رواية الهجرس الفصل الحادي عشر 11 بقلم رواء هادي – للقراءة المباشرة والتحميل pdf
حنونه _أنت رجال انا مره وأخاف عليك الله بارق طلعوا من فرقد صار زين ؟
بارق_اي والله صار زين
بعد عني وراح حتى ماباوعلها دخل بغرفة جديتي حلوة خزرتها ودخلت وراه رزلتها رزالة مال غسل ولبس ومشيت لبيت أهلي أريد اسبح
كاتلني الوسخ والضيم .
بعد معاناة ويه الجن هجرس وسل كدرت اتخلص منهم بفضل الله وبفضل الشيخ ‘رجعت للبيت شفت حنونه حبيبه قلبي قلبي ولهان عليها
ردتها تجيني تخاف تقترب مني وتسأل إذا بي جني ماتجي واذا مابي تجيني انهضمت منها دخلت للغرفة لحكتني جديتي تحجي عليها
_سدي الموضوع جدة وجيبيلي ملابس أريد أسبح
راحت جابت ملابس لي اخذتهن ودخلت للحمام سبحت
وطلعت اجت مشطتلي شعري وباستني
بخدودي الأثنين
_خل ينشف شعرك توضى وتعال صلي
فرشت سجادة الصلاة وصارت تصلي انتظرت شعري نشف وكمت توضيت هي كملت صليت على سجادتها كملت صلاة تمددت فوك الجرباية
اجت قطتني باوعتلها ”
حنونه ليش هيج سوي ؟
_احسها ماتريدني وتنفر مني
_ جدة احجي شسويت انا البارحة تره كلشي ماتذكر
_ماسويت شي ارتاح
جلبت بيدها ”
عليج الله احجي سويت البارحة ليش حنونه ماتريدني خوما ضربتها خوما سويتلها شي ؟!
بعدت أيدي عنها وكالت ”
تسأل على لماتسأل عنك