رواية الهجرس الفصل الحادي عشر 11 بقلم رواء هادي – للقراءة المباشرة والتحميل pdf
تتوقع يطلع هيج من فرقد
باوع لفرقد فاقد الوعي لا ايد ولا رجل رجع كال ”
أعرف فرقد حق المعرفة انسان محترم واعي وماعنده سوالف طايح حظها بس لازم تعالجوا بأسرع وقت تره موزين يبقى هيج لايروح
يبتلي ويه بنات الناس لو يروح يكتل واحد من عدكم .
_هسه يوصل الشيخ وان شاءالله يعالجة
فزينه كلنا من فرقد شهك شهكة طويلة ورفع صدره ليفوك ونزل بسرعة كمت مرعوبة من المظهر الصار جدي طفر لعنده
يصلي على محمد وآل محمد ويقرأ معوذات بوجه اخو سلسبيل كعد يم رأسه ينده بي صاحوا بي “كومي جيبي ماي كمت بسرعة
للمطبخ جبت كلاص ماي عفته بعتبه الباب أخاف اقترب لفرقد وبي جني صحت “هذا الماي انا
رايحة يم جديتي
عفتهم وطلعت اركض يم جديتي جانت بغرفة الخطار كاعدة يم سلسبيل وتهدي بيها خطية حالتها تكسر الخاطر نايمة على رجل جديتي
وترجف مثل السعفة رحت دحست نفسي جوه ابط جديتي أرجف من الخوف “جدة أخاف جرتني لحضنها باستني برأسي وكالت “لتخافين ان شاءالله
حنونه _سمعتي شكال الجني يريد ينتقم مني
حلوة_هسه يجي الشيخ ويطلعه لتخافين جدة أنتي سباعية حنونه
كمت اعيط مثل الجهال ”
أريد أمي ماريد
فرقد بعد
حلوة_سم الله الرحمن شبيج جدة تخبلتي