رواية الهجرس الفصل الحادي عشر 11 بقلم رواء هادي – للقراءة المباشرة والتحميل pdf
وأنتي تحجين بكيفج ولج وين اوديج وين بس
فهميني وييين
صارت تبجي وتلطم على …صدرها روحها مفرفحة على فرقد وانا كاتلني الخوف أخاف يطلع الجني منه ويجي لعندي بقينا كاعدين لحد الساعة
بال١١ بالليل وهم مالهم حس سلسبيل مكرفصة نفسها ودموع مانشفت أبد جديتي كذالك انا كذالك مانشفوا دموعي من الخوف اندك الباب
صاحت جديتي ”
منو
بسرعة جريت الشال خليته فوك رأسي صاحتله ”
دخل جدة وبشرني
دخل وسد الباب مبين من ملامح وجهه الوضع موزين بقى ساكت كامت جديتي بوجهه وكالت ”
ولك بشرني شلونه فرقد
أخذ نفس طويل وراها زفر وكال ”
خبل الشيخ تخبل كل ساعة يطلع
جني شكل بي
محمد _جن كافر وجن مسلم بي واثنينهم مربوطين ويه بعض من سنوات طويلة ويردون واحد يفك قيدهم ويخلصهم وهسه متلبسين بفرقد
على أمل يجي واحد ويفتح السحر عنهم .
حلوة_حرامك جدة إذا فهمت شي وضح أكثر خل افهم لعله بحفيدي فرقد شنو ؟
محمد _سل جنية مسلمة جانت تخدم مرت الساحر وهجرس جن كافر يخدم الساحر …هجرس من شايف سل تتنقل بالبيت متعصب لأن مسلمة
ورايح قاتل مرت الساحر وكايل للساحر سل قتلتها والساحر مامصدك بي ومنتقم منهم اثنينهم ورابطهم ويه بعض بصف قبر مرته