رواية الهجرس الفصل الثاني عشر 12 بقلم رواء هادي – للقراءة المباشرة والتحميل pdf
_لابشرفك سويت ولد عمامك انغولة
_هوووب هوووب ولك عبرت الترابي ودخلت بنص البيوت وخليت الكل تطافر ههههه
_اويلي يابة المحرك حامي اليوم على كيفك يمعود
لايكوم ههه
_هجرس كافي كافي الخاطر الله
_وجعععة من الله شبيك انكرصت
_اكرههم والله اكرههم واموت من عدهم
عافني وراح حامي فووول والكل ملتهية بالحديقة جاي تجهز للحنة النسوان راحوا يحنون العروسة من وقت لان الطريق طويل لما يوصلون بيت العروس يطول فوك
الساعة ونص وانا مارحت
رحت لبيت عمي فواز كابلت بارق وكعدت أريد أراضي واجيبه لعندي خطية واحبه كلش هذا لعزيز مالتي ورفيق دربي كعدت بصفه خليت
أيدي فوك جتفه هو مطنكر وزعلان ”
من عمت عينك تخلي النغولة على كولتك تحبسك بالبيت مثل النسوان وهم يسرحون ويمرحون
بنص المضيف
_تقبلها رايحين كايلين لأبوي خابر كحاب وافتح كاميرا واسوي شغلات غير أخلاقية
_هاي شوكت صار هذا الحجي
_ قبل لا نتعارك بساعة
_هذولة يتهموك بشرفك ..ولك كوم خل اروح انعنع ضلوعهم الالك وخليهم مثل الجلاب
يعترفون لابوك كووم
_للمظيف اليوم اسويهم صدك تخابر كحاب كوم يله جم مرة كلتلك خليك سبع ولاتخلي الجلاب تنبح وراك وتخوفك دكوم عاد مو شلعت قلبي كوووم