وانا وأهلي ماجاي نحسسهم ابد هم غربة عنه ونحسسهم من عدنه وأبوي
معتبرهم ولده ويحبهم مثل مايحبني ويصيحوله بابا وحتى مرت ابوي صاروا يصيحولها ماما وهي هم تحبهم وتموت عليهم بالاخص فطومة ساكنه يمها
وتقريها وتقري علاوي هم وتاخذهم وتردهم وياها للمدرسة
وبشغلي مرتاح والضباط انقلوا بغير مركز والمسؤول شال بغداد وره شهرين تقريباً يله نقل نفسه لبغداد وجابولنه غير مسؤول خوش مسؤول ومحترم ومايقبل
على اي خطأ وأيده والعقاب عجبني كلش وهو هذا ليمشي ويه الربع لان مايفيد وياهم شخص مايحجي ومنطيهم كامل الحرية
سلي دخلت بشهرها وهي هي بس طاكلها كرش وياريت جبير اسم كرش بس وروحها بخشمها أقل زلة تتعارك وياي وانا بي مابي لازم أعصابي وماتعارك وياها خطيه حامل
وروحها بخشمها صايرة
اخذتها هي واخواتي وسيفو وهباوي للحقل يصيدون سمك كاعد على جفه “ضفه ” الحقل بيدي الشبكة واشمر وهم واكفين ويضحكون جريت الشبكة كومه سمك
طلعت هم يطلعون من الشبكة وسلي مخليه ايدها وراه ظهرها وتباوع على السمك الصغار بكل شفقة وخوف
سلي_فرقد ردهم خطية
هجرس_ردوهم خطية
فطومة _هاي الكبار مانردهم بس الصغار
سلي_كلهم خطية ردوهم
هحرس_نأكل خطية على العشة عود
هباوي_هههه اي نأكل خطية سلي على العشة ههههه
سلي_باع شلون يفتحون بحلكهم يردون ماي
هجرس_العاطفة عندج زايدة سلي خلينه نأكل سمك
مشوي على العشة
سلي_ردهم
هباوي_امشي ام ردوهم احنه ميتين
سلي_فرقد ردهم خطية
هجرس _اووف من اشتعلت ام الخطية وريني عرض جتافج لعابتي وخلينه بشغلنه
سلي_فرقد
هجرس _لافرقد ولا بطيخ يللله
سلي_زعلني
هباوي_اي نزعلج اليوم يله روحي
طردناها راحت زعلانة كعدت بالسيارة خلوا السمك بالصندوق تكابلوا عليه علاوي وفطومة وسيفو يركض كدامهم رجعت بالسيارة اباوعلها مطنكرة
هجرس_شبيك منكر شرشبيل
سلي_ لا تحجي وياي زعلانة
هجرس_فديت الزعلان
سلي_ماراضيك بعد
هجرس_عادي اهمشي نأكل سمك على العشة هااي وين
هباوي_نفتر وين
هجرس_تعالوا ارجعوا
هباوي_مانرجع والله احنه جينه نفتر لو جيت تصيد
سمك وتردنه
هجرس_اكو زلم برأس البزل تعالوا ردوا انا افركم بالسيارة
هباوي_وينهم هاا اي يله ردوا
ردوا بالسيارة حركت السيارة وطلعت افتر بيهم اباوع لسلي بالمراية ماتباوعلي زعلانة وسوتها من صدك وزعلت فريتهم وراها نزلت علاوي للمحلات اشترالنه
رجع ورجعنا للبيت نزلوا السمك ينظفون بي وسلي راحت كعدت فوك المرجوحة تتمرجح وكفت
المرجوحة واباوعلها
_زعلانة
_لا تحجي وياي
_اهووو سلي شايفة نفسج شكد صايرة نفسية وأقل زلة تزعلين
_ايي
_اي ليش هيج
_مادري
_لا تدرين
_لا شيل ايدك اريد اتمرجح
_انا امرجحج
_ماريد اني امرجح نفسي بنفسي
_سلي
_بطلت بعد ماريد اتمرجح خلها الك
رادت تكوم هي وبطنها الصغيرون لزمتها من جتفها ورجعتها كعدت بصفها جريت ايدها حضنتها بكفوف ايديه
_سلي قلبي مشلوع ليش تشلعي بزعلج
_ليش مارجعتهم
_شناكل حصو على العشة
_الثلاجة متروسة
_سلي إذا هذا رجعه وهذا رجعه نموت منورة عاطفتج الزايدة شايفة نفسج صايرة فدمرة
_اي مادري شبي والله العظيم حتى أني منعجبة بروحي وتصرفاتي الغريبة
_تأثير الحمل
_ظهري يوجعني وبطني هم
_اخاف جاي تجيبين
_لاا
_لعد شنو تفسيرها
