رواية الهجرس الفصل الحادي عشر 11 بقلم رواء هادي – للقراءة المباشرة والتحميل pdf
_كملي جدة ليش سكتي
_ماكو شي ارتاح
_جدة لتتهربين وتعاي احجيلي .
عافتني وطلعت بقيت بقلق نفسي شمسوي انا ربع ساعة جابتلي الأكل كعدت توكل بي سالت على حنونه كالت جاي تتعشى ويه مناوي
شبعت قهر بقلبي ماكلفت نفسها واجت شافتني شلوني اخباري كملت عشا شالت الصينية رجعت جايبتلي كلاص جاي كعدت اشرب
رن تلفونها كامت ردت من كلامها عرفت سلسبيل تسأل عن احوالي كالتلها الحمدالله والشكر خلص منهم ولكوا السحر وهسه عندي بالغرفة جاي يرتاح
الله يسلمج جدة أنتي شلونج خوما بعدج متأثرةالحمدالله ديري بالج على نفسج وديري بالج تنزعين الحجاب بهاي الفترة
اي عفية عليج .. لا والله شارده .. شسويلها ياجدة عقلها عقل زعطوطة احجي وياها والحجي يطب منا يطلع منا … الله يهديها … ان شاءالله
وانتي هم ديري بالج على نفسج زين بعد ماوصيج جدة الله وياج هلأ بسلي …
سدت الخط عافت التلفون …. فوك الميز واجت كعدت بصفي “سلسبيل تسلم عليك وتتحمدي
على سلامتك
_الله يسلمها …جدة حجابيش توصين سلسبيل ماتنزعه
_حجاب سوالها الشيخ مال رقي من العيون والحسد
_اي .. تنام هنا لو بغرفتك تروح
_لو تريدني صدك وقلبها عليه جان اجت سألت مو شارده يم مناوي ولاهامها شي