رواية الهجرس الفصل الثاني عشر 12 بقلم رواء هادي – للقراءة المباشرة والتحميل pdf
هجرس_تعال وشوف بعيونك واحكم بعد
جدي تفضل استريح
كمت من مكانه كعد كعدت بصفه انطيته التلفون شاف المقطع الفيديو وسعت اعيونه رفع رأسه باوع لرعد ولعيدان واحد بصف الثاني واكف
جدي _ هم حرامية وهم جذابة
رعد _والله عيدان كالي خل نبوك الحقل ونتهم بارق بهاي السالفة علمو…
عيدان _جذاب مو أنت كلتلي تعال نبوك الحقل
رعد _جدي بالعباس ابو فاضل هو ورطني انا مالي دخل
عيدان _فوكاها تنكر ياكلب
رعد _والله أنت الكلب هم تورطني وهم تنكر
رعد _ شراح تسوي
جدي_تعالوا اكوووول
اباوعلهم كوة كاتم ضحكتي بارق …..خرب من الضحك منطينه ظهره ويضحك فطير اقل زلة يكلبها فرجة تقدموا كدام جدي كام جدي
وماشاء الله على جدي طويل وطوله هيبة رخه ايده وضرب رعد راشدي شمره بالكاع رعد ضعيفون اضعف من بارق وايده تكسر رجله
وعيدان سمين وقصيرون جابه براشدي من ضربه كبيت من مكاني صوت الراشدي مو طبيعي جان رجع صاح برعد ” كوووم كلب ابن الكلب هم حرامي وهم تتهم ابن
عمك باطل انعل ابوكم يابو
الخلفوكم على هاي سوايتكم صيحوا الجاسم ولجدوع خل يجون يشوفون عمله ولدهم ..
كام رعد لازم خدة رجع جابه براشدي ثاني كلت تخربط ورجع عيدان هم جابه براشدي انوب ستلمهم كدام الكل كتل طيح حظهم كلمة وحدة ماطلعت