_هي كلساع تصير عندي لويات بطني كلت لجدة حلوة كالت عادي لأن بشهرج من تجيج لويات قويه هاي
معناها كمتي جيبين
_هاا زين يله كومي نفوت جوه
كامت خلت أيدها وره ظهرها ردت اضحك عليها تعوذت الشيطان مابي حيل تزعل وتعال هجرس اكعد قنع بيها هي ماعدها بطن وإلي يشوفها يكول
بالشهر السادس مو بشهرها
ثاني يوم الصبح مبدل واريد أروح للدوام رجعت على عياط وصياح سلي ترس البيت ترس اعياطها شوف شعبالي صار وياها اثاريها جاي تجيب
مابيها حيل توكف من الآلام شلتها بحضني وطلعت امي جابت وراي الحجاب وجديتي حلوة تركض حايرة ومرت أبوي جابت الجنطة وغراض الطفل وأبوي وياي
راح نفضحت فضيحة من ورة عياطها وصياحها أدري بيها متوجعة وتلوب بين امي وجديتي حلوة من الألم ساعة تخلي راسها بحجر جديتي حلوة وساعة بحجر
أمي وتعيط شوفتني انجوم الظهر من وصلنا للمستشفى شلتها بحضني ودخلت خايف عليها لا يروح يصير بيها شي عدل للطوارئ أخذوها مني الممرضات
بقيت أنتظر انا وأبوي ومرت أبوي وأهلها وعمي ايهم وبارق هم اجوي ورانه طلعت الدكتورة وكالت لازم تسوي هاي الفحوصات والتحاليل للمريضة بسرعة سوينه كل التحاليل
والفحوصات ودخلوها صالة الولادة
ساعة ساعتين ماكو ماجابت أمها تبجي امي جديتي حلوة وانا كوه لازم دمعتي من اسمع صوت اعياطها واصراخها من صالة الولادة ماتحملت كمت طلعت بره
لحكني عمي ايهم “
تره مابيها شي لا تقلق ساعة زمان يطلع شهم
_شهم؟
_اي أبوي توه اتصل بي وكال جاي بالطريق وراح نسمي شهم
_جدي حظر أسمه قبل لايجي
_ايي عندك مانع
_طبعا لا كلنا لجدي أصلا
_هاهية
بقيت بعيد عن صالة الولادة ماريد أبقى هناك واسمع عياطها وصياحها طولت هواي واجه جدي وهي ماكو ماجابت والله ساعة 10 الصبح كالوا جابت ولد
راحت اركض مامصدك جابت الطفل شفت الطفل بيد جديتي حلوة بكد كف اليد صغيرون كلش وجه صغير كلش وناعم اخذه جدي من ايد جديتي
هجرس_مرتي شلونها
الدكتورة_الحمد الله زينة شوي ويطلعوها الكم
راحت الدكتورة تقربت من الطفل أخذته من جدي بديه الاثنين خايف شلون اشيله صغيرون كلش شلته وبسته بخده جان صغيرون بكعد اللعابة الصغيرونة
رجع أخذه عمي ايهم من ايد اليد صار كلها فرحانة بي رجعوا لجدي كبر باذانه وسماه ( شهم ) طلعوا سلي بغير غرفة رحنا شفناها تحمدت على سلامتها طلبت الطفل
خلوا بحضنها تبوس بي “
صغيرون ههه ااه
هجرس_مثلج ناعم هههه
حلوة_وانا عبالي يطلع على أبوه ضخم طلع ناعم على امه
مرت ابوي_وهذا أكبر دليل فرقد يحب سلي أكثر ماهي تحبه
بارق_اي صدك نجمة وقمر وجابوا هلال هههه
الكل صار يضحك على بارق وسوالفة الماتخلص ساعتين وراها خرجناها من المستشفى رحنا للبيت جانت تعبانة
كلش ومابيها حيل برغم الطفل ناعم
من أول يوم أمي أخذت الطفل عدها سلي ماتعرفله وبعدها تعبانة كالتلها صيري زينة وانطي الج بس وقت يجوع تجيبه الها يرضع وتأخذه أمها تكوللها لا ترضعي
صدرج صدرج يخرب
تعاركت وياها جديتي حلوة وكالتها تردين ابنها يطلع بله حنيه ومايحن على امه وثاني شي الرضاعة الطبيعية علاج للمره ويحميها من مرض سرطان الثدي شتعرفين
أنتي ام التخريب ولا تدخلين بس تدخلين اشوفج شي بعمرج ماشايفته عاد خلت وسكتت ساعة زمان راحت لبيتها ماكالت أبقى يم بتي يوم يومين ماكو
عجبتي ماعدها حنيه على بتها أبد ولاعبالك بتها الوحيدة
هي مامعتازة مداراه امهاتي اثنين وجديتي حلوة وهباوي شايلينها بالصلوات وكلها فرحانة بالطفل صار عدهم طفل مني جدي يروح ويرجع على الطفل
جدي اللي من عرس ابوي ماداخل غرفة أمي هسه صار يدخللها شوكت مايعجبه ويكعد يم الطفل خوب علاوي وفطومة وسيفو ساكنين الغرفة سكن
مايطلعون منها أبد
دخلت لكيتهم مكابلين الكاروك وكاعدين تلاثتهم مخلين سيفو بالنص ويباوعوله ويغنون هو بس يفر برأسه وكوه يفتح بعيونه الصغار بعده صغيرون
هجرس_ماشبعتوا منه
سيفو _بيبي فقع بيبي
فطومة_ماينشبع منه حبيب عمته
علاوي_ههه صارت عمه هههه
فطومة_وانت هم صرت عم يل جبان
علاوي_منو جبان
امي_كافي تتعاركون فوك راس الطفل يله كوموا منيمه كووموا
فطومة_والله ماكوم خل هم يكومون أبقى اباوعله علمود يحبني ويتعلق بي
علاوي_اي مو هو قرد وأنتي شجرة يتعلق بيج
فطومة_راح اضربك علاوي
هجرس_كافي ولكم خطيه الطفل فز من صياحكم
امي_اشووو كوموا انتو وسيفو عابدي عبادة عبالك
ماشايفين جاهل
فطومة_وين شايفين
هجرس_خطية ماشايفين أبد عوفيهم يمة عوفيهم
امي_خبلوا
هجرس _ عادي خطية فرحانين بي لا تخربين فرحتهم
خنسوا بس يضحكون كعدت كدامهم اباوعله كام سيفو وكعد بحضني يباوعله ويدزله بوسات دخلت جديتي جوري تضحك علينه كلنا مكابلين شهم وكاعدين
مرت الأيام وطلعت سبعة شهم يله اخذته سلي عدها بالغرفة انوب ماتعرفله هو يبجي وهي تبجي وياه وانا ماعرف حرت بزماني عاد طلعت بنص الليل جبت مرت ابوي
وجيت ابوي جان نايم يم امي وماحبيت ازعجهم بس أخذته من سلي كمطته وخلت مخده على رجليها وخلته فوك رجليها تهز برجليها نام بسرعة سلي تمسح بدموعها
هجرس_هاي الخبرة خوما أنتي هههه
مرت أبوي _ماتعرفله بعدها انطيها أيام وتتعلم
سلي_اي خاله شسويله ويسكت
مرت ابوي _سوي مثلي مدي رجليج وخلي مخدة ونومي وهزي برجليج بهدوء هو ينام بسرعة ومن يجوع انطي حليب صدرج لو الممية وحتى من هو ونايم بين ساعات انطي حليب علمود لايكعد جوعان ويعيط
سلي_اي وبعد
مرت أبوي _وغيري الحفاضة من تشوفيها تحتاج تغيير وهاهية تره مايريد شي الطفل غير ذني سويهن اله بسرعة علمود لا يعذبج وتتعذبين وياه
سلي_اي
مرت أبوي _اي وانطي ماي غريب وره مايشرب حليب
سلي_اي
هجرس_اييي كلهن حفظتهن وانتي اي واي ههههه
سلي_اسكت شرايحلك أنت أني لاسهر وياه لصبح وقلبي مشلوع وانت كاضيها نوم
هجرس_عمي على هاي ضايجة أنتي نامي وانا اسهر وياه لصبح خوفتيني شرشبيل
مرت ابوي_اي تعاونوا عليه اثنينكم
كامت سلي تريد تأخذه منها ماخليتها هسه تكعده ماتعرفله
عوفي دخيلج هسه يدك بينه إنذار
عصفوري ههههه
سلي_ليش تعيب
مرت ابوي_هلكد ماعيبت على بارق اجه ابنك مثله هههه
سلي_الله عادل بي ياهو لشافه عيب عليه دكلها
طلع ابنك ناعم
شلته بديني بهدوء بسته بخدة ناعم كلش مثل ريش نعومته بعدت منه مبتسم ” بس خل يعدي السنة وشوفي شلون اخلي يكبر ويسمن مثل ابوه ماطلع هجرس إذا
ماخليته يصير بطول عامود الكهرباء ههههه
سلي_هاي العايزة عامود كهرباء
هجرس _عامود الكهرباء سحلج سحل وراه هههه
سلي_تضرب مسامير
مرت ابوي_ اي ههه
فصول الرواية: 1 2